راولپنڈی: فیلڈ مارشل عاصم منیر کا کہنا ہے کہ بھارت جان لے پاکستان کشمیر کو کبھی نہیں چھوڑے گا۔

فیلڈ مارشل عاصم منیر نے مختلف جامعات کے وی سیز، پرنسپل اور اساتذہ کرام سے بات چیت کرتے ہوئے کہا کہ کشمیر کا کوئی بھی سودا ممکن نہیں، ہم کبھی بھی کشمیر کو نہیں بھول سکتے، ہندوستان جان لے پاکستان کشمیر کو کبھی نہیں چھوڑے گا۔

انہوں نے کہا کہ بھارت نے کئی دہائیوں سے کشمیر کے مسئلے کو دبانے کی کوشش کی لیکن ناکام ہوچکا اب یہ ممکن نہیں رہا، کشمیر ایک عالمی سطح کر مسئلہ ہے۔

فیلڈ مارشل نے کہا کہ دہشت گردی بھارت کا اندرونی مسئلہ ہے، وہاں دہشت گردی کی بنیادی وجہ اقلیتوں، مسلمانوں پر بڑھتا ظلم ہے، بھارت میں دہشت گردی کی بڑھتی وجہ تعصب پسندی ہے۔

انہوں نے کہا کہ بلوچستان میں دہشت گرد فتنہ الہندوستان ہیں، ان کا بلوچوں سے کوئی تعلق نہیں، ہم نے پاکستان کو مضبوط ریاست بنانا ہے، پاکستان کو مضبوط ریاست بنانا چاہتے ہیں، جہاں تمام ادارے قانون کے مطابق کام کریں۔

عاصم منیر نے کہا کہ ہم نے پاکستان کو ایسی مضبوط ریاست بنانا ہے جس میں تمام ادارے آئین کے تحت کام کریں، ایسی ریاست ہو جہاں ادارے بغیر سیاسی دباؤ، مالی، ذاتی فائدے کے عوامی فلاح کے لیے کام کریں، جو کوئی بھی ریاست کو کمزور بنانے کے بیانیے کی کوشش کرے اس کی نفی کریں۔

انہوں نے کہا کہ پانی پاکستان کی ریڈ لائن ہے، 24 کروڑ پاکستانیوں کے اس بنیادی حق پر آنچ نہیں آنے دیں گے، بھارت کی اجارہ داری پاکستان کبھی قبول نہیں کرے گا۔

فیلڈ مارشل نے کہا کہ اساتذہ کرام پاکستان کا سب سے بڑا سرمایہ ہیں، پاکستان کی اگلی نسلوں کی رکدار سازی اساتذہ کرام کی ذمہ داری ہے۔

انہوں نے کہا کہ اساتذہ کرام نے پاکستان کی کہانی اپنی اگلی نسلوں کو بتانی ہے۔

فیلڈ مارشل نے کہا کہ معرکہ حق میں اللہ تعالیٰ نے ہر طرح سے پاکستان کی مدد کی، معرکہ حق ثبوت ہے قوم ایک آہنی دیوار بن جائے تو کوئی طاقت گرا نہیں سکتی۔

علاوہ ازیں شرکا نے سوال و جواب کے سیشن میں تاثر دیا ہے کہ یہ جو محفوظ دھرتی ہے اس کے پیچھے وردی ہے، ہمیں پاکستان اور اپنی مسلح افواج پر فخر ہے، ہم ان کے شانہ بشانہ کھڑے رہیں گے۔

اسلام آباد: حکومت نے کے الیکٹرک ٹیرف پر نظرثانی درخواست دائر کرنے کا اعلان کردیا، وفاقی وزیر نے کہا کہ کوشش کررہے ہیں وفاقی حکومت اور بجلی صارفین پر دباؤ نہ آئے۔

تفصیلات کے مطابق وزیر توانائی اویس لغاری نے صحافیوں سے گفتگو کرتے ہوئے کہا کہ کے الیکٹرک کے ٹیرف پر وفاقی حکومت نظرثانی درخواست نیپرا میں دائرکرنے جارہی ہے، نظر ثانی درخواست پرہم تیاری کررہے ہیں۔

وزیر توانائی کا کہنا تھا کہ وفاقی حکومت اور بجلی صارفین پر دباؤ نہ آئے اس سلسلے میں ہم کام کر رہے ہیں،نجکاری کی طرف جا رہے ہیں، کے الیکٹرک اور دیگر سرمایہ اپنی کارکردگی کے اوپر منافع کمائیں۔

انھوں نے کہا کہ ہماری ڈسکوز میں ریگولیٹری قوانین نافذ کرانے چاہیے، ہم نیپرا میں جائیں گے تاکہ صارف کیلئےمناسب قیمت لے سکیں، نیپرا سے امید ہے کہ ایسے فیصلے دیں جس سے ملک اور صارفین کا فائدہ ہو۔

اویس لغاری کا مزید کہنا تھا کہ نیٹ میٹرنگ کی پالسی پر دوبارہ نظر ثانی کی گئی ہے، نیٹ میٹرنگ پر اسٹیک ہولڈرز سے مشاورت کی گئی ہے، نئی نیٹ میٹرنگ پالیسی کی منظوری دی جاتی ہے تو ایک ماہ میں عملدرآمد ہو جائے گا۔

مزید پڑھیں : کےالیکٹرک کیلئے 7 سالہ ٹیرف کی منظوری

انھوں نے بتایا کہ 31 فیصد انڈسٹری کیلئے بجلی سستی ہوئی ہے، 1کروڑ 80 لاکھ گھریلو صارفین کیلئے بجلی کی قیمت 50 فیصد کم ہوئی ہیں، موسمیاتی تبدیلی کی وجہ سے پن بجلی کی پیداوار کم ہوئی ہے۔

یاد رہے نیپرا کی جانب سے کے الیکٹرک کیلئے 7 سالہ ملٹی ائیر ٹیرف جاری کرنے پر پاور ڈویژن کو تشویش کا اظہار کیا تھا۔

وفاقی وزیر توانائی کا کہنا تھا کہ ایسے فیصلے آئندہ ملٹی ائیرٹیرف دورانیہ میں سرمایہ کاری متاثرکرسکتے، وفاق کی سبسڈیزیکساں ٹیرف نظام میں فیصلے کے طویل مدتی اثرات آئیں گے۔

پاورڈویژن نیپرا کی جانب سے کے ای کیلئے جاری ملٹی ائیر ٹیرف کا جائزہ لے گا، پرانے جنریشن ٹیرف کے بارے میں فیصلے پر نظرثانی نیپرا کی توجہ کی منتظر ہے۔

نظر ثانی فیصلے میں تاخیر سے پاور سیکٹر پر سنگین مالیاتی اثرات آرہےہیں، ایسے معاملات پر توجہ نہ دی گئی تو ریگولیٹری نظام متاثر ہوگا، ایسے اقدام بجلی تقسیم میں نجی شعبے کو راغب کرنے کی کوششوں کو متاثر کرسکتے ہیں۔

خیال رہے نیپرا نے کے الیکٹرک کے سات سالہ بجلی سپلائی ٹیرف پر فیصلہ جاری کر دیا، جس کے مطابق کے الیکٹرک کا نیا اوسط بجلی سپلائی ٹیرف 39 روپے 97 پیسے فی یونٹ مقرر کیا گیا ہے، نیا ٹیرف دو ہزار تئیس چوبیس سے دو ہزار انتیس تیس تک کیلئے ہوگا۔

نیویارک: اقوام متحدہ میں پاکستان کے مستقل مندوب عاصم افتخار کا کہنا ہے کہ غزہ ملٹری زون بن چکا ہے جس میں شہری رہ نہیں سکتے۔

اقوام متحدہ کی سلامتی کونسل میں پاکستان کے مستقبل مندوب عاصم افتخار  نے خطاب کرتے ہوئے کہا کہ غزہ میں دل دہلا دینے والی اسرائیلی بربریت سامنے آئی ہے، خواتین، بچے، ڈاکٹرز خوفناک صورت حال کا سامنا کررہے ہیں۔

