ARYNews.tv | Urdu – Har Lamha Bakhabar

Category: یو اے ای

یو اے ای اردو نیوز یعنی متحدہ عرب امارات سے اردو خبریں اور تازہ ترین معلومات

یو اے ای کی معیشت میں پاکستانیوں کا ایک اہم کردار ہے۔ وہ تعمیراتی، خدمات، اور دیگر شعبوں میں اہم افرادی قوت فراہم کرتے ہیں۔ پاکستانیوں کی ترسیلات زر بھی پاکستان کی معیشت کے لیے ایک اہم ذریعہ آمدنی ہیں۔ 2023 میں، پاکستانیوں نے یو اے ای سے پاکستان کو 4.212 ارب ڈالر کی رقم بھیجی۔

  • متحدہ عرب امارات نے سونے ہیروں کی تجارت کو مرکز نگاہ بنالیا

    متحدہ عرب امارات نے سونے ہیروں کی تجارت کو مرکز نگاہ بنالیا

    امارات: یو اے ای حکومت نے قیمتی پتھروں کی تجارت کو مرکز نگاہ بناتے ہوئے سونے اور ہیروں کی تجارت کو ویلیو ایڈڈ ٹیکس سے مستثنیٰ قرار دے دیا۔

    تفصیلات کے مطابق متحدہ عرب امارات کی کابینہ نے مقامی قیمتی دھاتوں کے سیکٹر میں مسابقت برقرار رکھنے اور بین الاقوامی معیارات کے اطلاق کے لیے سونے اور ہیروں کے سرمایہ کاروں کے لیے ویلیو ایڈڈ ٹیکس کے استثنیٰ کا قانون متعارف کرادیا ہے۔

    سرکاری خبر رساں ایجنسی کے مطابق اس اقدام کا مقصد یہ ہے کہ دنیا بھر میں کاروبار کرنے کی آسانی سے متعلق انڈیکس میں امارات کی درجہ بندی کو برقرار رکھا جائے۔

    سال 2016 میں امارات میں سونے کی تجارت کا مجموعی حجم 13 فیصد اضافے کے ساتھ 244.3 ارب درہم تک پہنچ گیا۔ اس کے مقابلے میں گزشتہ برس 2017 میں یہ حجم 217 ارب دہم رہا۔ سال 2016 میں امارات میں سونے کی درآمدات کا مجموعی حجم 142.4 ارب درہم جب کہ برآمدات کا 75.9 ارب درہم رہا۔

    یو اے ای میں‌ نیا ٹیکس عائد، پراپرٹی کرایوں میں‌ اضافے کا خدشہ

    واضح رہے کہ یو اے ای حکومت رواں برس کے آغاز کے ساتھ ہی ویلیو ایڈڈ ٹیکس کے مؤثر نفاذ کی بھرپور کوششوں میں مصروف ہے، جس کا فیصلہ گزشتہ برس کے اختتام پر کیا گیا تھا۔ مختلف اشیا پر پانچ فیصد کے ویلیو ایڈڈ ٹیکس کے لاگو ہونے کے بعد سعودی عرب اور متحدہ عرب امارات میں طویل عرصے سے ٹیکس فری زندگی گزارنے والے تارکین وطن کے لیے مالی مشکلات پیدا ہوگئی ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • شارجہ:پولیس نے ٖڈیڑھ لاکھ درہم لوٹنے والے گروہ کو گرفتار کرلیا

    شارجہ:پولیس نے ٖڈیڑھ لاکھ درہم لوٹنے والے گروہ کو گرفتار کرلیا

    دبئی : متحدہ عرب امارات کی پولیس نے دو ایشائی باشندوں پر تشدد کے بعد ڈیڑھ لاکھ درہم نقدی لوٹنے والے تین متشبہ حملہ آوروں کو گرفتار کرکے جیل منتقل کردیا ہے۔

    تفصیلات کے مطابق متحدہ عرب امارات کے شہر شارجہ کے علاقے النصیریا میں سیکیورٹی اداروں نے دو ایشیائی باشندوں سے ڈیڑھ لاکھ درہم کی رخطیر رقم لوٹنے پر گرفتار کرکے جیل منتقل کردیا ہے۔

