Category: اہم ترین

وزیرداخلہ چوہدری نثار علی خان نے تصدیق کردی، سابق صدر پرویز مشرف کی عدالت جاتے ہوئے طبعیت واقعی خراب ہوئی تھی، اے ایف آئی سی پرویز مشرف کے اسٹاف کا اپنا انتخاب تھا۔

اسلام آباد میں میڈیا سے گفتگو میں وزیر داخلہ چوہدری نثار علی خان نے بتایا کہ عدالت جاتے ہوئے پرویز مشرف کی طبیعت گاڑی میں واقعی خراب ہوئی تھی۔

ان کی گاڑی میں موجود ایس پی سیکیورٹی نے انھیں اسلام آباد کے تین اسپتالوں میں لے جانے کا کہا۔ لیکن مشرف کے اسٹاف نے انھیں اے ایف آئی سی لے جانے کا کہا۔ وزیر داخلہ کا کہنا تھا کہ پرویز مشرف کی اہلیہ نے ان کا نام ای سی ایل سے نکلوانے کیلئے درخواست دی تھی،  لیکن مشرف جب تک عدالت میں پیش نہیں ہوجاتے ان کا نام ای سی ایل سے نہیں نکالا جاسکتا۔

وزیر داخلہ کا کہنا تھا کہ طالبان کیے ساتھ امن مذاکرات پہلی ترجیح ہیں، طالبان سے مذاکرات اورآپریشن دونوں ہی مشکل کام ہیں، طالبان گروپس کسی ایک مقام پر نہیں، آپریشن کریں توکہاں کریں، امن مذاکرات پر تنقید کرنے والے مسئلے کا پائیدار حل بھی بتادیں، وزیرداخلہ نے واضح کیا کہ مذاکرات کا جواب گولی سے دینے والوں کیخلاف جنگ کی جائے گی۔
    
   

وزیراعظم کے مشیرامیر مقام کی گاڑی کے قریب شانگلہ میں دوبم دھماکے،کم  از کم چھ پولیس اہلکار جاں بحق، علاقےکو گھیرےمیں لے لیاگیا، ن لیگ کے رہنما بم حملے میں محفوظ رہے.

تفصیلات کے مطابق سوات کے علاقے شانگلہ میں وزیراعظم کے مشیر انجینئر امیر مقام کے اسکواڈ پر نامعلوم افراد کی جانب سےدو بم حملہ کئے گئے جس کے نتیجے میں کم  از کم چھ پولیس اہلکار جاں بحق ہوگئے۔

جبکہ متعدد افراد کے زخمی ہونے کی اطلاعات ہیں، امیر مقام معجزانہ طور پر محفوظ رہے،امیر مقام ہر اتوار کو اپنے علاقے کا باقاعدگی سے دورہ کرتے تھے اور آج بھی وہ ایک جلسے میں شرکت کیلئے جارہے تھے کہ ان کی گاڑی پر بم حملہ کیا گیا۔.

دھماکہ کے بعد پولیس اور سیکیورٹی فورسز نے علاقے کو گھیرے میں لے لیاہے،جبکہ زخمیوں کو مقامی اسپتال میں منتقل کردیا گیا ہے۔

ہنگو میں سیکڑوں بچوں کی جان بچانے والے شہید طالبعلم اعتزاز حسن پاک فوج کے دستے نے سلامی پیش کی، قبر پر آرمی چیف کی جانب سے پھولوں کی چادر بھی چڑھائی گئی۔

ہنگو میں ابراہیم زئی کے میاں زیارت قبرستان میں شہید طالبعلم اعتزاز حسن کو پاک فوج کے دستے نے سلامی پیش کی، اعتزاز حسن کی قبر پر آرمی چیف راحیل شریف، کمانڈر پشاور اور آئی جی ایف سی کی جانب سے پھولوں کی چادربھی چڑھائی گئی۔

شہید طالبعلم اعتزاز حسن کے والد مجاہد حسن نے کا کہنا تھا کہ صدر، وزیراعظم اور آرمی چیف کا بے حد مشکور ہوں، اپنے بیٹے کی شہادت پر فخر ہے، اعتزاز نے اپنی جان کا نذرانہ دے کر اسکول کے بچوں کو بچایا۔

شہید اعتزاز حسن کے دوست قیصر حسین کا کہنا تھا کہ ہم لوگ اسکول آرہے تھے کہ پتا چلا کہ خود کش حملہ آور اسکول کی طرف بڑھ رہا ہے، اعتزاز نے خودکش حملہ آور کو دبوچ لیا اور شہید ہوگیا۔

راولپنڈی اے ایف آئی سی میں زیر علاج سابق صدر پرویز مشرف کی صحت میں بتدریج بہتری آرہی ہے لیکن اب تک انھیں اسپتال سے فارغ کرنے کا فیصلہ نہیں کیا گیا۔

سابق صدر پرویز مشرف کی صحت کے بارے میں میڈیکل بورڈ نے جو رپورٹ عدالت میں پیش کی تھی اسکے مطابق سابق صدر پرویز مشرف کی صحت میں بتدریج بہتری آرہی ہے۔

دل کی شریان بند ہونے سمیت ذہنی دباؤ ،گردن اور جبڑوں میں درد اور بائیں کندھے میں تکلیف شامل تھیں، انہیں اے ایف آئی سی میں انتہائی اعلیٰ طبی امداد دی گئی جس پر گزشتہ رات میڈ یکل بورڈ نے مختلف ٹیسٹ کیے جن کا موزانہ آج صبح کیے گئے ٹیسٹ کی رپورٹ سے کیا گیا جس میں بتدریج بہتری پائی گئی ہے۔

میڈیکل بورڈ نے پرویز مشرف کو دس ہفتوں سے زائد ادویات استعمال کرنے کا مشورہ دیا لیکن میڈیکل بورڈ نے اس بات کا فیصلہ نہیں کیا کہ پرویز مشرف کو اسپتال سے ڈسچارج کیا جائے یا نہیں اس پر میڈیکل بورڈ کے درمیان مشاورت جاری ہے ۔