Category: اہم ترین

وزیرداخلہ چوھدری نثارعلی خان کی زیرصدارت بارہ ربیع الاول کی سیکیورٹی انتظامات کا جائزہ لینے کے لیے اہم اجلاس منعقد کیا گیا ۔ وزیرداخلہ نے ہداہت کی کہ عید میلاد النبی ﷺ کے موقع پرسیکیورٹی انتہائی سخت بنائے جائیں ، سیکیورٹی اداروں اور انٹیلی جنس اداروں کی تعاون کو اورمضبوط کیا جائے ۔

راولپنڈی اوراسلام آباد پولیس مشترکہ پیٹرولنگ کوموثربنائی جائیں کراچی گورنرسندھ سے علماء نے ملاقات کی اجلاس منعقد ہوا، اجلاس میں علما سے خطاب کرتے ہوئے گورنر سندھ نے کہا کہ بارہ ربیع الاول کے حوالے سے کسی بھی ناخوشگوار واقعہ سے بچنے کے لئے فول پروف انتظامات کویقینی بنایا جائیگا۔

کراچی میں ڈی جی رینجرزنے بھی بارہ ربیع الاول کی سیکیورٹی کے کے حوالے سے اجلاس منعقد کیا، اجلاس میں سیکٹرکمانڈرز، سینئرافسران نے شرکت کی اورسیکیورٹی پلان کوحتمی شکل دی، اجلاس میں طے پایا کہ عارضی چیک پوسٹیں بناکرچوبیس گھنٹے میں اہلکارتعینات کیئے جائیں گے اورچھتوں پربھی اہلکارتعینات ہوں گے اس کے ساتھ ساتھ اسنیپ چیکینگ کے ساتھ سراغ رساں کتوں کی مدد سے روٹ کو کلیئر کیا جائے گا۔ علامہ اویس نورانی نے مطالبہ کیا ہے کہ گیارہ اوربارہ ربیع الاول کوعام تعطیل کی جائے

لاہور کی معروف تجارتی مارکیٹ انارکلی بازار میں دکان کے تنازعہ پر تین افراد نے فائرنگ کر کے تاجر شاہ دین کو زخمی کر دیا، تاجروں نے ایک ملزم کو پکڑ کر تشدد کا نشانہ بنایا اور پولیس کے حوالے کر دیا۔

انارکلی بازار کے تاجر شاہ دین کی دکان کا تنازعہ چلا آرہا ہے، آج مالک دکان خالی کرانے کے لیے ساتھیوں کے ہمراہ آیا جس پر دونوں کے درمیان تلخ کلامی ہوئی، دکان کے مالک اور اسکے ساتھیوں نے فائرنگ کرکے شاہ دین کو زخمی کر دیا، ملزم فرار ہونے لگے تو تاجروں نے ایک ملزم کو پکڑ کر تشدد کا نشانہ بنایا اور پولیس کے حوالے کر دیا جبکہ دو ملزمان اپنی کار چھوڑ کر فرار ہوگئے، پولیس نے مقدمہ درج کر لیا۔

مسلم لیگ ق کے سربراہ چوہدری شجاعت اور چوہدری پرویزالہٰی کا کہناہے کہ سابق آرمی چیف کو غدار کہنا درست نہیں ، ن لیگ نے ان کے سامنے وزارتوں کے حلف کیوں اٹھائے۔

سینیٹ سے خطاب میں ق لیگ کے سربراہ چوہدری شجاعت حسین کا کہناتھا کہ کبھی دینا میں کسی ملک کا آرمی چیف بھی غدار ہوسکتا ہے ،مشرف کیس میں غداری کا لفظ ختم کیا جائے،جولوگ غداری کیس کی باتیں کررہے ہیں انھوں نے بھی نام نہاد غدار سے حلف لیا ان کا یہ بھی کہنا تھا کہتین نومبر کے بجائے بارہ اکتوبر سے کارروائی شروع کی جائے تو اور بھی نام آئیں گے۔.

چوہدری شجاعت کا کہناتھا کہ پرویز کیانی ، پرویز الہی کے نام آیئں گے تو افتخارمحمد چودھری کا نام بھی آئیگاچودھری شجاعت تو اپنا نام پیش کر چکا ہے، اس سے پہلے میڈیا سے گفتگو میں چوہدری پرویز الہٰی نے بھی کہا کہ سابق آرمی چیف کو غدار کہنا اچھی بات نہیں۔

پاکستان تحریک کے چیئرمین انصاف عمران خان کاکہناہےلوگ سندھ کوتقسیم کرنے کی بات کررہےہیں، لیکن وہ لوگوں کواکٹھاکرناچاہتے ہیں، بلدیاتی الیکشن میں دھاندلی ہوئی توعوام سڑکوں پرہوں گے۔