    شارجہ پولیس کا کہنا تھا کہ دو ایشیائی باشندوں پر تین نامعلوم افراد نے اچانک سے حملہ کرکے بہیمانہ تشدد کا نشانہ بنایا تھا اور ڈیڑھ لاکھ روپے نقدی لے کر فرار ہوگئے، جس کے بعد مقامی افراد نے اپنی مدد آپ کے تحت متاثرین کو کویت اسپتال منتقل کیا۔

    پولیس ترجمان کا کہنا تھا کہ متاثرہ شہریوں پر حملہ کرنے والے مشتبہ افراد نے اپنے چہروں کو چھپایا ہوا تھا، حملہ آور نے ایشیائی باشندوں کا بینک سے رقم نکالے کے بعد سے پیچھا کررہے تھے۔

    دبئی: 12 لاکھ درہم کی چوری میں ملوث دو چینی شہریوں کو 1،1سال کی قید

    پولیس ترجمان کا کہنا ہے کہ سیکیورٹی اہلکاروں نے جائے وقوعہ کا جائزہ لے کر تمام شواہد اکٹھا کرلیے ہیں اور واقعے کی سی سی ٹی وی فوٹیج بھی حاصل کرلی گئی ہے۔

    یاد رہے کہ حالیہ دنوں شارجہ پولیس کی جانب سے شہر بھر میں بینک اور اے ٹی ایم سے رقم کی منتقلی کرنے والوں کے لیے مہم چلائی جارہی ہے، تاکہ شہری رقم باآسانی گھر تک لے جاسکیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • دبئی: روسی خاتون کو پولیس افسر پر تشدد کرنے کے جرم میں‌ 6 ماہ قید

    دبئی: روسی خاتون کو پولیس افسر پر تشدد کرنے کے جرم میں‌ 6 ماہ قید

     دبئی : متحدہ عرب امارات کی عدالت نے روسی خاتون کو بغیر لائسنس شراب پینے، خاتون پولیس سارجنٹ پر تشدد کرنے اور پولیس کار کو نقصان پہنچانے کے جرم میں 6 ماہ قید کے بعد ملک کرنے کا حکم دے دیا 

    تفصیلات کے مطابق متحدہ عرب امارات کے شہر دبئی میں سیاحت کی غرض سے آنے والی روسی خاتون کو پولیس افسر کر تشدد کرنے کے الزام میں گرفتار کیا گیا تھا،عدالت نے الزام ثابت ہونے پر خاتون کو چھ ماہ کے لیے جیل منتقل کرنے کا حکم دے دیا۔

    دبئی پولیس کا کہنا تھا کہ دبئ میں سیاحت کے لیے آنے والی 24 سالہ روسی خاتون نے نشے کی حالت میں پولیس افسر کو تشدد کا نشانہ بنایا تھا۔

    عدالتی دستاویزات کے مطابق 24 سالہ روسی خاتون نے کو شراب پی کر سڑک پر غیر اخلاقی حرکات کرنے پر گرفتار کرنے والی خاتون پولیس سارجنٹ پر بے تحاشہ تشدد کیا تھا اور بالوں سے پکڑ کر گھسیٹا بھی تھا۔

    گرفتار روسی خاتون نے عدالت میں خود پر لگائے گئے خاتون پولیس افسر پر تشدد، پبلک پراپرٹی کو نقصان پہنچانا اور بغیر لائسنس کے شراب پینے کے الزامات کو مسترد کیا ہے۔

    پبلک پراسٹیکیوٹر نے عدالت کو بتایا کہ مذکورہ خاتون نے پولیس کار کے پچھلے دروازے کو نقصان پہنچایا اور شیشا بھی توڑا تھا۔

    عدالت نے روسی خاتون پر الزام ثابت ہونے پر بغیر لائسنس کے شراب پینے، خاتون پولیس افسر پر تشدد کرنے اور پولیس کار کو نقصان پہنچانے کے جرم میں چھ ماہ قید کی سزا سناتے ہوئے ملک بدر کرنے کا حکم دے دیا۔

