Category: اہم ترین

ایس پی سی آئی ڈی چوہدری اسلم پرخودکش حملہ کرنے والے کی شناخت نعیم اللہ کے نام سے کرلی گئی ہے، ذرائع کے مطابق حملہ آورقصبہ کارہائشی تھا اور قصبہ کے ہی ایک مدرسے کاطالب تھا۔

ذرائع کے مطابق حملہ آور کی شناخت نعیم اللہ کے نام سے ہوگئی، حملہ آور قصبہ کالونی کارہائشی تھا۔۔۔حملہ آورکی شناخت کے بعد پولیس کےمختلف مقامات پرچھاپے مارے۔

ذرائع کاکہناہے حملہ آورنعیم اللہ کےبھائی کوسی آئی ڈی نےکچھ عرصہ قبل حراست میں لیاتھا لیکن جرم ثابت نہ ہونے پر اس کورہاکیاگیاتھا۔۔ذرائع کایہ بھی دعویٰ ہے حملہ آور قصبہ کےعلاقےمیں واقع مدرسہ جامعہ ربانیہ کا طالب علم تھا اس مدرسہ کا طالب علم پہلےبھی خودکش حملہ کرچکاہے۔

ایس پی سی آئی ڈی سیل راجہ عمرخطاب کے مطابق چوہدری اسلم پر گاڑی میں موجود خودکش بمبار نے قریب آکرحملہ کیاتھا ابتدائی رپورٹ کے مطابق دوسوکلو دھماکاخیز مواد نیلے رنگ کے ڈبوں میں رکھا گیا تھا، ڈی آئی جی ظفر بخاری کاکہناتھاحملےمیں ہائی ایکسپلوز استعمال کیا گیا۔

ظفربخاری نے بتایاحملےسے دو دن پہلے چوہدری اسلم کی کالعدم تحریک طالبان کے ترجمان شاہد اللہ شاہد سے ٹیلی فون پر گفتگو ہوئی تھی جس میں کالعدم تحریک طالبان کی جانب سے دھمکیاں دی گئی تھیں۔حملے کےدوسرے روز بھی فرانزک ٹیم سمیت تحقیقاتی اداروں نے جائے وقوع کا جائزہ لیا اور مزید شواہد اکٹھے کئے۔

ایس پی سی آئی ڈی چوہدری اسلم کوآہوں اور سسکیوں کے ساتھ گزری قبرستان میں سپردخاک کردیا گیا ، قوم کے نامورسپوت کو خراج عقیدت پیش کرنےکیلئےسندھ پولیس اورپاک فوج کے اعلیٰ افسران نےنماز جنازہ میں شرکت کی۔

اے ایس آئی کیریئر کی ابتدا کرنےوالے چوہدری اسلم کی پوری زندگی مجرموں کیخلاف جنگ سے عبارت تھی، دہشت گرد ہوں یاٹارگٹ کلرز سب کے لیےچوہدری اسلم ہیبت کی علامت تھا، شہید ایس پی کے جنازے کاوقت آیاتو نہ صرف محکمے کے اعلیٰ افسران شریک ہوئے بلکہ پاک فوج کے بریگیڈیئر اور سیاسی رہنما بھی قوم کے جری سپوت کو خراج عقیدت پیش کرنے کے لیے آئے۔

وزیراعلیٰ سندھ ،آئی جی سندھ،شرجیل میمن اور سی پی ایل سی چیف سمیت ہزاروں افراد چوہدری اسلم کی نماز جنازہ میں شریک ہوئے، بریگیڈیئرفرخ نے آرمی چیف جنرل راحیل شریف کی جانب سے شہید کے جسد خاکی پرپھول نچھاور کیے۔

پولیس کے چاق وچوبند دستے نے اپنے عظیم ساتھی کو سلامی دی، اس کے بعدشہید ایس پی سی آئی ڈی چوہدری اسلم کو گزری قبرستان میں سپرد خاک کردیاگیا اور یوں جرات وشجاعت کا ایک اورعہد اختتام پذیرہوا، آسماں تیری لحد پہ شبنم افشانی کرے۔
   

حضرت امام حسن عسکری کی شہادت کے حوالے سے ملک بھر میں نکالے گئے چپ تعزیے کے جلوس اختتام پذیر ہو گئے ۔

کراچی میں آٹھ ربیع الاول کوحضرت امام حسن عسکری کی شہادت کے سلسے میں مرکزی جلوس نشتر پارک سے برآمد ہوا ایم جناح روڈ سے ہوتا ہوا حسینیہ ایرانیان کھارادر میں ختم ہوگیا۔

رضویہ سوسائٹی کی طرف سے برآمد ہونے والا چپ تعزیے کے جلوس لسبیلہ، گرومندر،مارٹن روڈ سے ہوتا ہوا امام بارگاہ شاہِ نجف میں اختتام پزیرہوا۔ لاہورمیں چپ تعزیے کا جلوس پانڈواسٹریٹ سے برآمد ہوا، ملتان میں حضرت امام حسن عسکری کی شہادت کے سلسے میں مرکزی جلوس ناصر آباد سے بر آمد ہوا۔

