Category: کھیل

جاپان: ٹوکیو میں ایک ہی ایونٹ میں لڑنے والے دو باکسرز جان کی بازی ہار گئے۔

جاپان باکسنگ کمیشن نے 2 باکسر کی فائٹ کے بعد موت کے بعد ہنگامی اجلاس طلب کرلیا، شیگیتوشی کوٹاری اور ہیروما سایوروا فائٹ کے بعد چل بسے۔

فائٹ کے بعد حالت بگڑنے پر باکسرز کی دماغ کی سرجری کی گئی جو بعد میں انتقال کرگئے۔

اجلاس میں سیفٹی کے اقدامات پر غور ہوگا، سیکریٹری جنرل جاپان باکسنگ کمیشن کا کہنا ہے کہ جو اقدامات ہوسکتے ہیں وہ ہم کریں گے۔

جاپانی میڈیا نے فائٹ سے پہلے تیزی سے وزن کم کرنے کے خطرات اجاگر کیے ہیں۔

یہ پڑھیں: چین کے روبوٹ باکسروں نے دنیا کو حیران کر دیا، ویڈیو دیکھیں

ڈبلیو بی او نے سوشل میڈیا پوسٹ میں کہا کہ یہ دل توڑ دینے والی خبر شیگے توشی کوٹاری کی موت کے چند ہی دن بعد آئی ہے، جو اسی کارڈ میں ہونے والی فائٹ کے دوران زخمی ہوئے تھے، ہم اس کٹھن وقت میں متاثرہ خاندانوں، دوستوں اور جاپانی باکسنگ کمیونٹی کے ساتھ ہیں۔

علاوہ ازیں جے پی سی نے او پی بی ایف ٹائٹل فائٹس 12 کے بجائے 10 راؤنڈز کرنے کا فیصلہ کیا ہے۔

رواں سال کے اوائل میں آئرش باکسر جان کونی بھی انتقال کر گئے تھے، جو سیلٹک سپر فیذر ویٹ ٹائٹل میں ناتھن ہاولز سے شکست کے بعد ایک ہفتے تک آئی سی یو میں رہے تھے۔

ایشیا کپ اور سہ فریقی سیریز کے لیے پاکستان کے اسکواڈ میں تبدیلیوں کا امکان ہے۔

کرکٹ ویب سائٹ کی رپورٹ کے مطابق پاکستان کرکٹ بورڈ کی جانب سے افغانستان اور یو اے ای کے خلاف آئندہ ماہ سہ ملکی سیریز کے ساتھ ساتھ ایشیا کپ 2025 کے لیے قومی اسکواڈ کا اعلان جلد متوقع ہے۔

یوا ے ای میں سہ فریقی سیریز کے لیے ٹیم میں چند تبدیلیوں کا امکان ہے، فاسٹ بولر سلمان مرزا اور آل راؤنڈر احمد دانیال کی واپسی کا امکان ہے۔

رپورٹ میں ذرائع کے حوالے سے بتایا گیا ہے کہ سینئر فاسٹ بولر شاہین آفریدی اور حارث رؤف کو سیریز کے دوران ورک لوڈ مینجمنٹ کے لیے آرام دیا جاسکتا ہے اور انہیں ایشیا کپ میں شامل کرنے کا منصوبہ ہے۔

یہ پڑھیں: ویسٹ انڈیز سے صرف ایک میچ ہارنے سے پاکستان ٹیم کو کیا نقصان ہوا؟

اسکواڈ میں معمول کے 15 کی بجائے 16 کھلاڑی شامل کیے جانے کا امکان ہے، حتمی فیصلے ہیڈ کوچ مائیک ہیسن اور کپتان کی مشاورت سے کیے جائیں گے۔

اوپننگ بلے باز فخر زمان کو آئندہ سہ فریقی سیریز اور ایشیا کپ دونوں کے لیے پاکستان کے اسکواڈ میں شامل کیے جانے کا امکان ہے۔ وہ اس وقت ویسٹ انڈیز کا دورہ کرنے والی ٹیم میں انجری کی وجہ سے شامل نہیں۔

آل راؤنڈر اور ٹی 20 کے نائب کپتان شاداب خان کی سہ ملکی سیریز اور ایشیا کپ دونوں میں شرکت کا امکان نہیں ہے کیونکہ وہ سرجری کے بعد اپنی بحالی جاری رکھے ہوئے ہیں۔

واضح رہے کہ سہ ملکی سیریز 29 اگست سے 7 ستمبر تک شارجہ کرکٹ اسٹیڈیم میں ہوگی، پاکستان اپنی مہم کا آغاز 29 اگست کو افغانستان کے خلاف مقامی وقت کے مطابق شام 7 بجے کرے گا۔

ہر ٹیم دوسرے سے دو بار آمنے سامنے ہو گی، سرفہرست دو ٹیمیں 7 ستمبر کو فائنل میں پہنچیں گی۔

آسٹریلیا کے آل راؤنڈر گلین میکسویل نے جنوبی افریقا کے خلاف ناقابل یقین کیچ تھام کر سب کو حیران کردیا۔

آسٹریلیا نے جنوبی افریقا کو پہلے ٹی 20 میچ میں شکست دے دی، ٹم ڈیوڈ کو شاندار کارکردگی پر میچ کا بہترین کھلاڑی قرار دیا گیا۔

تاہم گلین میکسویل اور شائقین نے دو ہاتھ میں کین لے کر ناقابل یقین پکڑا جس کی ویڈیو سوشل میڈیا پر وائرل ہوگئی۔

کمنٹیٹرز اور شائقین نے بھی کیچز کو مدتوں یاد رہنے والا قرار دیا۔

ویڈیو میں دیکھا جاسکتا ہے کہ گلین میکسویل نے باؤنڈری لائن ک باہر جاکر ریان ریکلٹن کا کیچ لیا پھر تیزی سے گراؤنڈ میں آئے۔

شائقین میں بھی کرکٹ فین نے ایک ہاتھ میں دو کین پکڑے بائیں ہاتھ سے کیچ کرکے سب کو حیران کیا۔

واضح رہے کہ جنوبی افریقا کے خلاف میچ میں آسٹریلیا نے 17 رنز سے کامیابی حاصل کی ہے۔