Category: اہم ترین

نیویارک : نائب وزیراعظم اسحاق ڈار کا کہنا ہے کہ پاکستان کا اسرائیل کو تسلیم کرنے کا کوئی ارادہ نہیں، فلسطینی سرزمین پر اسرائیلی قبضہ فوری ختم ہونا چاہیے۔

تفصیلات کے مطابق نائب وزیراعظم اسحاق ڈار نے نیویارک میں پریس کانفرنس کرتے ہوئے کہا کہ او آئی سی 57 ممالک کی تنظیم ہے ، جس کے ہم بانی ممبر ہیں، اسلاموفوبیا پر او آئی سی کا مستقل اینوائے مقرر کروایا، فلسطین کے ساتھ کشمیر کے مسئلے کو بھی اجاگر کیا۔

نائب وزیراعظم کا کہنا تھا کہ فلسطینیوں کے حق خودارادیت اور دو ریاستی حل کی حمایت کرتے ہیں، آزاد فلسطینی ریاست کی سرحدیں 1967 والی پوزیشن کے مطابق ہونی چاہئیں، القدس الشریف فلسطین کا دارالحکومت ہونا چاہیئے۔

انھوں نے واضح کیا مسئلہ فلسطین کے حل سے اسرائیل کو تسلیم کرنے کاکوئی ارادہ نہیں۔

وزیر خارجہ نے بتایا کہ امریکی سیکریٹری خارجہ سے ملاقات بہت مفید رہی، ہم نے تجارت اور ٹیرف کے معاملے پر بھی بات کی، آج بھی سیکریٹری مارکوروبیو سے ٹیلیفون پر بات ہوئی، امریکا سے دو طرفہ اور علاقائی امور پر کھل کر بات ہوئی ہے۔

نائب وزیراعظم نے کہا کہ امریکا کا دورہ ہر حوالے سے کامیاب رہا ہے، ٹیرف پرمعاہدے کیلئے وزیرخزانہ محمداورنگزیب جلد امریکاپہنچ جائے گا، اگلے دو سے تین دن میں ٹیرف پر معاہدے طے پاجائے گا۔

عمران خان کے حوالے سے ان کا کہنا تھا کہ بانی پی ٹی آئی کے خلاف کیسز عدالتی معاملہ ہے، جب آپ ہتھیار اٹھاتے ہیں تو قانون اپنا راستہ اپناتاہے، دہشت گردی کے خلاف جنگ ہماراسرفہرست ایجنڈا ہے۔

دورہ افغانستان سے متعلق وفاقی وزیر نے بتایا کہ 19 اپریل کو افغانستان گیا، افغان نگراں وزرا سے بات چیت ہوئی، جو فیصلے ہوئے ان پر 20 اپریل کو عملدرآمد ہو چکا ، افغانستان کے ساتھ ریلوے لائن بچھی تو ہم پوری دنیا سے کنکٹ ہو جائیں گے، افغانستان سے کہا ہے کہ اپنی سرزمین کو دہشت گردی کیلئے استعمال نہ ہونے دے، چین، پاکستان اور افغانستان کے وزرائے خارجہ کابل میں جلد ملاقات کریں گے۔

لاہور : سینئر صوبائی وزیر مریم اورنگزیب نے پیٹرول موٹر بائیک کو الیکٹرک میں تبدیل کرنیوالوں کو ایک لاکھ روپے کیش دینے کا اعلان کردیا۔

تفصیلات کے مطابق سینئر صوبائی وزیر مریم اورنگزیب نے پریس کانفرنس کرتے ہوئے کہا کہ پی ایچ اے نے درخت لگانے کی مہم کا آغاز کردیا ہے، پلانٹ فور پاکستان وزیراعلیٰ پنجاب کا وژن ہے، اربن فاریسٹ سے پنجاب کا گرین کور بڑھانا ہے۔

سینئر صوبائی وزیر کا کہنا تھا کہ پنجاب کی پہلی اسموگ گنز کو کل میڈیا کے سامنے پیش کریں گے ، پیٹرول موٹر بائیک کو الیکٹرک میں تبدیل کرنیوالوں کو ایک لاکھ روپے کیش ملے گا جبکہ لائٹس کو ایل ای ڈی پرمنتقل کریں گے تو کاربن گرین کریڈٹ ملے گا۔