حیدر آباد میں چپ تعزیےکا مرکزی جلوس قدم گاہ مولاعلی سے برآمد ہوا اورامام بارگاہ کربلا دادن شاہ پہنچ کراختتام پذیرہوا۔ ٹھٹھہ میں 8 ربیع الاول کا مرکزی جلوس شکر الہی امام بارگاہ سے برآمد ہوا۔ جلوس کے موقع پرسیکورٹی کے انتہائی سخت انتظامات کیے گئے تھے۔
   

وزیراعظم نے چیئر مین نا درا طارق ملک کااستعفیٰ منظورکرلیا۔۔ایڈیشنل سیکریٹری داخلہ کو چیئرمین نادرا کااضافی چارج دے دیاگیا۔

اٹا رنی جنرل منیراے ملک کے استعفے کی گو نج تھمی نہ تھی کہ چیئرمین نادرا طارق ملک بھی مستعفی ہوگئے، چیئرمین نادرا نے استعفےکی وجہ نجی مصروفیات بیان کی ہے، ذرائع وزیراعظم ہاؤس کے مطابق وزیراعظم نےچیئرمین نادراکااستعفی منظور کرلیا ہے اور وزارت داخلہ کےایڈ یشنل سیکریٹری کوچیئرمین نادراکااضافی چارج دیدیا گیا ہے۔

وزارت داخلہ کاکہناہے امتیازتاجورنئےچیئرمین نادراکی تعیناتی تک عہدےپرفائزرہیں گے چند ہفتے قبل چیئرمین نادرا کوبرطرف کیاگیاتھا، اپنی برطرفی کوانہوں نے اسلام آباد ہائیکورٹ میں چیلنج کیا جس پر عدالت نے ان کو عہدے پر بحا ل کردیا تھا، چیئرمین نادرا کی برطرفی کامعاملہ ابھی بھی عدالت میں ہے، چیئرمین نادرا اور اٹارنی جنرل کے مستعفی ہوجانے کے بعد دو اہم سرکاری عہدے خالی ہوگئے ہیں۔
   

وزارت داخلہ نے نے خبر دار کیا ہے کہ کالعدم تحریک طالبان کی جانب سے رکن قومی اسمبلی شیخ رشید کی جان کو خطرہ ہے۔

وزارت داخلہ نے نے خبر دار کیا ہے کہ کالعدم تحریک طالبان کی جانب سے رکن قومی اسمبلی شیخ رشید کی جان کو خطرہ ہے۔وزارت داخلہ نے اسلام آباد اور راولپنڈی پولیس کو خبر دار کیا ہے کہ شیخ رشید پر حملے کے لیے تحریک طالبان نے ٹاسک دے دیا ہے، وزارت داخلہ نے شیخ رشید کو خصوصی سیکیورٹی فراہم کرنے کا احکامات جاری کیے ہیں ۔

وزارت داخلہ نے لال حویلی پربھی سیکیورٹی فراہم کرنے کی ہدایت کی ہے، اسپیکر قومی اسمبلی نے شیخ رشید کو فون کرکے طالبان کی جانب سے دھمکیوں پر مکمل سیکیورٹی فراہم کرنے کی یقین دہانی کرائی ہے، شیخ رشید نے گذشتہ رات ٹویٹر پیغام میں کہا تھا کہ ان کو دھمکی آمیر فون کالز اور پیغامات موصول ہو رہے ہیں۔
   

وزیر اعظم نوازشریف نے قوم کے عظیم اور بہادر سپوت اعتزاز حسین شہیدکیلئے ستارہ شجاعت کی سفارش کردی۔

نویں جماعت کے طالبعلم اعتزاز حسین شہید نے ہنگو میں دلیری اور شجاعت کے ساتھ اپنے اسکول پر خود کش حملے کی کوشش ناکام بناتے اپنی جان قوم پر قربان کردی اور سیکڑوں طلبا کی جان کو بچا لیا۔

شہید اعتزاز حسین نے وطن سے محبت، جرات اور بہادری کی نئی مثال رقم کردی، وزیر اعظم نوازشریف نے صدر ممنون حسین سے اعتزاز حسین کو ستارہ شجاعت دینے کی سفارش کی ہے۔

ایس پی سی آئی ڈی شہید چوہدری اسلم گزشتہ روز دھماکے میں شہید ہوگئے تھے، شہید چوہدری اسلم کی 3 پولیس اہلکار سمیت نمازجنازہ پولیس ہیڈ کوارٹر میں ادا کردی گئی۔

جس پر سندھ پولیس کے چاق و چوبند دستے نے شہدا کو سلامی  پیش کی۔

وزیر اعلی سندھ  قائم علی شاہ ، اویس مظفر ،آجی سندھ ، ڈی جی رینجرز ، سیاستدان ، اور علمئدین شہر نے بڑی تعداد میں شرکت کی۔

اس موقع پر سکیورٹی کے سخت انتظامات کئے گئے۔

آرمی چیف کی جانب سے بھی پھول چڑھائے گئے، ایس پی سی آئی ڈی شہید چوہدری اسلم کی تدفین گزری قبرستان میں ہوگی ۔