عمران خان نے کہا ہے جس دن ملک میں صاف شفاف الیکشن ہوئے تو انقلاب لانے کے لئے بندوق کی ضرورت نہیں پڑے گی۔
خوشاب میں این اے ایک سو انہتر پر ضمنی انتخابات کے سلسلے میں جلسے سے خطاب کرتے ہوئے تحریک انصاف کے سربراہ عمران خان نے کہا کہ ۔کرکٹ کی دنیا میں سب سے پہلے نیوٹرل امپائر لایا۔
الیکشن میں بھی نیوٹرل امپائر چاہتے ہیں ، انھوں نے کہا کہ الیکشن میں دھاندلی کرنے والے پریزائڈنگ اور ریٹرننگ افسران پر بھی مشرف کی طرح آرٹیکل سکس لگتا ہے۔
عمران خان کا کہنا تھا جس دن ملک میں صاف شفاف الیکشن ہوئے تو انقلاب لانے کے لئے بندوق کی ضرورت نہیں پڑے گی ، اس سے پہلے جب عمران خان جلسہ گاہ پہنچے تو ان کا خیر مقدمی نعروں سے شاندار استقبال کیا گیا، جلسے سے تحریک انصاف کے دیگر رہنماؤں نے بھی خطاب کیا ۔
