Category: اہم ترین

سابق صدر پرویز مشرف نے سپریم کورٹ کے اکتیس جولائی دو ہزار نو کے فیصلے کو ایک بار پھر چیلنج کر دیا، فیصلے پرنظر ثانی کی درخواست اعتراضات دور کرکے دوبارہ سپریم کورٹ میں جمع کروا دی ہے۔

سابق صدرکے وکیل کی جانب سے دائرکی گئی درخواست میں موقف اختیار کیا گیا کہ دو ہزار نو میں پرویز مشرف کو سنے بغیر انہیں غاصب قرار دیا گیا تھا، اس سے قبل بھی پرویز مشرف نے نظرثانی کی درخواست سپریم کورٹ میں جمع کروائی تھی۔

رجسٹرار سپریم کورٹ نے اعتراض لگایا تھا کہ درخواست مشرف کے وکیل شریف الدین پیر زادہ ہی دائر کر سکتے ہیں، لگائے جانے والے اعتراضات میں یہ بھی کہا گیا تھا کہ نظر ثانی کی درخواست پر وکیل کا نام تو ہے لیکن ان کے دستخط نہیں ہیں۔
    
    
   

راولپنڈی کے علاقے نیو پھگواڑی گھر میں آتشزدگی سے ایک ہی خاندان کے تین بچوں سمیت پانچ افراد جاں بحق جبکہ دوشدید جھلس گئے۔

راولپنڈی کے علاقے نیو پھگواڑی کامرس کالج کے قریب ایک گھر میں آتشزدگی کے نتیجے میں ایک ہی خاندان کے تین بچوں سمیت پانچ افراد جاں بحق ہوگئے جبکہ دو افراد شدید جھلس گئے۔

ریسکیو ڈبل ون ڈبل ٹو کے مطابق آگ علی اصبح پانچ بجے کے قریب لگی اور ابتدائی تحقیقات کے مطابق واقعہ شارٹ سرکٹ کے باعث پیش آیا تاہم پولیس کی جانب سے تفتیش جاری ہے۔

ریسکیو ڈبل ون ڈبل ٹو کے مطابق جاں بحق ہونے والوں میں تیس سالہ راشد اور اس کی تین سالہ بیٹی زویہ جبکہ پانچ سالہ بچی زینب اور چھبیس سالہ عائشہ اور اسکا دو سالہ بیٹا عبداللہ شامل ہیں۔

گھر کی خاتون سمیت دو افراد بھی جھلس گئے، جن کی حالت تشویشناک بتائی گئی ہے، اہل محلہ کے مطابق شدید سردی کے باعث ہیٹر جلا گیا تھا، جس کے باعث آتشزدگی ہوئی۔

پولیس اس بات کی تحقیقات کر رہی ہے کہ ہیٹر بجلی کا تھا یا گیس کا یا آگ لگنے کی کوئی اور وجہ ہے، آتشزدگی میں جاں بحق افراد سمیت زخمیوں کو ہولی فیملی اسپتال منتقل کیا گیا۔

اے آروائی نیوز کے پروگرام سوال یہ میں گفتگو کرتےپہوئے سابق صدرجنرل ریٹائرڈ جنرل پرویزمشرف کاکہناتھا مقدمے میں سزا ہوئی تو معلوم نہیں کیاکروں گاالبتہ معافی مانگنے کاعادی نہیں۔

سابق صدرپرویزمشرف کاکہناہے حکومت چلاناوزیراعظم کی ذمہ داری ہے صدر کی نہیں،مقدمات صرف میرےخلاف بنائےگئے،انصاف کی دھجیاں اڑائی گئیں، امید ہے آگے انصاف ہوگا۔

کبھی سیاسی انتقام پریقین نہیں رکھا، پرویزمشرف کاکہناتھا مجھے الیکشن نہیں لڑنے دیاگیا قومی اسمبلی میں بیٹھے سب افراد صادق اورامین ہیں صرف میں ہی نہیں۔

ایک سوال کے جواب میں پرویزمشرف کاکہناتھالال مسجد اوربگٹی قتل کے مقدمات کئی سال بعدقائم کیے گئے ہیں حالانکہ حکومت چلانا وزیراعظم کاکام ہے نہ کہ صدرکا،  پرویزمشرف کاکہناتھا اب تک انصاف کی دھجیاں اڑائیں گئیں، امیدکرتاہوں کہ میرے ساتھ اب آگے انصاف ہو گا،ان کاکہناتھا افتخارمحمدچوہدری کوجب سپریم کورٹ نے بحال کیاتومیں قبول کیا لیکن افتخارمحمدچوہدری نے انصاف نہیں دیا۔

سابق صدر اورملزم پرویزمشرف پرغداری کے مقدمے میں یکم جنوری کوفردجرم عائد ہوگی۔ خصوصی عدالت نے تحریری حکم نامہ جاری کردیا۔

تین صفحات پرمشتمل اس حکم نامے پرتین ججز کے دستخط موجود ہیں۔ حکم نامے میں کہا گیا ہے کہ ملزم کوسمن جاری کئے گئے لیکن وہ حاضر نہیں ہوا۔

مشرف کے وکلاء نے خصوصی عدالت کے سامنے موقف اختیارکیا کہ وفاقی حکومت کی طرف سے مناسب سکیورٹی کے انتظامات ہونے تک مشرف عدالت میں حاضر نہیں ہوسکتے۔

انھوں نے درخواست کی کہ مشرف کوحاضری سے مستثنی قراردیا جائے جس پرعدالت نے کہا کہ ملزم کاکیس ناقابل ضمانت ہے پہلے انھیں ضمانت لینی ہوگی۔

ملزم کی جانب سے پیش کی جانیوالی درخواست میں کوئی خاص وجہ نہیں پیش کی جاسکی ملزم کوایک دن کیلئےاستثنی دیا جاچکاہےاورآئندہ سماعت پرملزم کوعدالت حاضر ہوناہوگا۔

حکم نامے میں وفاقی حکومت کو کہاگیا ہے کہ وہ ملزم کی عدالت میں حاضری کویقینی بنانے کیلئے تمام سکیورٹی اقدامات کرے۔

پاکستان عوامی تحریک نے مہنگائی ، بدامنی ، بیروزگاری اور کرپشن کے خلاف لاہور میں انتیس دسمبر کی ریلی کے انتظامات مکمل کرلیے ، جبکہ ڈاکٹر طاہر القادری کل لاہور میں ویڈیو پریس کانفرنس کے دوران حکومت کے خلاف وائٹ پیپر جاری کریں گے ۔

عوامی تحریک کی ریلی کی تیاریوں کے حوالے سے اجلاس میں خطاب کرتے ہوئے پارٹی کے مرکزی رہنما خرم نواز گنڈا پور کا کہنا تھا کہ عوام روٹی کے دو لقموں کو ترس رہی ہے اور حکومت نے ترک وزیر اعظم کیلئے ثقافتی پروگرام پر عوام کا دوکروڑ ضائع کردیتی ہے ۔

انہوں نے کہا کہ عوامی تحریک کی ریلی اتوار کے روز ناصر باغ سے پنجاب اسمبلی چوک تک نکالی جائے گی جس کی قیادت ڈاکٹر طاہر القادری کے بیٹے حسین محی الدین کریں گے