انھوں نے کہا کہ پلانٹ فورپاکستان میں 5 کروڑدرخت لگانے کا ہدف تھا، ہم نے ایک ارب سونامی کے جھوٹے نعرے نہیں لگائے، ہم نے ہردرخت کی مانیٹرنگ کر کے اس کی میپنگ کی ، آسٹریلیاطرزکی ٹیکنالوجی کی انسٹالیشن اس سال مکمل ہوجائے گی۔

صوبائی وزیر کا کہنا تھا کہ پنجاب میں ٹیکنالوجی بیسڈ فائر کنٹرول فورس بنائی جائےگی، بینک آف پنجاب اس پورےپراسس کی نگرانی کرے گا، ہم نے فاریسٹ لائن کو قبضے سے چھڑوایا، وزیراعلیٰ کا وژن ہے فاریسٹ کور کو بڑھانا اور اس کی حفاظت بھی کرنی ہے۔

انھوں نے بتایا کہ پی ایچ اوکا پودہ 1399 پر کال کریں تو گھر پر ڈلیوری کیا جاتا ہے، لاہور کے شہریوں کے لئے یہ پودہ وزیراعلیٰ پنجاب مریم نواز کا تحفہ ہے، لاہور کے شہری 1399 پر فون کریں آپ کا پودہ آپ کے گھر پہنچایا جائے گا۔

مریم اورنگزیب نے مزید کہا کہ رنگ روڈ کے اردگرد 3 لاکھ پودے لگائے جائیں گے، لاہور میں اسموگ کا معاملہ گزشتہ 10 سالوں سے تھا ، وزیراعلیٰ پنجاب کی ہدایت پراسموگ پر قابو پایا جارہا ہے، 7ایئرکوالٹی مانیٹر پنجاب ایئرکوالٹی سسٹم میں نصب ہوچکے ہیں۔

ان کا کہنا تھا کہ لاہور کے شہریوں کا فرض ہے، زیادہ سےزیادہ درخت لگائیں، زیادہ درخت لگیں گے توایئرکوالٹی انڈیکس بہترہوگا۔

نیو یارک (27 جولائی 2025): نائب وزیر اعظم و وزیر خارجہ اسحاق ڈار کا کہنا ہے کہ کوئی کسی غلط فہمی میں نہ رہے، عافیہ صدیقی پاکستان کی بیٹی اور حکومت کی ترجیح ہیں۔

پاکستانی کمیونٹی سے خطاب کرتے ہوئے اسحاق ڈار نے کہا کہ عافیہ صدیقی کے معاملے کے حل تک کوشش کرتے رہیں گے، بانی پی ٹی آئی عمران خان کی رہائی کے حوالے سے مجھ سے سوال ہوا تو میں نے کہا کہ جب ہم ان کی بات کرتے ہیں تو کہا جاتا ہے قانونی عمل اجازت نہیں دیتا۔

اسحاق ڈار نے کہا کہ عمران خان کے معاملے میں بھی قانونی عمل ہے، کسی کو انگریزی نہیں آتی تو میرا کیا قصور، ساری دنیا امریکا میں پاکستان کی سرگرمیوں کو سرا رہی ہے، مخالفین شروع ہوگئے جس کی مجھے وضاحت کرنا پڑ گئی۔

یہ بھی پڑھیں: حکومت عافیہ صدیقی کے معاملے میں کسی طور غافل نہیں، وزیر اعظم

نائب وزیر اعظم نے مزید کہا کہ حکومت نے پوری کوشش کی اور سابق امریکی صدر جوبائیڈن کو عافیہ صدیقی کے معاملے پر خط بھی لکھا تھا، وزیر اعظم شہباز شریف نے دو روز قبل ان کی بہن سے ملاقات بھی کی ہے۔

انہوں نے کہا کہ عافیہ صدیقی کی رہائی کیلیے پاکستان نے سرتوڑ کوششیں کی ہیں۔

گزشتہ روز اسحاق ڈار نے اپنے بیان میں واضح کیا کہ عافیہ صدیقی کیس حوالے کو سیاق و سباق سے ہٹ کر لیا جا رہا ہے، اٹلانٹک کونسل تھنک ٹینک میں عمران خان کے کیس سے متعلق سوال کیا گیا جس کے جواب میں ان کے کیس کا حوالہ دیا۔

اسحاق ڈار نے کہا کہ ن لیگ ادوار حکومت میں ہمیشہ عافیہ صدیقی کی رہائی کیلیے معاونت کرتے رہے، ان کی رہائی کیلیے تمام سفارتی اور عدالتی معاونت فراہم کرتے رہے ہیں۔