 کپتان نے سجایا عمر کوٹ میں میدان اور عام انتخابات میں سونامی سندھ تک نہ پہنچنے پرمعافی طلب کرتے ہوئے ہرضلع میں جانے کاکردیا اعلان ، چیئرمین پی ٹی آ ئی نے کہا پاکستان میں تقسیم صرف ظالم اور مظلوم ہے سندھی بلوچی یاپنجابی کی نہیں، ہم سب کو اکٹھا کرکے عدل دیناچاہتے ہیں۔

عمران خان کا کہناتھاانتخابات تسلیم کیے دھاندلی نہیں چارحلقوں میں ووٹوں کی تصدیق ہوگی توپتہ چلے گا کہ گیارہ مئی کوتاریخی دھاندلی ہوئی انہوں نے خبردار کیا کہ اب ایسا ہواتوعوام سڑکوں پرہوگی ۔

عمران خان کا کہنا تھا برسوں سےاحتساب ہورہاہےلیکن کرپشن ہے کہ ختم ہونے کانام نہیں لے رہی، کے پی کے میں احتساب کاایسا نظام لائیں گے کہ کرپشن کرنے والے وزیروں کوبھی نہیں بخشا جائے گا۔
   

غداری کیس میں پرویزمشرف پر غیرحاضری کے باعث ایک بار پھر فرد جرم عائد نہ کی جا سکی، خصوصی عدالت نے پیشی سے استثنیٰ دیتے ہوئے منگل کی صبح گیارہ بجے تک میڈیکل رپورٹ جمع کرانے کا حکم دے دیا۔

پرویز مشرف آج بھی پیشی پر نہیں آئے، عدالت نے فریقین کے دلائل سنے اور پھرعبوری حکم میں سابق جنرل پرویز مشرف کو ایک دن کا استثنیٰ دیتے ہوئے مقدمہ کی سماعت کل تک ملتوی کردی۔

غداری کیس کی سماعت جسٹس فیصل عرب کی صدارت میں تین رکنی بنچ نے کی ، پرویز مشرف کے سینئر وکیل نے عدالت کو بتایا کہ ان کے موکل بیمار ہیں عدالت میں پیش نہیں ہوسکتے، عدالت میں دلائل دیتے ہوئے مشرف کے وکیل انور منصور کا کہنا تھا کہ یہ مقدمہ اخلاقی جرم سے متعلق نہیں بلکہ آئین کے حوالے سے ہے، توہین عدالت کے مقدمے کی طرح اس کیس میں بھی ملزم کو گرفتار نہیں کیا جا سکتا۔

انور منصور کے دلائل پر بنچ کے سربراہ جسٹس فیصل عرب نے کہا کہ پہلے اس بات کا فیصلہ کریں گے کہ یہ خصوصی عدالت کے طریقہ کار پر فوجداری قانون کا اطلاق ہوتا ہے یا نہیں، وکیل استغاثہ اکرم شیخ نے اپنے دلائل کا آغاز کرتے ہوئے کہا کہ خصوصی عدالت خصوصی قوانین کے تحت قائم کی جاتی ہے، یہ عدالت اپنے طے کئے گئے اختیارات سے تجاوز نہیں کر سکتی اور نہ اس عدالت پر عام عدالتوں کی طرح عام قوانین کا اطلاق ہوتا ہے۔

آئین کے آرٹیکل 6 کے تحت دائر کئے گئے مقدمے میں ملزم کی گرفتاری لازمی ہے، انہوں نے کہا کہ جو اعتراضات مشرف کے وکلا نے اٹھائے ہیں، ان پر اسلام آباد ہائی کورٹ پہلے ہی فیصلہ دے چکی ہے، وکیل صفائی نے عدالت سے یہ بات چھپائی ہے، وقفے کے بعد عدالت نے عبوری حکم جاری کرتے ہوئے پرویز مشرف کو ایک دن کا استثنیٰ دے دیا، مقدمے کی سماعت کے دوران وکلاء کے درمیان تند و تیز جملوں کاتبادلہ بھی ہوا۔
    

بلدیاتی انتخابات کے عمل میں پے در پے تبدیلیوں کے بعد الیکشن کمیشن نے بھی انتخابات کی تاریخ میں توسیع کے لئے سپریم کورٹ سے رجوع کرلیا۔

ملک میں ہونے والے بلدیاتی انتخابات حلق کی ہڈی بن گئے، پہلے سیاسی جماعتوں نے عدالت سے رجوع کیا، عدالت کے فیصلے آئے تو انتخابی عمل کا نقشہ ہی بدل گیا، جس کے بعد الیکشن کمیشن کو بھی عدالت کی ضرورت پڑ گئی کہ دیئے گئے شیڈول کے مطابق انتخابات کرانا ممکن نہیں۔

الیکشن کمیشن نے سپریم کورٹ سے رجوع کر لیا، اسکا کہنا ہے کہ صوبوں کی جانب سے بھی انتخابات کے التوا کی درخواستیں کی گئی ہیں، بیلٹ پیپرز کی چھپائی کا بھی ایک مسئلہ ہے اور سندھ میں حلقہ بندیوں کے معاملات بھی زیر تکمیل ہیں، اس لئے دیئے گئے شیڈول کے مطابق بلدیاتی انتخابات کا انعقاد ممکن نہیں رہا۔

