Category: اہم ترین

وزیراعظم نواز شریف نے کہا ہے کہ قرضہ اسکیم نوجوانوں سے کئے گئے وعدے کی تکمیل ہے۔

اوکاڑہ میں نوجوانوں کیلئے قرضہ اسکیم سے خطاب کرتے ہوئے وزیراعظم نواز شریف نے کہا کہ انتخابات کے دوران اوکاڑہ میں ملنے والا پیار آج تک نہیں بھولا، قرضہ اسکیم کے ذریعے نوجوانوں سے کیا گیا وعدہ پورا کررہا ہوں۔ 

وزیراعظم نواز شریف نے کہا کہ یقین ہے نوجوان پاکستان کو ترقی کی منزلوں تک لے جائیں گے، نوجوانوں میں کچھ کر گزرنے کا جذبہ ہے اور قرضہ اسکیم کچھ کر گزرنے والے نوجوانوں کو مواقعے فراہم کررہی ہے۔

انہوں نے کہا کہ قوم پر اعتبار کرنا سیکھنا ہوگا، مجھے یقین ہے کہ نوجوان قرض کی ایک ایک پائی واپس کریں گے۔

سابق صدر مشرف کی میڈیکل رپورٹ برطانیہ میں پاکستانی ڈاکٹرز کو بھجوا دی، سابق صدر پرویز مشرف کے آج صبح پھر خون کے نئے نمونے معائنے کیلئے لیب بھجوا دیئے گئے۔

سابق صدر پرویز مشرف کی میڈیکل رپورٹ برطانیہ میں پاکستانی ڈاکٹرز کو بھجوا دی گئی، میڈیکل رپورٹ پرویز مشرف کے اہلخانہ نے برطانیہ بھجوائی، مشرف کی صحت کے حوالے سے سات رکنی میڈیکل بورڈ کا کہنا ہے کہ پرویز مشرف کی حالت خطرے سے باہر ہے۔

گزشتہ روز میڈیکل بورڈ کے اجلاس میں سابق صدر پرویز مشرف کو اسٹنٹ ڈالنے یا بائی پاس کرنےاور علاج کیلئے دبئی یا برطانیہ بھیجنے پر بھی غور کیا گیا، میڈیکل بورڈ کی ٹیم نے بیرون ملک ڈاکٹروں سے بھی رابطے کیئے۔۔۔ سابق صدر کے پہلے دن لے جانے والے خون کے نمونوں کی رپورٹ بھی آگئی ہے۔

سابق صدر پرویز مشرف کے آج صبح پھر خون کے نئے نمونے معائنے کیلئے لیب بھجوا دیئے گئے، میڈیکل بورڈ چھ جنوری کو عدالت میں رپورٹ پیش کرے گا، پرویز مشرف سے ملاقات کی تاحال کسی کو اجازت نہیں دی گئی۔

سابق صدر پرویز مشرف کی صحت کے حوالے سے سات رکنی میڈیکل بورڈ کا کہنا ہے کہ پرویز مشرف کی حالت خطرے سے باہر ہے، گزشتہ روز میڈیکل بورڈ کے اجلاس میں سابق صدر پرویز مشرف کو اسٹنٹ ڈالنے یا بائی پاس کرنےاور علاج کیلئے دبئی یا برطانیہ بھیجنے پر بھی غور کیا گیا۔

میڈیکل بورڈ کی ٹیم نے بیرون ملک ڈاکٹروں سے بھی رابطے کئے، سابق صدر کے پہلے دن لئے جانے والے خون کے نمونوں کی رپورٹ بھی آگئی ہے، مشرف کی حالت بہتر ہو رہی ہے۔

پرویزمشرف کے علاج کیلئے سات رکنی میڈیکل ٹیم کام میں مصروف ہے، اطلاعات کے مطابق ڈاکٹروں سے امور طے ہونے پر عدالت کو سابق صدر کی صحت کے بارے میں آگاہ کرکے ان کا نام ای سی ایل سے خارج کرنے کی درخواست کی جائے گی۔

سابق صدر کے بیرون ملک جانے کی ضرورت کے پیش نظر پرویز مشرف کا نام ای سی ایل سے نکالنے کے حوالے سے وزارت داخلہ حکومتی فیصلے کی روشنی میں لائحہ عمل مرتب کرے۔

اسلام آباد کے سیکٹر آئی ایٹ میں نامعلوم افراد کی فائرنگ سے اہلسنت والجماعت کے رہنما مفتی منیر معاویہ جاں بحق ہو گئے۔

اسلام آباد کے سیکٹر آئی ایٹ میں نامعلوم موٹرسائیکل سواروں نے اہلسنت والجماعت اسلام آباد کے جنرل سیکرٹری مفتی منیر معاویہ کی گاڑی پر فائرنگ کر دی جس کے نتیجے میں مفتی منیر معاویہ اور ان کے ساتھ اسد محمود موقع پر ہی جاں بحق ہو گئے۔ 

مفتی مفتی اور ان کے ساتھی کو اس وقت نشانہ بنایا گیا جب وہ گولڑہ جانے کیلئے آئی ایٹ سے گزر رہے تھے۔

اہلسنت والجماعت کے کارکن واقعہ کی اطلاع ملتے ہی آئی ایٹ پہنچ گئے اور مفتی منیر اور اسد محمود کے قتل کے خلاف احتجاج کیا۔

اسلام آباد ہائیکورٹ نے سابق چیف جسٹس افتخار محمد چوہدری کو تین دن میں بلٹ پروف گاڑی فراہم کر نے کا حکم دے دیا، عدالت نے ریمارکس میں کہا کہ گاڑی نہیں ہے تو کسی پارلیمنٹرین سے لے کر دی جائے، اب کوئی بہانہ نہیں چلے گا۔

سابق چیف جسٹس افتخار چوہدری کو سیکیورٹی دینے سے متعلق کیس کی سماعت اسلام آباد ہائی کورٹ میں ہوئی، عدالت نے سابق چیف جسٹس کوتین دن میں بلٹ پروف گاڑی فراہم کر نے کا حکم دیتے ہوئے کہا کہ گاڑی نہیں ہے تو کسی پارلیمنٹرین سے لیکردی جائے۔

دوران سماعت کیبنٹ ڈویژن کے جوائنٹ سیکٹریری ضیا الحق اور آئی جی اسلام آبادعدالت میں پیش ہوئے، جسٹس شوکت صدیقی نے ریمارکس میں کہا کہ چیف جسٹس کی سیکیورٹی سے متعلق عدالت کو گمراہ کیا گیا، عدالت نے جوائنٹ سیکریٹری کے جھوٹ بولنے پراظہار برہمی کرتے ہوئے کہا کہ سابق چیف جسٹس نے اپنے دور میں افسران کو بلا کران کی سرزنش کی، اب اُن سے بدلہ لیا جا رہا ہے۔

جسٹس شوکت صدیقی کا کہنا تھا کہ ایسی گاڑی چیف جسٹس کو فراہم کی گئی جو ٹو کرکے واپس لے لی، ایسی گاڑی کو پارلیمنٹ ہاوس کے سامنے نمائش کے لئے رکھنا چاہئے، اب کوئی عذر نہیں چلے گے، آپ کے لئے شرمندگی کا مقام ہے، جنہوں نے آئین توڑا اور ڈرامہ کیا انکے لئے ہزاروں اہلکار ہیں، مزید سماعت نو جنوری تک ملتوی کردی گئی۔