Category: یو اے ای

 دبئی:متحدہ عرب امارات کا سفر کرنے کی خواہش رکھنے والے سیّاحوں کے لیے دبئی کی 10ایسی جہگوں کی فہرست جاری کی گئی ہے جہاں آپ محض 50 درہم یا اس سے بھی کم میں اپنے سفر کو یادگار بناسکتے ہیں۔

تفصیلات کے مطابق دبئی میں دیکھنے کو یوں تو بہت سے ایسے مقامات ہیں جو دل کو لبھاتے ہیں‘  آپ دبئی میں اپنے دوستوں  یا اہل خانہ  کے ساتھ سیر و تفریح کرنا چاہتے ہیں تو یہ دس جگہیں ایسی ہیں جنہیں آپ تمام عمر فراموش نہیں کرپائیں گے۔

 اگر آپ سوچ رہے ہیں کہ فہرست سنیما  گھروں اورکافی شاپس پر مشتمل ہے تو ایسا ہرگز نہیں کہ یہ تو آپ اپنے شہر میں بھی کرسکتے ہیں‘ یہ فہرست ایسے دس مقامات کی ہے جو کہ دبئی کو دنیا بھر سے ممتاز کرتے ہیں۔

بس اب انتظار ختم ‘ آئیے آپ کو ان مقامات کی سیر کراتے ہیں۔

1 دبئی فریم

آپ دبئی میں لگے دنیا کے سب سے بڑے فریم کا صرف 50 درہم میں دورہ کرکے دبئی کی حقیقی خوبصورتی کو 150 میٹر کی بلندی سے شیشے کے بنے فرش پرچہل قدمی کرتے ہوئے دیکھ سکتے ہیں۔

2 دبئی سفاری پارک

جانوروں سے محبت کرنے افراد دبئی سفاری پارک میں رکھے ڈھائی ہزار سے زائد اقسام کے جانوروں کو دیکھ سکتے ہیں۔

3 معجزاتی پارک

دبئی میں بنایا گیا انوکھا پارک ہے جو دیگر باغیچوں سے منفرد ہے اور کیوں نہ ہو منفرد  کہ اس میں پھولوں سے بنائے گئے کئی چیزوں کے مجسمے جو رکھے گئے ہیں۔ اس معجزاتی پارک میں صرف 45 درہم میں سیرکے لیے جاسکتے ہیں۔

4 گلوبل ولیج

  جی ہاں ! یہ سچ ہے کہ  دبئی میں واقع گلوبل ولیچ  کے چند ایکڑ رقبے میں آپ ساری دنیا دیکھ سکتے ہیں‘ سیّاحوں کے لیے اس جگہ پر پانی کی منصوعی نہر بھی بنائی گئی ہے جس کا کشتی کے ذریعے سفر بھی کیا جسکتا ہےاور آپ خوش قسمت ہوئے تو 15 درہم میں گلوبل ولیچ میں داخل ہونے کے ساتھ ساتھ میوزک کنسرٹ بھی دیکھ سکتے ہیں۔

5 ڈالفن ایریم

اگر آپ دبئی کے سفر کے دوران اپنے بچوں کا دن مزید حسِین بنانا چاہتے ہیں تو محض 50 درہم خرچ کریں اور بچوں کو اودھ بلاؤ شو میں  سمندری سیلز کے ساتھ ڈالفن کے شاندارکرتب ضرور دکھائیں۔

6 دبئی میوزیم

سنہ 1787میں دبئی کریک کے جنوب میں تعمیر کیے گئے قلعے کو دبئی میوزیم میں تبدیل کردیا ہے۔ اگر آپ دبئی کی تاریخ سے واقف ہونا چاہتے ہیں تو صرف 2 درہم میں الفاہیدہ قلعے میں تعمیرکردہ میوزیم کا دورہ کرکے بغیر کسی نصابی کتب کے دبئی کا تاریخی سبق حاصل کریں۔

7 لوہے کے  آثار قدیمہ کا مرکز

دبئی جانے والے سیّاح صرف 20 درہم میں سارق الحدید نامی آثار قدیمہ کے میوزیم کا دورہ کرسکتے ہیں جسے 1928س میں تعمیر کیا گیا تھا۔ اس میوزیم کے اندرصحرا میں استعمال ہونے والے لوہے کے ایسے نادر نوادرات موجود ہیں جنہیں لگ بھگ 3 ہزارسال قبل استعمال کیا جاتا تھا۔

8 دبئی واٹر کینال

دبئی کے واٹر کینال میں سیّاح صرف25 درہم میں عربوں کی روایتی ’ابرا‘ نامی کشتی کی سی کرکے اپنے سفر کو مزید یادگار بناسکتے ہیں۔ یہ کشتی زمانہ قدیم سے اس خطے میں نقل و حمل کا سب سے اہم ذریعہ ہے اور آج بھی دبئی کے ثفافت کا حصہ ہے۔

9 سنیما تھراپی

سیّاحوں کے پورے دن کی تھکن کو دورکرنے کےلیے دبئی میں سنیما تھراپی سب سے بہترین ذریعہ ہے۔ یاد رکھیں یہ کوئی عام سینما نہیں ہے۔

10 دبئی فاؤنٹین

دبئی مال میں بنائے گئے دبئی فاؤنٹین کا نظارہ ایک یادگار لمحہ ہوتا ہے، جو سیّاحوں کے سفر کو مزید شاندار بناتا ہے۔ فاؤنٹین پول کے درمیان میں لگایا گیا گھومنے والا فوارہ اپنے دیکھنے والوں کے دلوں کو اور لبھاتا ہے۔

---

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں