Category: یو اے ای

دبئی : قطری فضائیہ کے جنگی طیاروں نے جارحیت دکھاتے ہوئے ایک مرتبہ پھر متحدہ عرب امارات کے مسافر بردار طیارے کو بحرینی فضائی حدود میں نرغے میں کرنے کی کوشش ہے۔

تفصیلات کے مطابق متحدہ عرب امارات کے جنرل سول ایوی ایشن نے قطری فضائیہ پر الزام عائد کیا ہے کہ قطر کے لڑاکا طیاروں نے اتوار کے روز یو اے ای کے مسافر بردار طیارے تک خطرناک انداز میں رسائی کی کوشش کی ہے۔

متحدہ عرب امارات کے حکام نے قطری فضائیہ کے اس اقدام کی سخت مذمت کرتے ہوئے اماراتی میڈیا کو بتایا کہ قطر کے لڑاکا طیاروں نے دمام سے ابو ظہبی 86 مسافروں کے ہمراہ آنے والے مسافر بردار طیارے کو بحرین کی فضائی حدود سے گزرتے وقت گھیرنے کی کوشش کی، جس کے سبب طیارے میں سوار مسافروں کی جان کو شدید خطرات لاحق ہوگئے تھے۔

حکام کا کہنا تھا کہ یواے ای کے مسافر بردار طیارے اور قطری فضائیہ کے لڑاکا طیاروں کے درمیان تصادم ہونے میں محض 2 میل کا فاصلہ رہ گیا تھا۔

ان کا مزید کہنا تھا کہ ’قطر کی فضائی افواج کی جانب سے کیے جانے والے یہ اقدامات مسافر بردار طیاروں اور ہوائی نیویگیشن کے لیے انتہائی خطرناک ہیں‘۔

یو اے ای کی جنرل سول ایوی ایشن کا کہنا تھا کہ یہ حادثہ پہلی مرتبہ نہیں ہوا، گذشتہ ماہ بھی قطری فضائیہ کے جنگی طیاروں نے یو اے ای دو مسافر بردار طیاروں کے انتہائی نزدیک پروازیں کی تھیں، اس کے علاوہ بھی قطری فضائیہ متعدد اشتعال انگیز اقدامات کرچکی ہے۔

ان کا کہنا تھا کہ متحدہ عرب امارات سول ایوی ایشن کی عالمی تنظیم میں قطر کے خلاف درخواست دائر کرے گا۔

متحدہ عرب امارات کے جنرل سول ایوی ایشن کے حکام کا قطر کے اس غیر ذمہ دارانہ حرکت کی سخت مذمت کرتے ہوئے کہنا تھا کہ اگر قطر کی یہ ہی صورتحال رہی تو ایسے حالات میں یو اے ای عالمی قوانین کے تحت کوئی بھی ایکشن لینے کا حق رکھتا ہے۔

واضح رہے کہ سعودی عرب،بحرین،مصر اورمتحدہ عرب امارات نے گشتہ برس قطرپردہشت گردوں کی معاونت کا الزام لگا کر سفارتی تعلقات منقطع کردیے تھے اور قطر پراپنی زمینی، فضائی اور سمندری سرحدوں کو بند کردیا تھا۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

دبئی : متحدہ عرب امارات میں ڈرائیور کی نوکری کرنے والے پاکستانی شخص کو سیکیورٹی اداروں نے منشیات فروشی کے الزام میں گرفتار کرکے جیل منتقل کردیا گیا ہے۔

تفصیلات کے مطابق متحدہ عرب امارات کے شہر دبئی میں پولیس نے خفیہ اطلاعات پر الوحیدہ کے علاقے میں کارروائی کرتے ہوئے منشیات فروخت کرنے والے شخص کو گرفتار کر کے عدالت میں پیش کردیا گیا ہے۔

 پولیس حکام کا کہنا تھا کہ دبئی میں مقیم 41 سالہ پاکستانی ڈرائیور پر الزام ہے کہ وہ مبینہ طور پر سوشل میڈیا باالخصوص واٹس ایپ کے ذریعے شہریوں کو منشیات فروخت کرتا تھا۔

دبئی پولیس کے ترجمان کا کہنا ہے کہ سیکیورٹی اداروں نے بااثر ذرائع سے اطلاعات موصول ہونے کے بعد کارروائی کرتے ہوئے الوحیدہ کے علاقے میں اس کے گھر پر چھاپہ مارا پر گرفتار کیا تھا۔

پولیس ترجمان کا کہنا تھا کہ مذکورہ ملزم کے گھر کی تلاشی کے دوران تقریباً 17 ہزار درہم برآمد ہوئے تھے، پولیس کا خیال ہے کہ یہ رقم منشیات فروشی کے ذریعے کمائی گئی ہے۔

دبئی کی جیل میں قید پاکستانی شخص نے دعویٰ کیا ہے کہ پولیس کی جانب سے لگایا گیا الزام بے بنیاد ہے، مذکورہ رقم اپنی گاڑی فروخت کرکے حاصل کی تھی۔

دوسری جانب پولیس کے اعلیٰ حکام نے بتایا کہ مذکورہ پاکستانی ڈرائیور گذشتہ سال بھی جیل جا چکا ہے اور اسے 27 مئی 2017 کو جیل سے رہا کیا گیا تھا، ہماری اطلاعات کے مطابق مذکورہ شخص سوشل میڈیا خصوصاً فیس بک، انسٹاگرام اور واٹس ایپ کے ذریعے منشیات کی اسمگلنگ کر رہا ہے۔

پولیس ترجمان کا کہنا تھا کہ مذکورہ پاکستانی شخص کا موبائل فون ضبط کرکے جنرل ڈائریکٹر انسداد منشیات فروشی کے حوالے کردیا تھا۔

پولیس نے ملزم کے میڈیکل ٹیسٹ کروائے تھے۔ جو مثبت آئے، کرائم لیب ٹیسٹ کی رپورٹ کے مطابق مذکورہ شخص کے جسم میں پین کلر (مورپائن اور کوڈائن) کے اثرات پائے گئے ہیں۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

دبئی : متحدہ عرب امارات چوری اور جنسی ہراسگی کے جرائم کی کم ترین شرح کے باعث رہائشوں کے لیے دنیا بھر کے محفوظ ملکوں کی فہرست میں پہلے نمبر پر آگیا ہے۔

تفصیلات کے مطابق دنیا کے پُرامن ترین ممالک کے کیے گئے سروے رپورٹ کے مطابق متحدہ عرب امارات دنیا بھر کے ممالک میں محفوظ ترین مملکت ہے۔ رپورٹ میں بتایا گیا ہے کہ جنسی ہراسگی اور چوری کے حوالے دنیا بھر کے ممالک کی تیار کی گئی فہرست میں یو اے ای پہلے نمبر پر آگیا ہے۔

متحدہ عرب امارات کے ڈپٹی وزیر اعظم اور وزیر داخلہ شیخ سیف بن زاید النہیان نے کہا ہے کہ یو اے ای جنسی ہراسگی اور چوری ڈیکیتی کے جرائم کی شرح میں کمی کے باعث رہائشوں کے لیے دنیا کا پر امن اور محفوظ ترین ملک بن گیا ہے۔

ان کا کہنا تھا کہ متحدہ عرب امارات دنیا واحد ملک ہے جس میں پوری دنیا کے مقابلے آتشزدگی کے سب سے کم واقعات پیش آئے ہیں اور ان واقعات میں ہلاک ہونے والوں کی تعداد ایک لاکھ افراد پر 0.040 فیصد ہے۔

شیخ سیف بن زاید النہیان کا کہنا تھا کہ ’بد قسمتی سے آتشزدگی کے واقعات میں کچھ جانیں ضائع ہوئی ہیں، لیکن امید ہے کہ ہم ہلاکتوں کی اس شرح کو بھی کم کردیں گے، یہ ہمارے لیے سب اہم مسئلہ ہے‘۔

انہوں نے کہا کہ ’متحدہ عرب امارات ٹریفک حادثات کے حوالے سے دنیا بھر میں ساتویں نمبر پر آتا ہے، لیکن ہماری آرزو ہے کہ مملکت میں ایسے اقدامات کیے جائیں، جس سے ٹریفک حادثات میں واضح کمی آئے اور یو اے ای ٹریفک کے حوالے سے بھی دنیا میں پہلے نمبر پر آجائے‘۔

وزیر داخلہ کا مزید کہنا تھا کہ متحدہ عرب امارات میں بسنے والے رہائشوں میں 98.6 فیصد افراد یو اے ای میں خود کو رات کے اوقات میں بھی محفوظ محسوس کرتے ہیں۔

خیال رہے کہ متحدہ عرب امارات کو رواں سال دنیا کے 156 ممالک کے کیے گئے سروے رپورٹ کے بعد تمام عرب ممالک میں سب سے زیادہ خوشحال مملکت قرار دیا گیا تھا۔

واضح رہے کہ رپورٹ میں بتایا گیا تھا کہ یو اے ای دنیا بھر کے خوشحال ممالک کی تیار کی گئی فہرست میں بیس ویں جبکہ عرب دنیا میں مسلسل گذشتہ چار سال سے پہلے نمبر پر برجمان ہے۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

دبئی : متحدہ عرب امارات کے شہر شارجہ کی غیر قانونی اسلحہ فروخت کرنے والی دکان میں کارروائی کرتے ہوئے تلواریں، خنجر اور برقی چھڑی کو ضبط کرکے مالکان کے خلاف قانونی کارروائی کا آغاز کردیا گیا۔

تفصیلات کے مطابق شارجہ کے محکمہ بلدیات کے افسران نے ہفتے کے روز غیر قانونی اسلحہ فروخت کرنے والے شوروم میں خفیہ اطلاعات پر چھاپہ مار کارروائی کرتے ہوئے شوروم مالکان پرنوجوانوں کو غیر قانونی طور سفید اسلحہ بیچنے پر جرمانہ عائد کیا گیا۔

شارجہ کے بلدیاتی ڈائریکٹر جنرل تابٹ التوریفی کا کہنا تھا کہ بلدیاتی حکام نے موصول ہونے والی اطلاعات کی تصدیق کرنے کے بعد چھاپہ مار کر بڑے پیمانے پر غیر قانونی اسلحہ ضبط کیا گیا ہے، مہلک ہتھیار کی غیر قانونی فروخت سے شہر میں انتہائی خطرناک اثرات متب ہورہے ہیں، نوجوان مذکورہ اسلحہ خرید کر جھڑپوں میں ملوث ہیں جو سوسائٹی کے لیے خطرناک ہے۔

ان کا کہنا تھا کہ بلدیاتی حکام نے چھاپے کے دوران مہلک ہتھیار فروخت کرنے والی دکان کی تلاشی لی تو بڑی مقدار میں غیر قانونی اسلحہ برآمد ہوا جسے ضبط کرلیا، قبضے میں لیے گئے اسلحے میں بڑی تعداد میں تلواریں، تیز دھار خنجر اور برقی چھڑی اور دیگر اسلحہ شامل ہیں۔ جس نے معاشرے کو خطرے میں ڈالا ہوا تھا۔

انہوں نے کہا کہ ’اگر ہم ایسے ہتھیار نوجوانوں کے ہاتھوں میں جانے دیں تو وہ شہر میں جرائم کی قیادت کریں گے، گذشتہ دو برسوں میں نوجوان گروپ لڑایئوں میں ملوث ہیں۔ متحدہ عرب امارات میں ایسے کسی بھی شخص کو برداشت نہیں کیا جائے گا جو اسلحے کی فروخت کے لیے بچوں کا استعمال کرے گا‘۔

ڈائریکٹر جنرل تابٹ التوریفی کا مزید کہنا تھا کہ مقامی پولیس کو 14 سال سے 26 سال کی عمر کے نوجوانوں کی گروپ لڑایئوں کی متعدد شکایات موصول ہوئی تھی، جھڑپوں میں ملوث نوجوانوں نے اعتراف کیا تھا کہ مہلک ہتھیار مذکورہ دکان سے ہی خریدہ تھا۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں.