Category: اہم ترین

خصوصی عدالت نے سابق صدر پرویز مشرف کی عدالت طلبی کے خلاف حکم امتناعی کی درخواست مسترد کردی۔

جسٹس فیصل عرب کی سربراہی میں خصوصی عدالت کے تین رکنی بینچ نے درخواست کی سماعت کی،  فیصلے میں کہا گیا ہے کہ خصوصی عدالت نے سولہ جنوری کو پرویز مشرف کو طلب کر رکھا ہے، عدالت کے پاس اختیار نہیں کہ وہ اپنے کسی حکم کو تبدیل کرسکے۔

سابق صدر کے وکلاء نے پیشی کے حکم کے خلاف امتناع کی درخواست دائر کی تھی، جس میں موقف اختیار کیا گیا تھا کہ عدالتی دائرہ اختیار پر فیصلہ کیا جائے، خصوصی عدالت کے رجسٹرار نے تین رکنی بنچ کا فیصلہ جاری کیا۔

جس میں کہا گیا ہے پرویز مشرف اس حوالے سے عدالت میں نظر ثانی کی درخواست دائر کر سکتے تھے لیکن یہ نظر ثانی کی درخواست نہیں ہے، اس لئے یہ قابل سماعت بھی نہیں رہی ۔
       

چیئرمین نادرا طارق ملک نے اپنے عہدے سے استعفی دے دیا ہے، انھوں نے اپنا استعفی وزارت داخلہ کے زریعے وزیراعظم کو ارسال کر دیا ہے ۔

چیئرمین نادرا کو وفاقی حکومت کی جانب سے برطرف کیا گیا تھا تاہم عدالت سے رجوع کرنے پر اسلام آباد ہائی کورٹ نے انھیں عہدے پر بحال کر دیا تھا، وفاقی حکومت کی نظر ثانی کی درخواست پر عدالت کی جانب سے فیصلہ محفوظ کر لیا گیا تھا جو ابھی تک نہیں سنایا گیا ۔

دوسری جانب ایف آئی نے کینڈین شہریت چھپانے کے الزام میں چیئرمین نادرا کے خلاف تحقیقات بھی شروع کر دی تھیں اور چیئرمین نادرا نے اپنا بیان بھی اس حوالے سے ایف آئی اے کو ریکارڈ کروایا تھا ۔

ذرائع کے مطابق چیئرمین نادرا ذہنی دباؤ کا شکار تھے، جس کے باعث انھوں نے اپنا استعفی وزارت داخلہ کے زریعے وزیر اعظم ہاؤس کو ارسال کر دیا ہے

کراچی میں دہشتگردی سے بنردآزما ایس پی سی آئی ڈی چودھری اسلم شہید کی خدمات کے اعتراف میں سینیٹ میں قرارداد اتفاق رائے سے منظور کرلی گئی۔

سینیٹ میں چودھری اسلم کی خدمات کے اعتراف کی قرارداد سینیٹر سعید غنی نے پیش کی، جسے متفقہ طور پر منظور کرلیا گیا، قرارداد میں کہا گیا ہے کہ ایس پی چوہدری اسلم نے دہشتگردوں کیخلاف لڑتے ہوئے قوم کیلئے قربانی دی، وہ ایک ایک بہادر افسر تھے۔

یہ ایوان دہشتگردی کے خلاف چودھری اسلم کی خدمات کو خراج تحسین اور شہید چودھری اسلم کو خراج عقیدت پیش کرتا ہے، قرارداد میں چوہدری اسلم کے لواحقین سے اظہار ہمدردی کرتے ہوئے ان سے اظہار ہمدردی کیا گیا۔

سینیٹ میں چودھری اسلم اور قانون نافذ اداروں کے شہدا اور خیبر پختون خوا میں اسکول کے بچوں کو خودکش حملے سے بچانے والے اعتزاز کے درجات کی بلندی کیلئے بھی دعا کرائی گئی۔
       

اٹارنی جنرل منیر اے ملک اپنے عہدے سے مستعفی ہوگئے، منیر اے ملک نے اپنا استعفی وزیراعظم نواز شریف کو ارسال کر دیا۔

سپریم کورٹ بار ایسوسی ایشن کے سابق صدر اور موجودہ اٹارنی جنرل اے منیر ملک نے اپنے عہدے سے استعفیٰ دے دیا، تجزیہ کار منیر اے ملک کے اٹارنی جنرل بننے پر محو حیرت تھے، ان کے مستعفی ہونے پر نہیں جب کہ منیر اے ملک نے مستعفی ہونے کا سبب گھریلو مصروفیا ت بتایا۔

چالیس برسوں سے وکالت سے منسلک منیر اے ملک عہدہ سنبھالنے سے پہلے بخوبی واقف تھے کہ اٹارنی جنرل کا عہدہ کتنے وقت کا متقاضی ہوتا ہے ؟ منیر اے ملک جن کی قیادت میں وکلا تحریک کا آغاز ہوا تھا۔

اس طرح عہدے سے مستعفی ہونا کئی سوالات کو جنم دیتا ہے، ان رازوں سے پردہ منیر ملک خود کب اٹھاتے ہیں یا کوئی اور اس فریضے کو انجام دے گا، فی الوقت تو منیر اے ملک مستعفی ہوچکے ہیں۔
       

خصوصی عدالت نے مشرف کیس میں فوجداری قوانین کے اطلاق سے متعلق فیصلہ سنا دیا ، پرویز مشرف کی جانب سے فیصلے کے خلاف اپیل دائر کردی ، پرویز مشرف سولہ جنوری کو آرٹیکل چھ کے تحت مقدمے میں سولہ جنوری کو سماعت پر حاضر نہ ہوئے تو ان کے وارنٹ گرفتاری جاری کرنے کا اختیار ہوگا۔

پرویز مشرف کے خلاف مقدمے کی سماعت کرنے والی خصوصی عدالت نے ضابطہ فوجداری کے اطلاق پر فیصلہ سات جنوری کو محفوظ کیا تھا، ضابطہ فوجداری کے اطلاق سے متعلق فیصلہ جسٹس فیصل عرب نے سنایا۔

عدالت کے فیصلے پر پرویز مشرف کی جانب سے استشنیٰ ختم کئے جانے کے خلاف خصوصی عدالت میں اپیل دائر کردی گئی ہے، جس میں کہا گیا ہے کہ پہلے ہماری زیر التوا درخواستوں کا فیصلہ سنایا جائے اس کے بعد استشنیٰ کے حوالے سے فیصلہ کیا جائے۔

اس سے قبل عدالت میں دلائل دیتے ہوئے پراسیکیوٹر اکرم شیخ نے کہا کہ پرویز مشرف کی نئی درخواست کو نظر انداز کردیا جائے، اس پر سماعت نہ کی جائے، جس پر وکیل صفائی انور منصور کا کہنا تھا کہ عدالت میں جب ایک درخواست ہوجائے تو سماعت لازمی ہوتی ہے نظر انداز نہیں کیا جا سکتا۔

تاہم درخواست کو مسترد یا منظور کرنا عدالت کا کام ہے، جو بھی درخواست عدالت میں دائر ہوتی ہے، اسکی سماعت کی جانی چاہئے، تین رکنی بنچ کے سربراہ جسٹس فیصل عرب نے انور منصور سے کہا کہ یہ پاکستان کی تاریخ کا پہلا کیس ہے اسے دس روز میں نہیں نمٹایا جا سکتا۔

انہوں نے کہا کہ وکلا کو ملنے والی دھمکیوں کے معاملے کا بھی جائزہ لے رہے ہیں، آپ ہمیں وکلا کی سیکورٹی کے حوالے سے تجاویز دیں، ان کی روشنی میں حکم جاری کیا جائے گا، جسٹس فیصل عرب نے کہا کہ ہم نے نوٹ کیا ہے کہ بعض اخبارات میں مس رپورٹنگ ہورہی ہے،عدالت کسی کے میڈیا ٹرائل کی اجازت نہیں دے گی۔

اکرم شیخ نے تجویز دی کہ دونوں جانب سے وکلا ٹی وی پر نہ آئیں، خصوصی عدالت میں پرویز مشرف کیس کی سماعت سولہ جنوری تک ملتوی کردی گئی ۔

آرمی چیف جنرل راحیل شریف نے کراچی میں ایس پی سی آئی ڈی چوہدری اسلم پر حملے کی مذمت کی ہے اور کہا ہے کہ دہشت گردی کے خلاف پوری قوم متحد ہے، گورنر سندھ نے چوہدری اسلم کو سول ایوارڈ دینے کی سفارش کی ہے۔

آرمی چیف جنرل راحیل شریف کی چوہدری اسلم پرحملےکی مذمت کرتے ہوئے انھیں خراج عقیدت پیش کیا، آرمی چیف کا کہنا تھاکہ چوہدری اسلم نےدہشت گردی کیخلاف شاندارخدمات انجام دیںاور پوری قوم دہشت گردی کےخاتمےکیلئےمتحدہے، سندھ رینجرزنے بھی دھماکے کی مذمت کی ہے۔

ترجمان سندھ رینجرز کا کہنا ہے کہ چوہدری اسلم ایک بہادر اور دلیر افسرتھے،انکی شہادت سےمزید چوہدری اسلم پیدا ہوں گے، گورنر سندھ ڈاکٹر عشرت العباد خان نے چوہدری اسلم کے لئے سول ایوراڈ کی سفارش ہے ان کا کہنا ہے کہ چوہدری اسلم نے بہادری اور جواں مردی کی زندگی گزاری، گورنر سندھ کی سفارش پر پہلے بھی چوہدری اسلم کو قومی اعزازت سے نوازا جا چکا ہے۔

اسلام آباد ہائیکورٹ نے اے آر وائ نیوز اور مبشر لقمان کے خلاف جیو گروپ کی جانب سے دائر دو نئی درخواستیں مسترد کر دیں ۔

حق اور سچ کی آواز کو ایک اور فتح نصیب ہوئی ہے اور اسلام آباد ہائیکورٹ نے اے آر وائی نیوز اور سینئر پروگرام اینکر مبشر لقمان کے خلاف جیو گروپ کی طرف سے دائر کی گئی دو درخواستیں مسترد کر دی ہیں۔

نئی درخواستوں میں اے آر وائی نیوز اور مبشر لقمان کے خلاف توہین عدالت کی کارروائی کی استدعا کی گئی تھی، اے آروائی نیوز اور مبشرلقمان کی جانب سے عدالت میں بیرسٹر گوہر پیش ہوئے۔