فیلڈ مارشل سید عاصم منیر نے کہا ہے کہ ‎امریکا کے ساتھ ممکنہ تجارتی معاہدے کی بدولت بھاری سرمایہ کاری متوقع ہے ‎بین الاقوامی تعلقات کے محاذ پر بھی پاکستان نے نمایاں کامیابیاں حاصل کی ہیں، امریکا، سعودی عرب، یواےای،چین کے ساتھ مختلف مفاہمتی یادداشتوں پر عمل درآمد جاری ہے مفاہمتی یادداشتیں معاشی تعاون اور سرمایہ کاری کو فروغ دیں گے۔

دورِہ امریکا کے دوران پاکستانی کمیونٹی سے خطاب میں فیلڈمارشل نے کہا کہ ‎امریکا میں مقیم پاکستانیوں سے خطاب میرے لیے اعزاز کی بات ہے ‎بیرون ملک مقیم پاکستانی عزت و وقار کا سرچشمہ اور دیگر پاکستانیوں کی طرح پرجوش ہیں، ‎ بیرون ملک پاکستانی ’’برین ڈرین نہیں بلکہ برین گین‘‘ہیں۔

انہوں نے کہا کہ بھارت اپنے آپ کو ’’وشوا گرو‘‘ کے طور پر پیش کرنا چاہتا ہے لیکن عملی طورپرایسا کچھ بھی نہیں، ‎بھارت کی خفیہ ایجنسی را کی ٹرانس نیشنل دہشتگرد سرگرمیوں میں شمولیت عالمی سطح پر شدید تشویش کاباعث ہے کینیڈا میں سکھ رہنما کا قتل اور قطر میں 8 بھارتی نیول افسران کا معاملہ اور کلبھوشن جیسے واقعات مثال ہیں۔

جنرل عاصم منیر نے کہا کہ ‎پاکستان نے بھارت کی امتیازی اور دوغلی پالیسیوں کےخلاف کامیاب سفارتی جنگ لڑی ہے بھارت نے شرمناک بہانوں کے ساتھ پاکستان کے خلاف جارحیت کی، بھارت نے پاکستان کی خودمختاری کی سنگین خلاف ورزی کی، معصوم شہریوں کو شہید کیا، بھارتی جارحیت  نے خطےکو ایک خطرناک طور پر بھڑکنے والی جنگ کے دہانے پر لاکھڑا کیا۔

’’بھارت  کی کسی بھی غلطی کی وجہ سے دو طرفہ تصادم بہت بڑی غلطی ہوگی، پاک بھارت جنگ رکوانے پر پاکستان صدر ٹرمپ کا مشکور ہے صدر ٹرمپ کی اسٹریٹجک لیڈشپ کی بدولت  دنیا میں جاری بہت سی جنگیں رک گئیں، ‎پاکستان نے بھارتی اشتعال انگیزی کا پُرعزم اور بھرپور جواب دیا، پاکستان نے وسیع ترتنازعہ کو روکنے میں کامیابی حاصل کی‘‘

ان کا کہنا تھا کہ ‎بھارت اب بھی خطے میں عدم استحکام پیدا کرنے پر بضد ہے پاکستان واضح کرچکا ہے کہ کسی بھی بھارتی جارحیت کا منہ توڑ جواب دیا جائے گا، ‎مقبوضہ کشمیر بھارت کا اندرونی معاملہ نہیں بلکہ ایک نامکمل بین الاقوامی ایجنڈا ہے قائد اعظم نے کہا تھا کشمیر پاکستان کی ’’شہ رگ‘‘ہے ‎مقبوضہ کشمیر  پراقوام متحدہ کی سلامتی کونسل کی قراردادیں بھی موجود ہیں پاکستان اقوام متحدہ کی  قراردادوں کی مکمل حمایت کرتا ہے۔

فلسطینیوں پر اسرائیلی مظالم کے حوالے سے فیلڈمارشل نے کہا کہ غزہ میں جاری نسل کشی، ایک بدترین انسانی المیہ ہے ‎غزہ میں جاری نسل کشی کے عالمی اور علاقائی دونوں سطح پر شدید مضمرات ہیں۔

ان کا کہنا تھا کہ افغانستان سے فتنہ الخوارج سمیت دہشت گرد پاکستان کےخلاف متحرک ہیں ‎ہماری ترقی اور خوشحالی دنیا بھر میں بسنے والے پاکستانیوں سے وابستہ ہے، اس وقت دہشت گردی کے کیخلاف پاکستان آخری فصیل ہے ‎دہشت گردوں کے لیے کوئی ہمدردی نہیں،انہیں پوری قوت سے انصاف کا سامنا کرنا ہوگا۔

فیلڈ مارشل سیدعاصم منیر نےخطاب میں قرآن پاک کی آیات کا حوالہ دیا ’اے ایمان والو! اگر کوئی فاسق تمہارے پاس کوئی خبر لے کر آئے تو خوب تحقیق کر لیا کرو تاکہ تم نادانی میں کسی کو نقصان نہ پہنچاؤ اور بعد میں اپنے کیے پر پشیمان نہ ہو‘

انہوں نے کہا کہ آج کا سوشل میڈیا ایک طاقتور ذریعہ بن چکا ہے ملک دشمن عناصر سوشل میڈیا کو ’’ساختہ افراتفری‘‘پیدا کرنے کیلئے بھی استعمال کرتے ہیں، ‎نئی نسل کی سوچ، تعلقات، ترجیحات مختلف ہیں، جسے سمجھنا وقت کی اہم ضرورت ہے۔

راولپنڈی (10 اگست 2025): فیلڈ مارشل آرمی چیف جنرل عاصم منیر نے امریکا کا سرکاری دورہ کیا جہاں ان کی اعلیٰ عسکری و سیاسی قیادت سے ملاقاتیں ہوئیں۔

فوج کے شعبہ تعلقات عامہ (آئی ایس پی آر) کے مطابق فیلڈ مارشل آرمی چیف جنرل عاصم منیر نے امریکا کے سرکاری دورے کے دوران پاکستانی نژاد امریکی کمیونٹی سے بھی ملاقاتیں کیں۔

آئی ایس پی آر نے بتایا کہ انہوں نے ٹامپا میں سینٹکام کمانڈر کی ریٹائرمنٹ تقریب میں شرکت کی اور جنرل مائیکل ای کوریلا کی خدمات کو خراج تحسین پیش کیا جنرل مائیکل ای کوریلا کے دو طرفہ عسکری تعاون کے فروغ میں کردار کو سراہا۔

یہ بھی پڑھیں: فیلڈ مارشل عاصم منیر امریکی تعلقات کو نئی جہت دے رہے ہیں، دی اکانومسٹ

سپہ سالار نے ایڈمرل بریڈکوپر کو نئی ذمہ داریاں سنبھالنے پر مبارکباد دی اور پاک امریکا عسکری تعاون کے تسلسل پر اعتماد کا اظہار کیا۔

فیلڈ مارشل آرمی چیف جنرل عاصم منیر کی چیئرمین جوائنٹ چیفس آف اسٹاف جنرل ڈین کین سے ملاقات ہوئی جس میں باہمی پیشہ ورانہ دلچسپی کے امور پر تبادلہ خیال کیا گیا۔ سپہ سالار نے ان کو پاکستان کے دورے کی دعوت دی۔

آئی ایس پی آر کے مطابق آرمی چیف جنرل عاصم منیر کی دوست ممالک کے عسکری سربراہان سے بھی ملاقاتیں ہوئیں۔

انہوں نے پاکستانی کمیونٹی سے خطاب میں روشن مستقبل پر اعتماد رکھنے کی اپیل کی، بیرون ملک مقیم پاکستانیوں پر سرمایہ کاری کے فروغ میں کردار ادا کرنے پر زور دیا، پاکستانی کمیونٹی نے ملکی ترقی میں تعاون جاری رکھنے کا عزم کیا۔

وزیر دفاع خواجہ آصف کا بھارتی ایئر چیف کے پاکستانی طیارے گرانے کے الزامات پر ردعمل آگیا۔

اے آر وائی نیوز کے مطابق وزیر دفاع خواجہ آصف نے بھارت کو اپنے طیاروں کی انوینٹری سامنے لانے کا چیلنج دے دیا۔

انہوں نے کہا کہ بھارتی فضایہ کے تاخیر سے کیے گئے دعوے مضحکہ خیز اور ناقابل یقین ہیں، بھارت کے جھوٹے بیانیے سیاسی مفاد کے لیے گھڑے گئے ہیں۔

وزیر دفاع نے کہا کہ آپریشن سندور میں ایک بھی پاکستانی طیارہ تباہ نہیں ہوا، پاکستان نے 6 بھارتی طیارے، ایس 400 سسٹم اور متعدد ڈرونز تباہ کیے۔



خواجہ آصف نے کہا کہ آپریشن بنیان مرصوص میں ثابت ہو چکا پاکستان اپنی خود مختاری پر فوری جواب دے گا، خطے کے امن کو لاحق خطرات کی ذمہ داری بھارتی قیادت پر ہوگی۔

یہ پڑھیں: بھارت کا آپریشن سندور میں رسوائی اور جگ ہنسائی کے بعد مضحکہ خیز دعویٰ

واضح رہے کہ مودی سرکار نے آپریشن سندورمیں ناکامی چھپانے کی ایک اور مضحکہ خیز کوشش کی ہے جس میں اس کے بھارتی ایئرچیف نے 6 پاکستانی طیارے مارگرانے کا بیان دیا۔

بھارتی میڈیا کے مطابق بھارتی ایئر چیف نے مضحکہ خیز دعویٰ بنگلور میں ایک میموریل لیکچر کے دوران کیا۔

بھارتی ایئرچیف نے دعویٰ کیا کہ بھارت نے پاکستان کے پانچ لڑاکا اورایک ریڈار طیارہ تباہ کیے۔

یاد رہے کہ پاکستان کی طرف سے بھارتی طیاروں کی تباہی کا اعتراف خود بھارتی آرمی چیف بھی کرچکے ہیں۔