لاہور: صدر مملکت آصف علی زرداری کا کہنا ہے کہ پاکستان اور بنگلہ دیش کو ایک دوسرے کے قریب لانے کیلیے کام کرنے کی ضرورت ہے۔

صدر مملکت نے پاکستان اور بنگلہ دیش کی کرکٹ ٹیموں کے اعزاز میں دیے گئے استقبالیہ میں شرکت کی جہاں انہوں نے کرکٹرز اور دونوں ٹیموں کے آفیشلز کے ساتھ مصافحہ کیا۔

آصف علی زرداری نے کہا کہ اسلام آباد اور ڈھاکہ کے درمیان حالیہ سیریز میں پاکستان کرکٹ ٹیم کی کارکردگی اچھی رہی، بنگلہ دیش کرکٹ ٹیم بطور سفیر پاکستان کا دورہ کر رہی ہے، انہوں نے بھی اعلیٰ معیار کا کھیل پیش کیا۔

یہ بھی پڑھیں: پاکستان اور بنگلہ دیش کے درمیان 13 سال بعد مشاورت بحال

انہوں نے کہا کہ میں اس نسل سے تعلق رکھتا ہوں جس نے دونوں ممالک کو علیحدہ ہوتے دیکھا لیکن آج کل کی نسل علیحدگی کے درد کی کیفیت کو نہیں جان سکتی، کسی بھی طرح ہمیں اس درد کا مداوا کرنا ہے۔

ان کا کہنا تھا کہ بنگالی قوم خطے کی امیر ترین قوموں میں سے تھی، ہمیں دونوں ملکوں کے عوام کی فلاح و بہبود کیلیے کام کرنا ہوگا، مل کر ایسے اقدامات کرنا ہوں گے جس سے دونوں ملکوں کے عوام خوشحال ہوں۔

صدر مملکت نے مزید کہا کہ بنگلہ دیش دنیا میں ایک کامیاب ملک کے طور پر جانا جاتا ہے، اللہ تعالیٰ نے پاکستان کی طرح ڈھاکہ کو بھی وسائل سے نوازا ہے۔

’دونوں ملکوں کے درمیان تعاون کے وسیع مواقع موجود ہیں۔ دونوں ملکوں کی نوجوان نسل کو باہمی رابطے بڑھانے کی ضرورت ہے۔ کھیل باہمی رابطوں کا اہم ذریعہ ہیں۔‘

حکومت نے پیٹرول کی قیمت میں اضافہ کردیا جبکہ ڈیزل کی قیمت برقرار رکھی گئی ہے۔

حکومت کی جانب سے پیٹرول کی قیمت میں ایک روپے فی لیٹر اضافے کا اعلان کیا گیا ہے، ڈیزل کی قیمت میں کوئی تبدیلی نہیں کی گئی ہے۔

پیٹرول کی قیمت 252.63 روپے سے بڑھ کر 253.63 روپے فی لیٹر ہوگئی ہے۔

نوٹیفکیشن کے مطابق ڈیزل کی قیمت میں کوئی تبدیلی نہیں کی گئی ہے اور ڈیزل کی قیمت 254.64 روپے فی لیٹر پر برقرار ہے۔

واضح رہے کہ اس سے قبل ذرائع کی جانب سے کہا گیا تھا کہ عالمی منڈی میں تیل کی قیمتوں کو مدنظر رکھتے ہوئے پیٹرول اور ڈیزل کی قیمتوں میں کمی کا امکان ہے۔

اطلاعات کے مطابق پیٹرول کی قیمت میں 60 پیسے سے ایک روپے فی لیٹر کمی ہوسکتی ہے ، جس سے موجودہ قیمت 252.63 روپے سے کم ہو کر 251.63 روپے اور 251.63 روپے کے درمیان ہونے کا امکان ہے۔

ہائی اسپیڈ ڈیزل کی قیمت میں 28 پیسے فی لیٹر تک کی کمی متوقع ہے جبکہ مٹی کا تیل اور لائٹ ڈیزل آئل کی قیمتوں میں معمولی اضافے کا امکان ہے، تاہم حتمی فیصلہ وزارت خزانہ اور وزیراعظم کی مشاورت سے کیا جائے گا۔

خیال رہے اوگرا کی جانب سے ہر 15 دن بعد پیٹرولیم نرخوں پر نظرثانی کی جاتی ہے، جس میں بین الاقوامی منڈی کے اعداد و شمار اور ملکی مالیاتی پالیسیوں کو مدِنظر رکھا جاتا ہے۔

وزیراعظم شہباز شریف کا کہنا ہے کہ بلوچستان کے لوگوں کو دہشت گردوں کا راستہ روکنا چاہیے۔

کوئٹہ میں منعقدہ بلوچستان گرینڈ جرگہ سے خطاب کرتے ہوئے وزیراعظم شہباز شریف نے کہا کہ بلوچستان پاکستان کا سب سے بڑا اور پیارا صوبہ ہے یہاں کے لوگ دلیر اور باوقار ہیں اگر کوئی گلہ ہے تو بھائیوں کے ساتھ بیٹھ کر طے کرنا چاہیے۔

انہوں نے کہا کہ خون کے پیاسے دہشت گرد پاکستان کی خوشحالی نہیں چاہتے یہ اغیار کے ایجنٹ ہیں، دہشت گردوں کے ہتھکنڈوں کو بلوچستان کے عوام نے ناکام بنایا ہے، بتائیں وہ کیا نقائص ہیں جو آپ کے مشورے سے ہم ٹھیک کرسکتے ہیں۔

وزیراعظم نے کہا کہ بلوچستان میں جغرافیائی وسعت تقاضہ کرتی ہے کہ سرمایہ کاری کا ہجم اتنا ہی ہو، آئندہ بجٹ میں ایک ہزار ارب کا فیڈرل ڈیولپمنٹ فنڈ ہوگا اور تقریباً 250 ارب کا فنڈ صرف بلوچستان کے لیے ہے، وفاقی ترقیاتی بجٹ کا 25 فیصد بلوچستان کو دیں گے جو اس کا حق ہے۔

بھارت کو پانی بطور ہتھیار استعمال نہیں کرنے دیں گے، وزیراعظم

شہباز شریف نے کہا کہ گوادر میں 2010 میں این ایف سی ایوارڈ پر دستخط کیے گئے، این ایف سی ایوارڈ میں سابق وزیراعظم یوسف رضا گیلانی، صدر زرداری اور نواز شریف کی کاوشیں ہیں، این ایف سی ایوارڈ کبھی نہ ہوتا اگر پنجاب اپنے حصے سے فنڈ نہ دیتا، بلوچستان کا مطالبہ تھا کہ ایوارڈمیں 100 فیصد اضافہ کیا جائے، یہ کوئی احسان کی بات نہیں میں آج بھی اسی سوچ کے ساتھ کھڑا ہوں۔

پاک بھارت کشیدگی پر وزیراعظم نے کہا کہ 6، 7 اور 10 مئی کو بھارت نے پاکستان پر حملہ کیا تھا، اللہ کے فضل سے دشمن کو وہ شکست دی جو ہمیشہ یاد رکھے گا، افواج پاکستان کی شاندار کارکردگی سے دشمن کو تاریخی شکست دی۔

انہوں نے کاہ کہ بھارت کے خلاف پوری قوم چٹان کی طرح افواج کے ساتھ کھڑی ہوئی، بھارت کے خلاف مختصر اور انتہائی خطرناک جنگ تھی، فیلڈ مارشل عاصم منیر کی دلیرانہ، دانش مندانہ قیادت میں دشمن کو شکست دی، فیلڈ مارشل نے ناصرف قوم کا سر فخر سے بلند کیا بلکہ 1971 کا بدلہ بھی لیا۔

اسلام آباد: وزیراعظم شہباز شریف کا کہنا ہے کہ بھارت کو پانی بطور ہتھیار استعمال نہیں کرنے دیں گے۔

کمانڈ اینڈ اسٹاف کالج کوئٹہ میں افسران سے خطاب کرتے ہوئے وزیراعظم شہباز شریف نے کہا کہ آئندہ بھی کوئی مہم جوئی ہوئی تو اس کا منہ توڑ جواب دیں گے، پاکستان کو درپیش خطرات صرف روایتی میدان جنگ تک محدود نہیں، بھارت کو سندھ طاس معاہدے کو معطل کرنے کی اجازت نہیں دیں گے۔

انہوں نے کہا کہ بھارت کو کسی صورت اجازت نہیں دیں گے کہ وہ پانی کو بطور ہتھیار استعمال کرے۔

شہباز شریف کا کہنا تھا کہ مسلح افواج ہماری خود مختاری اور سالمیت کی محافظ ہے، کمانڈ اینڈ اسٹاف کالج نے ہمیشہ شاندار خدمات انجام دیں۔

وزیراعظم نے کہا کہ بھارت نے حالیہ جارحیت میں معصوم شہریوں کو نشانہ بنایا، پاکستان نے بھارت کو پہلگام واقعے پر غیرجانبدارانہ تحقیقات کی پیشکش کی۔

انہوں نے کہا کہ پاکستان نے ساؤتھ ایشیا میں امن کے لیے جنگ بندی کی آفر قبول کی، ایئرفورس نے تاریخی کارنامہ انجام دیتے ہوئے 7 ہائی ویلیو ٹارگٹ کو نشانہ بنایا، ہم نے بھارت کو صرف جواب نہیں ہی دیا بلکہ بازی ہی پلٹ دی۔

شہباز شریف نے کہا کہ فیلڈ مارشل عاصم منیر کی پیشہ ورانہ صلاحیتوں کے باعچ تاریخی کامیابی ملی، آرمی چیف نے ثابت کیا کہ وہ فیلڈ مارشل رینک کے صحیح حقدار ہیں، اللہ تعالیٰ نے ہمیں شاندار فتح سے نوازا۔

وزیراعظم نے کہا کہ بھارت نے جارحیت میں معصوم شہریوں کو نشانہ بنایا، 10 مئی کی صبح جب آرمی چیف کا فون آیا تو وہ پراعتماد اور پرسکون تھے، بھارت کو میدان جنگ اور سفارتی محاذ دونوں پر شکست کا سامنا کرنا پڑا۔

انہوں نے مزید کہا کہ حکومت اور عوام مسلح افواج کے شانہ بشانہ کھڑے ہیں۔