انہوں نے کہا کہ اقوام متحدہ انڈر سیکریٹری جنرل ٹام فلیچر نے حقائق پر مبنی بریفنگ دی جس پر تنقید قابل قبول نہیں۔

عاصم افتخار نے کہا کہ اسرائیل کی جانب سے غزہ پر بمباری کی جارہی ہے جس کے نتیجے میں اب تک 54 ہزار سے زائد فلسطینی شہید ہوچکے ہیں جن میں زیادہ تر خواتین اور بچے شامل ہیں، ایک لاکھ 22 ہزار سے زائد فلسطیی شہری زخمی ہیں۔

انہوں نے کہا کہ غزہ کے شہری ایسی نفسیاتی اذیت برداشت کررہے ہیں جو کوئی سوچ بھی نہیں سکتا، ہم اس وقت غزہ میں تاریخ کی بدترین بربریت دیکھ رہے ہیں، مذمت کے الفاظ کافی نہیں اب ردعمل کا وقت ہے۔

پاکستانی مندوب نے کہا کہ وقت آگیا ہے کہ فلسطینیوں کی نسل کشی ختم کی جائے، غزہ میں طبی سسٹم کو منصوبہ بندی کے تحت تباہ کردیا گیا ہے، اسپتالوں میں مریضوں کے علاج کے لیے ایندھن نہیں، 800 طبی سہولتوں کو نشان ہبنا کر تباہ کیا گیا، طبی عملے کے رکن مارے گئے، امدادی قافلوں کو روکا جاتا ہے اور ان پر حملے کیے جاتے ہیں، 57 بچے بھوک کی وجہ سے انتقال کرچکے ہیں۔

انہوں نے مزید کہا کہ غزہ میں شہری آبادی کے اسٹرکچر کو تباہ کردیا گیا ہے، پانی، بجلی اور کمیونی کیشن نظام ختم کردیا گیا ہے، 80 فیصد گھر تباہ ہوگئے، فلسطینیوں کی جبری نقل مکانی کو کسی صورت قبول نہیں کریں گے۔

وزیراعظم شہباز شریف کا کہنا ہے کہ آذربائیجان کے ساتھ ہمیشہ تعاون اور حمایت جاری رکھیں گے۔

آذربائیجان کی یوم آزادی کے سلسلے میں منعقدہ تقریب سے خطاب کرتے ہوئے وزیراعظم شہباز شریف نے کاہ کہ میرے بھائی صدر الہام علیوف کو یوم آزادی کی مبارک باد پیش کرتا ہوں، یہ اتفاق کی بات ہے کہ اسی دن پاکستان ایٹمی قوت بنا اور آذربائیجان کو آزادی حاصل ہوئی۔

انہوں نے کہا کہ کارباغ کو 30 سال بعد آزادی ملی جس پر مبارک باد پیش کرتا ہوں، آزادی کی تحریک میں جانیں دینے والوں کو خراج عقیدت پیش کرتا ہوں، 28 مئی کو آذربائیجان یوم آزادی اور پاکستان یوم تکبیر منا رہا ہے۔

شہباز شریف نے کہا کہ فخر ہے پاکستان نے ہمیشہ سیاسی سفارتی سطح پر آذربائیجان کی حمایت کی۔

وزیراعظم نے کہا کہ خوشی ہے چند ہفتے پہلے اپنے سے 5 گنا بڑے دشمن کو شکست دی، بھارت ہم سے طاقتور ہے اور کئی 100 بلین ڈالر فوجی طاقت پر خرچ کرتا ہے، بھارتی جارحیت کی وجہ سے ہم نے چھ سال کے بچے کا جنازہ بھی پڑھا۔

انہوں نے کہا کہ بھارتی جارحیت کے جواب میں ہمیں مجبوراً جواب دینا پڑا، پہلگام میں افسوسناک واقعہ ہوا پر بدقسمتی سے ہم پر الزام لگا دیا گیا، بغیر کسی ثبوت کے بھارت نے پاکستان پر الزامات لگائے جبکہ ہم نے عالمی سطح پر انکوائری کمیشن کی پیش کش کی۔

ترکیہ، پاکستان اور آذربائیجان اچھے، برے وقت میں ایک ساتھ کھڑے ہیں، ترک صدر اردوان

شہباز شریف کا کہنا تھا کہ بھارت نے تعاون کے جواب میں پاکستان پر حملہ کردیا جس کے نتیجے میں 33 معصوم پاکستانی شہری شہید ہوئے۔

انہوں نے کہا کہ ہماری پاک فضائیہ نے بروقت جواب دے کر بھارت کے 6 طیارے 4 رافیل اور ایک مگ 29 بھی گرایا، پاکستان نے جواب دیا کہ ہم امن پسند ہیں اور امن چاہتے ہیں، پاکستان نے جواب دیا کہ ہم پر حملہ کیا جائے گا تو پوری طاقت سے جواب دیں گے۔

وزیراعظم نے کہا کہ بھارت نے پاکستان پر حملہ کیا تو ترکیہ اور آذربائیجان پوری طاقت سے ساتھ کھڑے ہوئے، ترکیہ اور آذربائیجان نے بھرپور حمایت کی جو کبھی نہیں بھولیں گے، ان دونوں ملک کا شکریہ ادا کرنے کے لیے میرے پاس الفاظ نہیں۔

شہباز شریف نے مزید کہا کہ پاکستان، آذربائیجان اور ترکیہ دنیا سے غزہ میں فوری جنگ بندی کا مطالبہ کرتے ہیں، فلسیطن کے لیے ہمیں اپنی آواز کو بلند کرنا ہوگا تاکہ دنیا سن سکے۔

مرکزی رویت ہلال کمیٹی نے اعلان کیا ہے کہ پاکستان میں ذی الحجہ کا چاند نظر نہیں آیا ہے۔

چئیرمین مرکزی رویت ہلال کمیٹی مولانا عبدالخبیر آزاد کا کہنا ہے کہ پاکستان میں ذی الحجہ کا چاند نظر آنے کی شہادت موصول نہیں ہوئی لہٰذا یکم ذی الحجہ 29 مئی کو ہوگی۔

انہوں نے کہا کہ پاکستان میں عید الاضحیٰ 7 جون بروز ہفتے کو ہوگی۔

مولانا رمضان سیالوی کا کہنا ہے کہ یکم ذی الحجہ جمعرات 29 مئی کو ہوگا اور عید الاضحیٰ ہفتہ 7 جون کو منائی جائے گی۔

انہوں نے کہا کہ لاہور میں کہیں سے بھی چاند نظر آنے کی شہادت موصول نہیں ہوئی ہے جس سے چیئرمین رویت ہلال کمیٹی مولانا عبدالخبیر آزاد کو آگاہ کردیا گیا ہے۔

واضح رہے کہ چاند کے نظر آنے یا نہ آنے کا حتمی اعلان مولانا عبدالخبیر آزاد کریں گے۔

ذی الحجہ کا چاند دیکھنے کے لیے رویت ہلال کمیٹی کے اجلاس کی صدارت چیئرمین عبدالخبیر آزاد نے کی زونل کمیٹیوں کے اجلاس اپنے اپنے مقامات پر ہوئے۔

کراچی میں آج غروب آفتاب کا وقت 7 بجکر 15 منٹ تھا اور اس وقت چاند کی عمر 11 گھنٹے 34 منٹ ہوگی، چاند دیکھنے کے لیے عمر تقریباً 24 گھنٹے یا اس سے زائد ہونی چاہیے۔

سپارکو کا کہنا تھا کہ آج چاند نظر آنے کے امکانات نہ ہونے کے برابر ہیں کیونکہ آج غروب آفتاب کے وقت چاند کی عمر گیارہ گھنٹے ہوگی۔ یکم ذی الحجہ 29 مئی کو ہونے کی توقع ہے۔ آج چاند نظر نہیں آتا تو عیدالاضحی سات جون کو ہونے کا امکان ہے۔

سعودی عرب میں ذی الحجہ کا چاند دیکھنے کیلئے اجلاس آج ہوگا۔ سعودی ماہرفلکیات کا کہنا ہے آج چاند نظر آنے کا امکان ہے۔

متحدہ عرب امارات کے فلکیاتی مرکز کا بھی یہی کہنا ہے کہ آج ذی الحجہ کا چاند آج نظر آنے کا امکان ہے۔ متحدہ عرب امارات میں عیدالاضحیٰ 6 جون کو ہوسکتی ہے۔ ابوظبی میں چاند دوربین کے ذریعے دیکھا جاسکے گا۔ عمان، مقبوضہ بیت المقدس اور قاہرہ میں چاند آنکھ سے دیکھنا ممکن ہوگا۔

وزیراعظم شہباز شریف کا کہنا ہے کہ پاکستان پرامن مقاصد کے لیے ایران کے سول جوہری پروگرام کی حمایت کرتا ہے۔

وزیراعظم شہباز شریف نے ایرانی صدر مسعود پزشکیان نے مشترکہ پریس کانفرنس کرتے ہوئے کہا کہ برادر ملک ایران کا دورہ کرکے دلی خوشی ہوئی، ایران کو ہم اپنا دوسرا گھر سمجھتے ہیں، ایرانی صدر کے ساتھ تعمیری اور مفید بات چیت ہوئی ہے۔

انہوں نے کہا کہ ایرانی صدر کے ساتھ تجارتی، سرمایہ کاری سمیت مختلف شعبوں میں تعاون کو وسعت دینے پر اتفاق ہوا ہے۔

شہباز شریف نے کہا کہ پاکستان اور ایران کے گہرے تاریخی، مذہبی اور ثقافتی تعلقات ہیں، دونوں ملکوں نے مختلف شعبوں میں تعاون کو فروغ دینے پر اتفاق کیا۔

وزیراعظم نے کہا کہ ڈاکٹر مسعود پزشککیان نے ٹیلیفون کرکے خطے میں کشیدگی پر تشویش کا اظہار کیا، ان کے پاکستانی عوام کے لیے جذبات پر مشکور ہوں، ایرانی وزیر خارجہ بہترین سفارت کار ہیں جن سے اسلام آباد میں بات ہوئی۔

وزیراعظم شہباز شریف دو روزہ دورے پر ایران پہنچ گئے، پرتپاک استقبال

انہوں نے کہا کہ بھارت سے پانی کے مسئلے، انسداد دہشت گردی کے معاملے پر بات چیت کے لیے تیار ہیں لیکن جارحیت ہوگی تو ہم اس کا بھرپور جواب دیں گے، مسئلہ کشمیر سمیت تمام تنازعات بات چیت کے ذریعے حل کرنا چاہتے ہیں۔

دوسری جانب ایرانی صدر مسعود پزشکیان نے کہا کہ پاکستان برادر ہمسایہ ملک ہے، دونوں ملکوں کے دہائیوں پر محیط ثقافتی اور تاریخی تعلقات ہیں، او آئی سی کے پلیٹ فارم پر دونوں ملکوں کا مؤقف یکساں ہے۔

انہوں نے کہا کہ سیاست، معیشت، بین الاقوامی تعلقات سمیت مختلف شعبوں میں تعاون پر بات ہوئی، سرحدی علاقوں میں انسداد دہشت گردی سے متعلق قریبی تعاون ضروری ہے۔

ایرانی صدر نے کہا کہ پاکستان اور بھارت کے درمیان جنگ بندی کا خیر مقدم کرتے ہیں، خطے کی ترقی اور خوشحالی امن سے ہی ممکن ہے۔

انہوں نے مزید کہا کہ ایران اور پاکستان فلسطین کاز کی بھرپور حمایت کرتے ہیں، فلسطین میں ہونے والی نسل کشی پر عالمی برادری کی خاموشی سوالیہ نشان ہے۔