    خاتون پولیس افسر نے جج کو بتایا کہ ’دبئ کے مقامی ہوٹل سے شکایت موصول ہوئی تھی کہ ایک سیاح شراب کے نشے میں ہوٹل کے باہر ایک خاتون کو تشدد کا نشانہ بنا رہی ہے۔

    ان کا مزید کہنا تھا کہ پولیس نے موقع پر پہنچ کر روسی سیاح کو گرفتار کرنے کی کوشش کی تو مذکورہ خاتون نے مجھ پر بھی تشدد شروع کردیا۔ جس کے بعد ساتھی پولیس افسر نے مجھے روسی خاتون نے نجات دی۔

    دوران سماعت جج کا کہنا تھا کہ روسی سیاح کو 15 دن کے اندر فیصلے کے خلاف درخواست دائر کرنے کا حق ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • دبئی: 12 لاکھ درہم کی چوری میں ملوث دو چینی شہریوں کو 1،1سال کی قید

    دبئی: 12 لاکھ درہم کی چوری میں ملوث دو چینی شہریوں کو 1،1سال کی قید

    دبئی : متحدہ عرب امارات کی عدالت نے 12 لاکھ درہم مالیت کے زیورات لوٹنے والے دو چینی شہریوں کو ایک ایک سال قید کی سزا سنادی۔

    تفصیلات کے مطابق متحدہ امارات کی عدالت نے دبئی میں مقیم دو چینی شہریوں کو بنگلے میں داخل ہوکر 12 لاکھ درہم مالیت کے زیورات چوری کرنے کے جرم میں ایک ایک سال قید کی سزا سناتے ہوئے جیل منتقل کرنے کا حکم دے دیا۔

    پراسٹیکیوٹر نے دوران سماعت جج کو بتایا کہ 22 سالہ اور 32 سال چینی ملزمان نے گذشتہ برس ستمبر میں ایک بنگلے میں گھس کر چوری کی تھی، جو ایک اماراتی خاتون کی ملکیت ہے۔

    پراسٹیکیوٹر نے عدالت کو بتایا کہ ملزمان نے بنگلے میں داخل ہونے کے بعد گھر کی تلاشی اور تیز دھار آلے سے لاکر کو تالا توڑ کر 12 لاکھ درہم مالیت کی جیولری لوٹ کر فرار ہوگئے۔

    دبئی کورٹ میں چوری کی شکایت درج کروانے والی 31 سالہ اماراتی خاتون نے جج کو بتایا کہ ’بنگلے میں چوری کی اطلاع میری بہن کی دی تھی‘۔

    ان کا کہنا تھا کہ ’میری بہن اپنے ڈرائیور اور دو مقامی ملازمت پیشہ افراد کے ساتھ بنگلے میں داخل ہوئی تو سارے دروازوں اور لاکروں کے تالے ٹوٹے ہوئے تھے، اور لاکر میں رکھے ہوئے لاکھوں درہم مالیت زیورات غائب تھے‘۔

    اماراتی خاتون کا مزید کہنا تھا کہ ملزمان نے چوری کے علاوہ بنگلے میں توڑ پھوڑ کرکے 30 ہزار درہم کا نقصان کیا ہے‘۔

    دبئی پولیس کے لیفٹینٹ کا کہنا تھا کہ 14 ستمبر کو چوری کی شکایات درج ہوتے ہی ٹاسک فورس نے تحقیقات آغاز کردیا تھا، سیکیورٹی اہلکاروں نے چند روز میں ہی چوری میں ملوث چینی شہریوں کو گرفتار کرلیا تھا۔

    مزید پڑھیں : دبئی پولیس کی کارروائی، 1کروڑ 40 لاکھ درہم کی ڈکیتی میں ملوث 7 پاکستانی گرفتار

    یاد رہے کہ دو روز قبل بھی دبئی کی عدالت نے 1 کروڑ چالیس لاکھ درہم کی ڈکیتی میں ملوث سات افراد پر مشتمل گروہ کو اعتماد توڑنے، عوام کے پیسوں میں خرد برد کرنے اور ڈکیتی میں ایک دوسرے کی مدد کرنے کے جرم میں سزا سنائی تھی.

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • دبئی: تین ماہ میں 1 کروڑ درہم مالیت کی غیر قانونی اشیاء ضبط

    دبئی: تین ماہ میں 1 کروڑ درہم مالیت کی غیر قانونی اشیاء ضبط

    دبئی: کسٹمز حکام نے رواں برس کے پہلے تین ماہ میں ہی دبئی سے 1 کروڑ درہم مالیت کی جعلی اور غیر قانونی اشیاء ضبط کی ہیں.

    تفصیلات کے مطابق متحدہ عرب امارات کے شہر دبئی میں رواں برس کے پہلے تین مہینوں میں ہی سیکیورٹی اداروں اور سرکاری افسران کی جانب سے متعدد کارروائیوں میں 1 کروڑ درہم مالیت کی غیر قانونی، ناقص اور جعلی اشیاء کو ضبط کیا گیا ہے۔

    دبئی کسٹمز کے ڈائریکٹر احمد محبوب مصبح کا کہنا ہے کہ تین ماہ کے دوران قبضے میں لی گئی اشیاء میں زیادہ تعداد منشیات، اسلحہ، آگ لگانے والے آلات، جعلی اور کالعدم اشیاء، جعلی اور ممنوعہ ادویات، غیر اخلاقی مواد اور جادوٹونہ کرنے والے آلات شامل ہیں۔

    احمد محبوب کا کہنا تھا کہ کسٹم حکام نے سنہ 2018 کے شروع میں ہی ہزاروں جعلی اشیاء کو مالکانہ حقوق کے 59 کیسز کے تحت ضبط کیا گیا ہے۔

    ڈائریکٹر کسٹمز دبئی احمد محبوب کا کہنا تھا کہ دبئی کسٹمز کے ریکارڈ کے مطابق سنہ 2017 می حکام نے 263 اقسام کی ہزاروں غیر قانونی اشیاء کو قبضے لیا گیا تھا جن کی مالیت 11 کروڑ درہم تھی۔ جبکہ سنہ 2016 میں بھی 6 کروڑ 25 لاکھ درہم مالیت کی چیزیں ضبط کی گئی تھیں۔

    احمد محبوب کا کہنا ہے کہ دبئی کے کسٹمز حکام کی جانب سے تجارتی طور دھوکا دہی اور جعلسازی کی روک تھام کے لیے دبئی کے سرحدی علاقوں میں مزید سختی کردی گئی ہے۔

    انہوں نے میڈیا کو بتایا کہ سرحدوں پر سختی علاقائی خفیہ اداروں کے ذریعے عالمی سطح پر کام کرنے والے خفیہ اداروں سے معلومات کے تبادلے کے بعد کی گئی ہے۔

    احمد محبوب کا کہنا تھا کہ دبئی کے کسٹمز ڈپارٹمنٹ کے اشیاء کا جائزہ لینے کے لیے جدید آلات موجود ہیں، ’دبئی کسٹمز دنیا واحد ادارہ ہے جس کے اہلکار چیزوں کا جائزہ لینے کے لیے اسمارٹ گلاسز کا استعمال کرتا ہے‘۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • ابو ظہبی، ڈرائیونگ کے دوران کچرا پھینکنے والوں کی شامت، پولیس کا بڑا ایکشن

    ابو ظہبی، ڈرائیونگ کے دوران کچرا پھینکنے والوں کی شامت، پولیس کا بڑا ایکشن

    ابوظہبی: متحدہ عرب امارات کے محکمہ ٹریفک پولیس نےرواں برس کی پہلی سہہ ماہی رپورٹ جاری کردی جس کے مطابق گاڑی چلانے کے دوران سڑک پر کچرا پھینکنے کے قانون کی خلاف ورزی کرنے پر 85 افراد  کا چالان کاٹا گیا۔

