Category: اہم ترین

پاکستان اور بھارت کے ڈائریکٹر جنرل ملٹری آپریشنز کےدرمیان چودہ سال بعد واہگہ بارڈر پرکل ملاقات ہوگی۔ لائن آف کنٹرول اور ورکنگ باؤنڈری کی صورتحال پرتبادلہ خیال کیا جائےگا۔ کنٹرول لائن پر کئی دنوں کی بھارتی جارحیت کے بعد اب صورتحال بہتر ہے۔ پاکستان اور بھارت کے ڈائریکٹر جنرل ملٹری آپریشنز کے درمیان ملاقات منگل کو ہو رہی ہے۔ وہ بھی ایک دو نہیں پورے چودہ سال بعد۔

پاکستان کی سیاسی اورعسکری قیادت اس پیش رفت کو مثبت قراردے رہی ہے۔ میجر جنرل عامرریاض اورلیفٹنٹ جنرل ونود بھاٹیہ کی باضابطہ بیٹھک کا ہدف ایک ہی ہے، ایک دہائی پہلے طے ہونے والے ایل او سی جنگ بندی معاہدے پر ہر قیمت کاربند رہا جائے، پاک بھارت ڈی جی ایم اوز واہگہ بارڈر پر ملیں گے۔ اورلائن آف کنٹرول۔ ورکنگ باؤنڈری کی صورتحال سمیت سکیورٹی امورپرتبادلہ خیال کریں گے۔

ذرائع کے مطابق پاکستان ایل او سی پر بھارتی جارحیت کا معاملہ اٹھائے گا، اور امن کی تجاویز دی جائیں گی۔ دونوں ملکوں کے ڈی جی ایم اوزسرحدی سیکورٹی پرایک دوسرے کی تجاویز پربات چیت کریں گے۔ جس کا مقصد سرحدی آبادی کی سیکورٹی یقینی بنانا ہے۔
   

حضرت امام حسین کےچہلم کے موقع پرملک میں سخت سیکورٹی انتطامات سخت کردئیے گئے۔ راولپنڈی میں راستوں کو سیل جبکہ سندھ کےحساس علاقوں میں فوج کی تعیناتی کا عمل شروع ہوگیا حضرت امام حسین کے چہلم کے موقع پرملک بھرمیں سیکورٹی پلان تیار، راولپنڈی میں شہر کے حسا س علا قوں میں جا نے والے اندرونی راستوں کو کنٹینرز لگا کر سیل کردیا گیا چہلم کے جلوس کی گزر گاہیں مکمل طورپرسیل رہیں گی۔

آر پی او را ولپنڈی اختر لالیکا کا کہنا ہے کہ گڑ بڑ پھیلانے والے شر پسند عناصر سے سختی سے نمٹیں گے چہلم کے موقع پر شہر میں سات ہزار پولیس اہلکارتعینات کئے گئے ہیں ۔ ۔کمشنر راولپنڈی ساجد ظفر کا کہنا ہے کہ شہر میں پولیس کے ساتھ فوج اور رینجرز کی دس دس کمپنیاں الرٹ رہیں گی۔لاہور سمیت پنجاب کے مختلف شہروں میں بھی سیکیورٹی کے خاطر خواہ انتظامات مکمل کر لئے گئے ہیں ۔

سندھ کے چھ بڑے شہروں میں جلوس کے اوقات میں موبائل فون سروس بند رہے گی ۔سندھ حکومت کی درخواست پر حضرت امام حسین کے چہلم کے موقع پر پاک فوج کو تعینات کرنے کا سلسلہ شروع ہو گیا حساس علاقوں میں پاک فوج کے دستے روانہ کردیئے گئے ذرائع کے مطابق کراچی میں آج دوپہر سے پاک فوج کے دستے چہلم کے جلوس کی نگرانی کیلئے ملیر کینٹ سے نکالے جائیں گے۔

پشاور اور کوئٹہ میں بھی چہلم کےموقع پر سخت سیکورٹی انتظامات کیے جا رہے ہیں ۔کوئٹہ میں پانچ ہزار پولیس اہلکار تعینات کئے جائیں گے شہر میں چہلم کے موقع پر موبائل سروس بند رکھنے کی بھی سفارش کی گئی ہے۔
   

سابق صدر آصف زرداری پرعدالت میں پیش نہ ہونے کی وجہ سے پولو گراوٴنڈ ریفرنس میں فرد جرم عائد نہ کی جاسکی،فاروق نائیک کا کہنا ہے کہ سیکیورٹی ملنے تک پیش نہیں ہوسکتے۔

سابق صدرآصف علی زرداری کے خلاف پولو گراؤنڈ ریفرنس کیس کی سماعت اسلام آبادکی احتساب عدالت میں ہوئی۔ سابق صدرکےوکیل فاروق ایچ نائیک عدالت میں پیش ہوئے۔

