Category: کھیل

ڈبلیو ڈبیو ای سمر سلیم 2025 میں چیمپئن شپ ٹائٹل کے لیے جان سینا اور کوڈی رہوڈز فائٹ کریں گے۔

ریسلر جان سینا اور کوڈی رہوڈز 3 اگست کو میٹ لائف اسٹیڈیم میں چیمپئن شپ ٹائٹل کے لیے آمنے سامنے ہوں گے، توقع ہے یہ ایونٹ سمر سلیم 2025 کی بڑی فائٹ کے لیے ہاؤس فل ہوگا۔

یہ فائٹ اس بات کا تعین کرے گی کہ آیا جان سینا ہیل چیمپئن کے طور پر ریٹائر ہوں گے یا کوڈی رہوڈز انہیں الوداعی میچ میں شکست دیں گے۔

جان سینا اور کوڈی رہوڈز کی فائٹ سے قبل مداحوں کا ملا جلا ردعمل سامنے آیا ہے، ایک مداح نے لکھا کہ کیا جان سینا اعلیٰ نوٹ پر کیریئر کا اختتام کریں گے؟

مقابلہ اسٹریٹ فائٹ کے قوانین کے تحت ہوگا یعنی مداخلت اور ہتھیار کو قانونی تصور کیا جائے گا۔

واضح رہے کہ ریسل مینیا 41 کے دوبارہ میچ میں جان سینا نے حریف کو شکست دے کر ٹائٹل جیتا تھا۔

شائقین یہ جاننے کے لیے بے تاب ہیں کہ آیا یہ میچ پچھلی لڑائیوں سے بہتر معاملہ ثابت ہو گا۔

یاد رہے کہ گزشتہ سال ریسل مینیا 40 میں ڈبلیو ڈبلیو ای میں کوڈی رہوڈز نے رومن زینز کو شکست دے کر ان کی 1316 دنوں کی حکمرانی کا خاتمہ کیا تھا۔

یہ پہلی بار تھا کہ جب روڈز خاندان کا کوئی ریسلر ڈبلیو ڈبلیو ای چیمپئن بننے میں کامیاب ہوا۔

پاکستان کے وائٹ بال کے ہیڈ کوچ مائیک ہیسن نے نوجوان ہارڈ ہٹنگ بیٹر حسن نواز کو ’کوالٹی پلیئر‘ قرار دیا ہے۔

اعدادو شمار کے مطابق حسن نواز کی اوسط 35.4 ہے اور جب وہ پاور پلے میں بیٹنگ کے لیے آتے ہیں تو 162.8 کے اسٹرائیک ریٹ سے اسکور کرتے ہیں اور وہ پانچ مرتبہ صٖر پر بھی آؤٹ ہوچکے ہیں۔

پاور پلے کے بعد ان کی اوسط 49 ہے اور اسٹرائیک ریٹ 172.9 بغیر صٖفر پر آؤٹ ہوئے ہے۔

ہیڈ کوچ ہیسن نے نوجوان کھلاڑی حسن نواز کی تعریف کی ہے جنہوں نے 12 ٹی 20 میچوں میں ایک سنچری اور نصف سنچری کی مدد سے 284 رنز بنائے ہیں۔

انہوں نے کہا کہ یقینی طور پر ایک معیاری کھلاڑی عروج پر ہے۔

یہ پڑھیں: میں جہاں سے آیا ہوں وہاں کوئی کرکٹر بننے کا خواب بھی نہیں دیکھتا، حسن نواز

نواز  نے مارچ میں نیوزی لینڈ کے خلاف ٹی ٹوئنٹی سیریز کے افتتاحی میچ میں پاکستان کے لیے بین الاقوامی کیریئر کا آغاز کیا تھا۔

بیٹر پہلے دو میچوں میں صفر پر آؤٹ ہوئے اور اس کے نتیجے میں وہ مجموعی طور پر صرف چھٹے بلے باز اور مایوس کن ریکارڈ حاصل کرنے والے دوسرے پاکستانی بن گئے۔

اس کے بعد حسن نواز نے تیسرے ٹی 20 میں الگ ہی رنگ میں نظر آئے اور 44 گیندوں پر سنچری بنائی جو فارمیٹ میں کسی پاکستانی بلے باز کی تیز ترین تھی، ان کی سنچری کی بدولت پاکستان نے نیوزی لینڈ کے خلاف نو وکٹوں سے کامیابی حاصل کی۔

بھارت کو ایشیا کپ سے قبل بڑا دھچکا لگ گیا، فاسٹ بولر جسپریت بمراہ کی ٹورنامنٹ میں شرکت مشکوک ہوگئی۔

بھارتی میڈیا رپورٹ کے مطابق فاسٹ بولر جسپریت بمراہ کے یو اے ای میں 9 سے 28 ستمبر تک کھیلے جانے والے اے سی سی ایشیا کپ 2025 سے محروم ہونے کا امکان ہے۔

بمراہ جو ورک لوڈ کی وجہ سے انگلینڈ کے خلاف تین ٹیسٹ میچوں میں حصہ لے چکے ہیں اسی وجہ سے وہ ایشیا کپ سے باہر ہوسکتے ہیں۔

مزید برآں، بورڈ آف کنٹرول فار کرکٹ ان انڈیا (بی سی سی آئی) کے ایک قریبی ذریعہ نے اشاعت کو بتایا کہ بمراہ کا ٹیسٹ کرکٹ کی طرف جھکاؤ ان کی ایشیا کپ 2025 کی غیر موجودگی میں بھی کردار ادا کر سکتا ہے کیونکہ ہندوستان دو میچوں کی سیریز کے لیے ویسٹ انڈیز کی میزبانی کرنے والا ہے، جو 2 اکتوبر سے شروع ہو رہی ہے۔

یہ پڑھیں: ایشیا کپ میں بھارت پاکستان سے کھیلے گا یا نہیں؟

ذرائع نے دعوی کیا کہ جسپریت بمراہ نیوزی لینڈ کے خلاف سیریز کو میگا ایونٹ کے لیے ‘ڈریس ریہرسل’ کے طور پر استعمال کر سکتے ہیں۔

رپورٹ کے مطابق یہ ایک مشکل کال ہوگی لیکن بمراہ کو ٹیسٹ کرکٹ سے محبت ہے جہاں تک ٹی ٹوئنٹی کا تعلق ہے، وہ جنوری میں نیوزی لینڈ کے خلاف سیریز کھیل سکتے ہیں، جو ٹی ٹوئنٹی ورلڈ کپ کی ڈریس ریہرسل ہو گی۔

سابق کپتان شاہد آفریدی نے ورلڈ چیمپئن شپ آف لیجنڈز کے میچز نہ کھیلنے کی وجہ بتادی۔

برطانیہ میں نیوز کانفرنس کرتے ہوئے شاہد آفریدی نے کہا کہ کھیلنے کا بہت دل تھا مگر ابھی انجری کی وجہ سے ڈاکٹر نے منع کیا ہے۔

انہوں نے کہا کہ ہم سب پاکستان کا وقار بڑھانے کے لیے کھیلیں گے، فائنل میں پاکستان چیمپئنز بھرپور مقابلہ کرے گی۔

شاہد آفریدی نے کہا کہ کھلاڑیوں کو معلوم ہے کہ فائنل میں انہیں اچھا پرفارم کرنا ہے۔

واضح رہے کہ گزشتہ دنوں شعیب ملک نے بتایا تھا کہ شاہد آفریدی کمر کی انجری کی وجہ سے میچز نہیں کھیل رہے۔

یہ پڑھیں: لیجنڈز لیگ: پاکستان اور جنوبی افریقہ کے درمیان فائنل آج کھیلا جائے گا

پاکستان چیمپئنز اور جنوبی افریقا چیمپئنز کے درمیان ورلڈ چیمپئن شپ آف لیجنڈز کا فائنل آج ایجبسٹن، برمنگھم کے مقام پر کھیلا جائے گا۔

اس سے قبل بھارتی چیپئنز کی ٹیم کے پاکستان کے خلاف پہلے سیمی فائنل میں کھیلنے سے انکار پر پاکستان چیمپئنز کی ٹیم کو واک اوور دے دیا گیا اور پاکستان چیمپئنز ٹیم باآسانی ورلڈ چیمپئن شپ آف لیجنڈز کے فائنل میں پہنچ گئی۔

دوسرے سیمی فائنل میچ میں جنوبی افریقا چیمپئنز نے انتہائی سخت مقابلے کے بعد آسٹریلیا چیمپئنز کو 1 رن سے شکست دے کر فائنل تک رسائی حاصل کی تھی۔

جنوبی افریقا چیمپئنز کو مایہ ناز وکٹ کیپر بلے باز اے بی ڈی ویلیئرز لیڈ کررہے ہیں جبکہ پاکستان چیمپئنز ٹیم کو مایہ ناز بلے باز محمد حفیظ لیڈ کر رہے ہیں پاکستان ٹیم ایونٹ میں ناقابل شکست ہے پول میچ میں جنوبی افریقہ کو ہرا چکی ہے۔