    عرب میڈیا کے مطابق ابوظہبی پولیس کی جانب سے جاری رپورٹ میں کہا گیا ہے کہ ٹریفک پولیس نے قوانین کی خلاف ورزی کرنے پرڈرائیورز کے چالان کاٹے جن میں سڑک پر کچرا پھینکنے والوں کی بڑی تعداد شامل ہے۔

    پولیس رپورٹ کے مطابق دوران ڈرائیونگ سڑک پر کچرا پھینکنے کے قانون کی خلاف ورزی کرنے پر فی ڈرائیور 1000 درہم کا جرمانہ عائد کیا گیا جبکہ اُن کے لائسنس پر سیاہ نقطے بھی واضح کیے گئے۔

    مزید پڑھیں: خبردار!! دبئی کی سڑکوں پر سگریٹ پھینکنا مہنگا پڑ سکتا ہے

    عرب میڈیا کے مطابق پولیس کی جانب سے ڈرائیونگ لائسنس یا پروفائل پر سیاہ نقطوں کا مطلب قانون کی سنگین خلاف ورزیوں میں شمار کیا جاتاہے، اگر کسی ڈرائیور کو تین نقطے مل جائیں تو اُس پر ڈرائیونگ کی پابندی عائد کرتے ہوئے لائسنس ضبط کرلیا جاتا ہے۔

    واضح ہے کہ متحدہ عرب امارات کی حکومت نے رواں برس شہر کو صاف ستھرا اور خوبصورت رکھنے کے لیے بڑے پیمانے پر صفائی مہم کا آغاز کیا تھا جس کے بعد یہ قانون نافذ کیا گیا تھا کہ آئندہ کوئی بھی شخص سڑک پر کچرا پھینکے گا تو اُس پر بھاری جرمانہ عائد کیا جائے گا۔

    میڈیا سے گفتگو کرتے ہوئے متحدہ عرب (دبئی) کے محکمہ بلدیات کے شعبے ویسٹ مینجمنٹ ڈائریکٹر عبد المجید سیفی کا کہنا تھا کہ ’صفائی مہم کا آغاز ہونے کے بعد گلیوں ، کوچوں اور سڑکوں پرسگریٹ یا پھر کچرا پھینکنے پر پابندی ہوگی‘۔

    یہ بھی پڑھیں: بچوں کو اگلی نشست پر بیٹھانا جرم

    اُن کا کہنا تھا کہ اگر کسی بھی شخص کو خلاف ورزی کرتے ہوئے دیکھا گیا تو اُس پر 500 درہم (پاکستانی کرنسی کے حساب سے تقریبا 15 ہزار روپے) جرمانہ عائد کیا جائے گا اور اگر بار بار کسی شہری نے حکم کی خلاف ورزی کی تو اُسے سخت سزا بھی دی جائے گی۔ حکومت نے قانون میں یہ بھی شامل کیا کہ سڑک پر تھوکنا یا کسی بھی قسم کی گندگی پھیلانے پر بھی جرمانہ عائد ہوگا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • دبئی‘بٹ کوائن کا لالچ دے کر 70 لاکھ درہم لوٹنے والا گروہ گرفتار

    دبئی‘بٹ کوائن کا لالچ دے کر 70 لاکھ درہم لوٹنے والا گروہ گرفتار

    دبئی : متحدہ عرب امارات میں پولیس نے کارروائی کرتے ہوئے دو ایشیائی بھائیوں کو بٹ کوائن کا لالچ دے کر 70 لاکھ درہم لوٹنے والے 10 رکنی گروہ کو گرفتار کرلیا.