عدالت نے فاروق ایچ نائیک سے استفسار کیا کہ انہوں نے کہا تھا کہ سابق صدر اس پیشی پرعدالت میں پیش ہوں گے۔ فاروق ایچ نائیک نے کہا کہ ہمیں سیکیورٹی فراہم نہیں کی گئی جس کی وجہ سے سابق صدر پیش نہیں ہوسکے مزید وقت درکار ہے۔

عدالت نے مزید سماعت نو جنوری تک ملتوی کر دی۔ سابق صدر کے خلاف اب آئندہ پیشی پرفرد جرم عائد کئے جانے کاامکان ہے۔
    

سندھ ہائی کورٹ نے پرویز مشرف کا نام ای سی ایل سے نکالنے سے متعلق کیس کا فیصلہ سنادیا۔ عدالت سابق صدر کو نام ای سی ایل سے نکلوانے کیلئےحکومت سے رابطہ کرنے کی ہدایت کردی۔

سندھ ہائی کورٹ نے سابق صدر پرویزمشرف کانام ای سی ایل سےنکالنے کی درخواست نمٹادی۔ عدالت نے فیصلہ سناتے ہوئے قرار دیا کہ سابق صدرکانام ای سی ایل میں ڈالنےسےمتعلق کوئی حکم نہیں دیا گیاتھا۔ عدالت نے درخواست گزار کو اس سلسلے میں حکومت سے رابطہ کرنے کی ہدایت کی ۔

سابق صدر پرویز مشرف کی جانب سے نام ای سی ایل سے نکالنےکے لیے سندھ ہائیکورٹ سےرجوع کیا گیاتھا۔ عدالت نے وکلا کے دلائل سننے کے بعد فیصلہ محفوظ کرلیا تھا جو اب سنایا۔
    
   

اسلام آباد:وفاقی وزیرداخلہ کی زیرصدارت سیکورٹی پر ہونیوالے اجلاس میں وفاقی وزیرداخلہ نے سخت سکیورٹی کے احکامات جاری کردیئے ہیں۔

اجلاس سے خطاب کرتے ہوئےچوہدری نثارعلی خان کا کہنا تھا کہ چہلم کے موقع پرحساس مقامات کافضائی جائزہ لیا جائے،انھوں نے کہاکہ فوج کسی بھی صورتحال سے نمٹنے کیلئے تیاررہے گی۔

چوہدری نثارعلی خان کاکہناتھا کہ امن وامان کی صورتحال کوچیلنج کرنے والوں سے آہنی ہاتھوں سے نمٹا جائے ۔انھوں نے کہا کہ انٹیلی جنس ادارے اورنیم فوجی دستے صوبوں کوبھرپورتعاون فراہم کررہے ہیں۔

متحدہ قومی موومنٹ نے سندھ کے نئے بلدیاتی آرڈیننس کے خلاف کراچی پریس کلب پر احتجاج کیا، خالد مقبول صدیقی نے اپنے خطاب میں کہا ہے کہ فیصلہ ووٹ سے نہ ہو اتو پھر روڈ پر ہوگا۔

بلدیاتی قانون اور نئی حلقہ بندیوں کو متنازع ،سندھ کی تقسیم اور کالا قانون قرار دیتےہوئے متحدہ نے پریس کلب پراحتجاج کیا۔ 

مظاہرین نے بلدیاتی قانون کے خلاف کی شدید نعرے بازی اور اسے واپس لینے کا مطالبہ کیا، خالد مقبول صدیقی کہتے ہیں کہ متحدہ ٹکراؤ نہیں چاہتی،اگر فیصلہ ووٹ سے نہ ہوا تو روڈ پر ہوگا۔

حیدر عباس رضوی نے بلدیاتی قانون کو لنگڑا قانون قرار دیتے ہوئے مطالبہ کیا کہ برابری کی بنیاد پر نشستیں دی جاہیں، فیصل سبزاوری نے قانون کو فرسودہ طرز حکمرانی پر پردہ ڈالنے مئیر شپ کے خواب کی تعبیر کی کوشش قرار دیا۔

متحدہ رہنمائوں کا کہنا ہے کہ کالے قانون کے خلاف متحدہ سیسہ پلائی دیوار ہے،ایم کیو ایم رہنمائوں اور عوام نے مشترکہ طور پر ہاتھ فضا میں بلند کرکے بلدیاتی قانون کو مسترد اور احتجاجی تحریک جاری رکھنے کا اعلان کیا۔

عمران خان نے کہاہے حکومت مہنگائی کے خاتمے کیلئےنوٹ چھاپنا بند کرکے ٹیکس نیٹ میں اضافہ کرے کرپشن،بجلی چوری اورملک میں موجود مافیا کے خلاف کارروائی کی جائے۔

مہنگائی کے خلاف تحریک انصاف کاسونامی لاہورسے ٹکرا گیا، احتجاجی ریلی سے خطاب کرتے ہوئےعمران خان کا کہنا تھا مہنگائی کا طوفان تھمنےوالانہیں ۔

بجلی گیس اور پیٹرول کی قیمتوں میں اضافے کی صورت میں قوم کونئے سال کاتحفہ ملے گا۔۔عمران خان نے مہنگائی کے خاتمے کیلئے تجاویز بھی دیں۔

عمران خان کا کہنا تھا حکومت بجلی چوری کاخاتمہ نہیں کرسکتی توہم بجلی چوری روک کر دکھا سکتے ہیں، عمران خان کا کہنا تھا حکومت ملک میں موجود مافیا سے ملی ہوئی ہےمک مکا کرکےچیزوں کی قیمتیں بڑھائی جاتی ہیں، کرپشن اورمافیا کیخلاف کارروائی کی جائے۔

عمران خان کا کہنا تھا ملک بھرکے گورنرہاؤسز کو پبلک پارکس اورہوٹلز میں تبدیل کرنے کے لیے اسمبلی میں بل لارہے ہیں۔

عمران خان نے اعلان کیا کہ چھ جنوری کو پی ٹی آئی کاسونامی عمر کوٹ جب کہ چوبیس جنوری کو راولپنڈی میں جائے گا۔
   

آرمی چیف جنرل راحیل شریف نے کورہیڈکوارٹرپشاورکادورہ کیا جہاں انہیں آپریشنل امورپربریفنگ دی گئی۔

بریفنگ سے خطاب میں آرمی چیف کا کہنا تھا کہ دہشت گردوں کے حملوں کا بھرپور جواب دیاجائےگا، دہشتگردی کے خلاف جنگ میں فوجی افسروں اور جوانوں کا حوصلہ قابل تعریف ہے۔

انہوں نے کہا کہ دہشتگردحملےبرداشت نہیں کیےجائیں گے، آرمی چیف جنرل راحیل شریف نے اس موقع پر شہدا کی یادگار پر پھول بھی چڑھاہئے۔
   

جنگ اور جیو گروپ نے پیرسےعوام کی توجہ ہٹانےکیلئے سازش تیارکرلی ہے ،اے آر وائی کو تنقید کا نشانہ بنانے کیلئے خصوصی ٹیم بھی بنالی گئی۔کالم لکھنا، اشتہاردینااور توڑموڑ کرخبریں دینا بھی سازش میں شامل،کھرا سچ میں تلخ انکشافات۔تفصیلات کے مطابق مبشرلقمان کے پروگرام کھراسچ میں جنگ اور اورجیو کی اے آروائی کے خلاف ساز ش بے نقاب کردی گئی۔

کھراسچ میں مبشرلقمان نے انکشاف کیا ہے کہ جنگ گروپ نے اپنے اوپرعائدالزامات کاجواب دینے کی بجائے ایک سازش تیارکی ہے جس پر پیرسےعمل درآمد شروع کیا جاسکتاہے۔ سازش کامقصد لوگوں کی توجہ ان الزامات سے ہٹانا ہے جو مبشرلقمان نے اپنے پروگرامز میں عائد کیے ہیں۔

کھراسچ میں بتایاگیا جیوگروپ نے خصوصی ٹیم بنائی ہےجواےآروائی کے خلاف مہم کا آغاز کرے گی۔اس مہم میں کالم لکھنا خبریں شائع کرنا اور اشتہاردینا بھی شامل ہیں ۔پروگرام میں بتایاگیا کہ اس سازش کی سربراہی میرشکیل الرحمان اور ارسلان افتخارکررہے ہیں۔ کھرا سچ میں گفتگو کرتے ہوئے لارڈ نذیرکاکہناتھاکہ جنگ گروپ کے لندن میں چند ملازمین کے علاوہ دیگرکوتنخواہ نہیں دی جاتی، ان کاکہناتھا وہ سوال کرتےرہیں گے کہ ایک میڈیاگروپ کوبرطانوی عوام کے ٹیکس کی رقم کیوں دی گئی۔

کھراسچ میں گفتگوکرتے ہوئے معروف بزنس مین عقیل کریم ڈھیڈی کاکہناتھا کہ ہم سچ کاساتھ دیں گے عوام سے اپیل ہےوہ ملک دشمنوں کو مسترد کردیں۔ کھراسچ میں مزید بتایاگیا کہ جنگ اورجیو گروپ کی جانب سے اے آروائی کے خلاف امریکامیں بھی پٹیشن دائرکرنےکیلئے صلاح مشورے ہورہے ہیں۔

کھراسچ میں بتایاگیا کہ جیوکی جانب سےاعتزازاحسن کو خریدنےکی کوشش کی گئی ان کو کیے گئے میسجز کا ریکارڈ بھی موجود ہے۔ تاہم اعتزاز احسن نے جیو کی پیش کش ٹھکرا دی۔