اسلام آباد ہائی کورٹ نے پرویز مشرف کو ملک سے باہر جانے سے روکنے کی درخواست مسترد کردی۔

سابق صدر جنرل (ر) پرویز مشرف کا نام ای سی ایل میں ڈالنے کے حوالے سے شہداء فاؤنڈیشن کیس کی سماعت ہائی کو رٹ کے جسٹس شوکت عزیز صدیقی نے کی۔ سابق صدر پرویز مشرف کا نام ایگزٹ کنٹرول لسٹ میں ڈالنے کی درخواست شہداء فاوٴنڈیشن کی جانب سے دائر کی گئی تھی۔

طارق اسد ایڈووکیٹ نے موقف اختیار کیا کہ پرویز مشرف کیخلاف کئی مقدمات عدالتوں میں زیرسماعت ہیں، پرویز مشرف کی نقل و حرکت قابل اعتراض ہے۔ حسین حقا نی بھی سپریم کورٹ سے اجا زت لیکر ملک سے باہر گئے۔ لیکن اب سپریم کورٹ کے بلوانے پر بھی واپس نہیں آرہے ہیں۔

اگر سابق صدر جنرل (ر) پرویز مشرف بیرون ملک چلے گئے تو پھر واپس نہیں آئے گے، سابق صدر جنرل (ر) پرویز مشرف پر مختلف کیسز چل رہے ہیں اورآپ بیماری کا بہانا کر کہ ملک سے باہر جانا چاہتے ہیں، جسٹس شوکت عزیز نے ریمارکس دیئے کہ پرویز مشرف کی ضمانتیں منظور کرنے والی عدالتوں کاکام ہے کہ وہ اُنکی پیشی یقینی بنائیں، پرویزمشرف عدالت کی اجازت کے بغیر ملک سے باہر نہیں جا سکتے۔

اسلام آباد ہائیکورٹ خصوصی عدالت کے دائرہ اختیارمیں مداخلت نہیں کرسکتی، عدالت نے حکم دیا، جس کورٹ نے پرویز مشرف کو ضما نت دی درخواست گزار اسی کورٹ سے رجوع کرے، جسٹس شوکت عزیز صدیقی نے وکیل کے دلائل سننے کے بعد درخواست مسترد کر دی۔

خصوصی عدالت میں پرویز مشرف کیخلاف غداری کے مقدمے کی سماعت ہوئی، پرویز مشرف آج بھی عدالت نہیں آئے، عدالت میں وکیل صفائی انور منصور کا کہنا ہے کہ غداری کا مقدمہ توہین عدالت کے مقدمے سے مختلف ہوتا ہے، مشرف کو گرفتار نہیں کیا جاسکتا جبکہ وکیل استغانہ اکرم شیخ کا کہنا ہے کہ و اعتراضات مشرف کے وکلا نے اٹھائے ہیں ان پراسلام آباد ہائی کورٹ پہلے ہی فیصلہ دے چکی ہے۔

غداری کیس کی سماعت جسٹس فیصل عرب کی صدارت میں تین رکنی بنچ کر رہا ہے، پرویز مشرف کے سینیئر وکیل نے عدالت کو بتایا کہ ان کے موکل بیمار ہیں، عدالت میں پیش نہیں ہوسکتے، عدالت میں دلائل دیتے ہوئے مشرف کے وکیل انور منصور کا کہنا تھا کہ یہ مقدمہ اخلاقی جرم سے متعلق نہیں بلکہ آئین کے حوالے سے ہے، توہین عدالت کے مقدمے کی طرح اس کیس میں بھی ملزم کو گرفتار نہیں کیا جا سکتا۔

انور منصور کے دلائل پر بنچ کے سربراہ جسٹس فیصل عرب نے کہا کہ پہلے اس بات کا فیصلہ کریں گے کہ یہ خصوصی عدالت کے طریقہ کار پر فوجداری قانون کا اطلاق ہوتا ہے یا نہیں، وکیل استغاثہ اکرم شیخ نے اپنے دلائل کا آغاز کرتے ہوئے کہا کہ خصوصی عدالت خصوصی قوانین کے تحت قائم کی جاتی ہے، یہ عدالت اپنے طے کئے گئے اختیارات سے تجاوز نہیں کر سکتی اور نہ اس عدالت پر عام عدالتوں کی طرح عام قوانین کا اطلاق ہوتا ہے۔

آئین کے آرٹیکل 6 کے تحت دائر کئے گئے مقدمے میں ملزم کی گرفتاری لازمی ہے، انہوں نے کہا کہ جو اعتراضات مشرف کے وکلا نے اٹھائے ہیں ان پر اسلام آباد ہائی کورٹ پہلے ہی فیصلہ دے چکی ہے، وکیل صفائی نے عدالت سے یہ بات چھپائی ہے۔