Category: اہم ترین

اس موقع پرکمانڈنگ آفیسرز کانفرنس سے خطاب کرتے ہوئے آرمی چیف نے انجنیئرنگ کارپس کی خدمات کوخراج تحسین پیش کیا ، آرمی چیف کاکہناتھا کہ انجنیئرنگ کورنے قوم کے دفاع میں بیش بہاقربانیاں دیں۔

آرمی چیف جنرل راحیل شریف نے کہا کہ انجنیئرنگ کور نے قراقرم ہائی وے ،پاکستان کوجنوب میں افغانستان جبکہ شمال میں شمالی اورجنوبی وزیرستان سے ملانے والی سات سوچودہ لمبی سڑک کی تعمیر اوربلوچستان میں حالیہ مواصلاتی منصوبوں جیسے کارہائے نمایاں سرانجام دیئے، اس سے قبل جب ارمی چیف رسالپورپہنچے تو لیفٹیننٹ جنرل سجاد غنی نے ان کااستقبال کیا۔

بلاول بینظیر بھٹو شہید کی چھٹی برسی پر اپنی تقریرمیں دہشت گردی کے حوالے سے پہلی بار پارٹی کی پالیسی کو کھُل کربیان کیا ۔ اُن کا کہنا تھا کہ دہشت گرد اگر ریاست کی شرائظ نہ مانیں تواُن سے مذاکرات نہ کیئے جائے۔

بلاول بھٹو زرداری نے اپنی تقریرمیں دہشت گردی سے متعلق پارٹی پالیسی کو واضع کرتے ہوئے کہا کہ پیپلزپارٹی اُس وقت تک دہشت گردوں سے بات چیت کی حمایت نہیں کرے گی جب تک وہ ہتھیار نہیں پھینکتے اور آئین کو تسلیم نہیں کرتے ۔

دہشت گردی ڈروں حملوں کا نتیجہ نہیں اُنہوں نے عمران خان کی دہشت گردی کے حوالے سےپالیسی پراُنہیں بھی شدید تنقید کا نشانہ بنایا، اُنہوں نے اپنی تقریر میں نوازشریف کو بھی آڑے ہاتھوں لیا۔

  دہشت گردوں کے بارے میں اُن کا کہناتھا، دہشتگرد ملک بدنام کررہے ہیں ۔ عوام ان کیخلاف جہاد کرینگے پاکستان جنگ کیلئے تیار ہے دہشت گردوں کیخلاف جنگ میں پیپلزپارٹی کے تعاون کے بارے میں اُنہوں نے کہا ہمارے قدم پیچھے نیں ہٹیں گے، زرداری نے بچے خطرے میں ڈال یئے بلاول بھٹو نے اپنی تقریر کا اختتام ایک انقلابی نظم پر کیا جس خلاصہ ظلم اور فرسودہ رواجوں سے بغاوت تھا۔

حکومت نے سابق صدر پرویزمشرف کی علیل والدہ کو لانے کے لئے خصوصی طیارہ فراہم کرنے کی پیشکش کر دی۔

وفاقی وزیر اطلاعات پرویز رشید نے کہا ہے کہ وزیراعظم کی جانب سے یہ پیشکش انسانی ہمدردی کے تقاضے کے تحت کی ہے، پرویز مشرف کی والدہ کو لانے کے لئے ایئرایمبولینس بھیجنے کو تیار ہیں۔

انھوں نے کہا کہ حکومت پاکستان سابق صدر کی والدہ کےعلاج کے لئے تمام سہولتیں فراہم کریگی، ان کی والدہ اپنے بیٹے کے ساتھ رہ سکتی ہیں، وزیراطلاعات کا کہنا تھا کہ مشرف کے مستقبل کا فیصلہ پاکستان کی آزاد عدلیہ کرے گی۔
       

پاکستان ریلوے نے نجی کمپنی کے نادہندہ ہونے پر بزنس ٹرین واپس لینے کا فیصلہ کرلیا، ریلوے بزنس ٹرین کا نام تبدیل کرکے اس کا انتظام خود سنبھالے گی۔

پاکستان ریلوے کے مطابق بزنس ٹرین کی انتظامیہ پچاس کروڑ روپے سے زائد کی نادہندہ ہے، واجبات میں اس حد تک اضافے کے بعد ریلوے نے نجی کمپنی کے ساتھ معاہدہ ختم کرنے کا فیصلہ کرلیا ہے۔

بزنس ٹرین کی انتظامیہ نجی کمپنی ریلوے کو روزانہ معاوضہ دینے کی پابند تھی لیکن وہ ایسا نہ کرسکی، جس کے باعث واجب الادا رقم پچاس کروڑ روپے سے زائد ہو گئی ہے۔

ذرائع کے مطابق نئے سال سے بزنس ٹرین کا کنٹرول ریلوے انتظامیہ سنبھال لے گی اور ٹرین کا نام بھی تبدیل کردیا جائے گا، بزنس ٹرین کا ٹھیکہ نجی کمپنی کو پیپلزپارٹی کے دور میں دیا گیا تھا۔

وزیراعظم نوازشریف کا کہنا ہے کہ توانائی بحران ،دہشتگردی کا خاتمہ اور معاشی بحالی اولین ترجیح ہے، انھوں نے کہا کہ پاکستان پڑوسی ممالک کےساتھ دوستانہ اور پر امن تعلقات چاہتا ہے۔

دفترخارجہ میں نئے بلاک کی افتتاحی تقریب سے خطاب کرتے ہوئے وزیراعظم نواز شریف نے کہا کہ دہشتگردی کے خلاف جنگ میں اہم کردار ادا کرنا ہوگا، وزیراعظم کا کہنا تھا کہ وزارت خارجہ میں کام کرنے والا ہر ایک شخص پاکستان کا سفیر ہے۔

انھوں نے کہا کہ دنیا کو ہمارا پیغام امن اور دوستی ہے، دعا کرتے ہیں کہ آنے والا سال پاکستان کے لئے اچھا ثابت ہو، وزیراعظم نواز شریف نے کہا کہ ہماری معاشی پالیسی کی نمایاں خصوصیت امداد کے بجائے تجارت ہے۔