    تفصیلات کے مطابق متحدہ عرب امارات کے سیکیورٹی اداروں نے گذشتہ روز دبئی کے علاقے المقربات میں کارروائی کرتے ہوئے دو بھائیوں کو دھوکا دینے والے 10 افراد پر مشتمل گروہ کو گرفتار کرکے ستر لاکھ درہم کی خطیر رقم برآمد کرلی ہے۔

    دبئی پولیس نے ہفتے کے روز بیان جاری کیا تھا جس میں پولیس حکام کا کہنا تھا کہ مذکورہ گروہ نے دو ایشیائی بھائیوں کو بٹ کوائن کا لالچ دے کر کسی آفس میں لے گیا تھا، جہاں انہوں نے دونوں بھائیوں پر حملہ کرکے تشدد کیا اور رقم لے کر موقع سے فرار ہوگئے۔

    کرمنل انویسٹی گیشن ڈپارٹمنٹ کے ڈائریکٹر لیفٹینٹ کرنل عدیل الجواکر کا کہنا تھا کہ ’پولیس کو 25 اپریل کو اطلاعات موصول ہوئی تھیں کہ ایک گینگ نے دو بھائیوں کو دھوکا دے کر رقم لوٹی ہے‘۔

    کرنل عدیل الجواکر کا کہنا تھا کہ ’متاثرہ بھائیوں کو بٹ کوائن(برقی کرنسی) فروخت کرنے والوں کی تلاش تھی، مذکورہ گینگ نے انہیں لالچ دی اور دعویٰ کے کہ وہ بٹ کوائن فروخت کرتے ہیں‘۔

    پولیس کا کہنا ہے کہ اس دوران گینگ کے سربراہ نے دکان اور دکان کا لائسنس فروخت کرنے ایک شخص کو بھی دھوکا دیا، جس نے اپنا شو روم فروخت کرنے کے لیے اشتہار دیا تھا۔

    گینگ کے سربراہ نے دکان خریدنے کا دعویٰ کیا جس پر دکان کے مالک نے شو روم دیکھنے کے لیے دکان کی چابیاں اسے دے دیں، گینگ کے سربراہ نے موقع سے فائدہ اٹھاتے ہوئے دونوں بھائیوں کو مذکورہ شوروم میں بلالیا۔

    پولیس نے عرب میڈیا کو بتایا کہ دوران واردات گینگ کے چھ ارکان نے آفس کے اندر دونوں بھائیوں سے ملاقات کی اور باقی چار افراد باہر انتظار کرتے رہے۔

    پولیس کا کہنا تھا کہ جیسے دونوں بھائی آفس میں داخل ہوئے گینگ کے افراد نے ان پر حملہ کرکے تشدد کیا اور دونوں کے ہاتھ باندھ کر کمرے میں بند کردیا اور رقم لیکر موقع سے فرار ہوگئے۔

    دبئی پولیس کے کمانڈر انچیف میجر جنرل عبداللہ خلیفہ المیری کا کہنا ہے کہ پولیس افسران قابل تحسین ہیں جنہوں نے مذکورہ گینگ کو بغیر کسی ثبوت کے تھوڑے وقت میں گرفتار کرلیا۔

    جنرل عبداللہ کا مزید کہنا تھا کہ پولیس حکام نے مذکورہ گینگ کو اسمارٹ منصوبہ بندی اور مصنوعی ٹیکنالوجی کے ذریعے ٹریس کیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • دبئی: محمکہ صحت کی کارروائی، غیرقانونی ادویات کے 76،560 پیکیٹ برآمد

    دبئی: محمکہ صحت کی کارروائی، غیرقانونی ادویات کے 76،560 پیکیٹ برآمد

    دبئی : ڈرگ ریگولیٹر اتھارٹی نے اپارٹمنٹ میں چھاپہ مار کارروائی کرتے ہوئے بڑی مقدار میں ذخیرہ کی گئی غیر قانونی اور ناقص دوائیں برآمد ہوئی ہیں، جسے حکام نے ضبط کرلیا ہے۔

    تفصیلات کے مطابق متحدہ عرب امارات کے شہر دبئی میں محمکہ صحت اور ڈرگ ریگولیٹراتھارٹی نے اپارٹمنٹ پر چھاپہ مار کر ذخیرہ کی گئی غیر قانونی ناقص ادویات کے 76،560 پیکٹ برآمد کرلیے ہیں۔

    اسٹنٹ سیکریٹری محمکہ صحت دبئی ڈاکٹر امین حسین الامیری کا کہنا تھا کہ محمکہ صحت اور ڈرگ ریگولیٹر اتھارٹی نے پولیس کے ہمراہ اپارٹمنٹ پر چھاپہ مارا تھا۔

    ڈاکٹر حسین الامیری کا کہنا ہے کہ ملزمان ایک گاڑی میں 136 اقسام کی ادویات کے 76،560 پیکیٹ لے کر آئے تھے، جو غیر رجسٹرڈ تھے اور خراب حالت میں اپارٹمٹ میں ذخیرہ کیے گئے تھے۔ ڈرگ ریگولیٹر اتھارٹی اور سیکیورٹی اہلکاروں کافی دنوں سے مذکورہ ملزمان پر نظر رکھے ہوئے تھے۔

    ڈاکٹر حسین الامیری کا مزید کہنا تھا کہ محمکہ صحت نے برآمد ہونے والی تمام ادوایات کو قبضے میں لے کر دواؤں کا معیار جانچے کے لیے لیباٹری میں بھیجوادی گئی ہیں۔ غیر قانونی دواؤں کی برآمدی کے بعد پولیس نے جعلی ادوایات کے کاروبار میں ملوث افراد کی گرفتاری کے لیے دیگر علاقوں بھی چھاپے مار رہی ہے۔

    دبئی کی محمکہ صحت نے عوام سے گذارش کی ہے کہ غیر قانونی طور ادوایات کی فروغ اور غیر قانونی گوداموں کے خلاف علم ہوتے ہی سیکیورٹی حکام کو اطلاع کریں۔ جرائم کے خلاف آواز اٹھانا عوام کی بھی ذمہ داری ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • دبئی: شاہ رخ خان کا انوکھا اندازدیکھنے کے لیے پورا شہر اُمڈ آیا

    دبئی: شاہ رخ خان کا انوکھا اندازدیکھنے کے لیے پورا شہر اُمڈ آیا

    دبئی: متحدہ عرب امارات میں بالی ووڈ کے کنگ خان نے ایسا انوکھا انداز اپنایا کہ جسے دیکھنے کے لیے پورا شہر امڈ آیا، شاہ رخ خان نے مداحوں کے ساتھ سیلفیاں بنائیں اور رقص بھی کیا۔

    تفصیلات کے مطابق شاہ رخ خان کے مداحوں کو ناصرف ان کی اداکاری پسند ہے بلکہ ان کی شخصیت سے بھی وہ متاثر ہیں، ایسا ہی ایک منظر دبئی میں دیکھنے کو ملا جہاں جیولری شوروم کی افتتاحی تقریب کے دوران شاہ رخ کی ایک جھلک دیکھنے کے لئے شہریوں کی ایک بہت بڑی تعداد امڈ آئی، جہاں اداکار نے انوکھا انداز اپنایا اور فلمی ڈائیلاگ سنائے۔

    اس موقع پر شاہ رخ خان نے اپنے مداحوں کو محظوظ کرنے کے لیے اپنی فلم دل سے کا مشہور زمانہ گیت ’چھیاں چھیاں‘ پر ایک اور مرتبہ رقص پیش کیا اور مداحوں کے دل جیت لئے۔

    شاہ رخ خان نے میری زندگی برباد کردی، خاتون کا الزام

    واضح رہے کہ بالی ووڈ کے معروف اداکار شاہ رخ خان کو انڈسٹری میں رومانس کا بادشاہ مانا جاتا ہے ، فلمی دنیا کے بے تاج بادشاہ کے دنیا بھر میں لاکھوں مداح موجود ہیں جو اُن کے فلمی مناظر اور جذبوں کو اپنی زندگیوں میں شامل کرنے کی کوشش بھی کرتے ہیں۔

    شاہ رخ خان کا فارم ہاؤس ضبط کر لیا گیا

    یاد رہے کہ شاہ رخ خان نے متحدہ عرب امارات کے دیگر شہروں کا بھی دورہ کیا، جہاں ان کا شان دار استقبال ہوا اور انہیں دیکھنے کے لیے پورا شہر امڈ آیا، وہاں انھوں نے فلم انڈسٹری سے تعلق رکھنے والے لوگوں سے ملاقات بھی کی، خیال رہے کہ متحدہ عرب امارات میں شاہ رخ بے حد مقبول ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • دبئی پولیس کی کارروائی، 1کروڑ 40 لاکھ درہم کی ڈکیتی میں ملوث 7 پاکستانی گرفتار

    دبئی پولیس کی کارروائی، 1کروڑ 40 لاکھ درہم کی ڈکیتی میں ملوث 7 پاکستانی گرفتار

    دبئی : متحدہ عرب امارات میں پولیس نے خفیہ اطلاعات پر کارروائی کرتے ہوئے 1 کروڑ چالیس لاکھ درہم کی ڈکیتی میں ملوث سات افراد پر مشتمل گروہ کو گرفتار کرلیا.

    تفصیلات کے مطابق متحدہ عرب امارات کی پولیس نے ڈکیتی میں ملوث سات ملزمان کو حراست میں لے لیا ہے جن میں سے ایک ملزم دبئی میں رقم کی نقل و حمل میں استعمال ہونے والی گاڑی کا ڈرائیور ہے۔

    پولیس کا کہنا ہے کہ مذکورہ ڈرائیور اور اس کے دو دوستوں کو دبئی میں 1 کروڑ چالیس لاکھ درہم کی ڈکیتی کرنے کے جرم میں گرفتار کرکے عدالت میں پیش کیا گیا ہے۔

    ملزمان پر الزام ہے کہ انہوں نے 10 اے ٹی ایم مشینوں سے ایک کروڑ چالیس لاکھ درہم کی ڈکیتی کی ہے، ڈکیتی میں ملوث تمام ملزمان کا تعلق پاکستان سے ہے۔

    پولیس کا کہنا تھا کہ مزید چار پاکستانیوں کو دورانِ ڈکیتی میں معاونت کرنے اور رقم کو پاکستان منتقل کرنے کے الزام میں گرفتار کیا گیا ہے۔ گرفتار ملزمان میں ایک شخص منی ایکسچینج کا ملازم ہے، جو وزٹ ویزے پر دبئی کے ہوٹل میں مقیم تھا۔

    دبئی پولیس کے ترجمان کا کہنا ہے کہ ڈکیتی میں ملوث ملزمان رقم چوری کرنے کے بعد جعلی پاسپورٹ کے ذریعے پاکستان بھاگنا چاہتے تھے۔

    دبئی:منشیات فروشی کے جرم میں پاکستانی ڈرائیورپر 10ہزار درہم کا جرمانہ

    دبئی کی عدالت نے 1 کروڑ چالیس لاکھ درہم کی ڈکیتی میں ملوث ساتوں ملزمان پر اعتماد توڑنے، عوام کے پیسوں میں خرد برد کرنے اور ڈکیتی میں ایک دوسرے کی مدد کرنے کے جرم میں سزا سنائی ہے۔

    پولیس ترجمان کا کہنا تھا کہ گرفتار ملزمان میں 27 سالہ پاکستانی شخص نے دواران تفتیش بتایا کہ ’ہمارا منصوبہ تھا کہ رقم لوٹنے کے دو گھنٹے بعد جعلی پاسپورٹ کے ذریعے دبئی چھوڑ دیں گے‘۔

    دبئی: لڑکی سے زیادتی کے جرم میں پاکستانی شہری کو تین ماہ قید

    ان کا کہنا تھا کہ پولیس کو خبر ملی تھی کہ شارجہ کے انڈسٹریل ایریا کے ایک گھر میں 3 مطلوب افراد روپوش ہیں۔ سیکیورٹی اداروں نے خفیہ اطلاعات پر گھر پر چھاپہ مار کرروائی کرتے ہوئے تینوں ملزمان کو گرفتار کیا تھا۔

    پولیس ترجمان کا مزید کہنا تھا کہ گرفتار ہونے والے ملزمان کی عمریں 27 سال سے 48 سال کے درمیان ہیں اور سب پاکستان کے شہری ہیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں