Category: یو اے ای

دبئی : متحدہ عرب امارات کی وزرات بلدیات نے دبئی میونسپلٹی میں ملازمتوں کے لیے شہریوں سے درخواستیں طلب کرلی ہیں، درخواستیں طب، انجینیئرنگ اور سیاحت کے شعبے کے لیے طلب کی گئی ہے۔

بین الااقوامی خبر رساں ایجنسی کے مطابق مذکورہ ملازمتوں کے لیے اماراتی اور متحدہ عرب امارات کی شہریت رکھنے والے غیر ملکی بھی افراد بھی درخواستیں دے سکتے ہیں جنہیں 2 ہزار 243 درہم سے 24 ہزار 700 درہم تک تنخواہ کی پیشکش کی جائے گی۔

یہ ملازمتیں دبئی میونسپلٹی کے شعبے سیاحت، میڈیکل اور انجینیئرنگ کے لیے مخصوص ہیں جہاں پلمبر و الیکٹریشن سے لے کر مکینیکل و الیکٹریکل انجینیئرز تک کے گریڈ کی اسامیاں موجود ہیں اور ملازمین کو انہی گریڈز کی بنیاد پر تنخواہیں ادا کی جائیں گی۔

اعلیٰ اور اہم عہدوں کے لیے متعلقہ شعبے میں ماسٹر یا گریجویشن جب کہ نیچے لیول کی اسامیوں کے لیے مڈل پاس افراد سے درخواستیں طلب کی گئی ہیں اگر آپ ان اسامیوں کے لیے درخواست دینا چاہتے ہیں تو یہاں کلک کریں۔

---

 دبئی میونسپلٹی میں ملازمتیں، درخواست یہاں جمع کرائیں 

---

دبئی میونسپلٹی کے اعلیٰ حکام کا کہنا ہے کہ اسامیوں پر منتخب ہونے والے ملازمین کو تنخواہ کے علاوہ بہترین مراعات بھی دی جائیں گی جن میں صحت اور رہائش سے متعلق پالیسی بھی شامل ہے۔

---

اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

ابوظہبی : متحدہ عرب امارات میں پہلے اسٹیشن کی شاندار کامیابی کے بعد دوسرے ہائیڈروجن اسٹیشن کا افتتاح کردیا گیا ہے جس کا مقصد توانائی کے لیے دستیاب دوسرے ذارئع کو بھی استعمال میں لانا ہے۔

بین الااقوامی خبر کے مطابق متحدہ عرب امارات میں دوسرے ہائیڈروجن اسٹیشن کے افتتاح کے موقع اعلیٰ حکام بھی موجود تھے جنہوں نے توانائی کی اس قسم کو استعمال میں لانے پر خوشی کا اظہار کیا، ہائیڈروجن کو سبز فیول یعنی ماحول دوست فیول کا نام دیا گیا ہے۔

ہائیڈروجن اسٹیشن متحدہ عرب امارات کی قومی آئل کمپنی (Adnoc )اور فضائی مادہ جن میں ہائیڈروجن فیول بھی شامل ہے کی سپلائی کرنے والی کمپنی کی مشترکہ کاوش ہے جس کا مقصد شہریوں کو ماحول دوست فیول فراہم کرنا ہے جس کے لیے توانائی کے دیگر ذرائع پر بھی کام کیا جا رہا ہے۔

اس موقع پر خطاب کرتے ہوئے کمپنی ڈائریکٹر سعود عباسی کا کہنا تھا کہ متحدہ عرب امارات کے گنجان آباد اور مصروف مقامات پر ہائیڈروجن اسٹیشن کے قیام کی خواہش ہے جس پر عمل کرتے ہوئے دبئی میں پہلے اور ابوظہبی میں دوسرے ہائیڈروجن اسٹیشن کا قیام کا کام مکمل ہوچکا ہے۔

ہائیڈروجن فیول پٹرول کی نسبت ماحول دوست آئل ہے جس کے استعمال سے آلودگی کے خاتمے میں مدد ملے گی تاہم اس فیول کے لیے خاص قسم کی گاڑیاں تیار کی جاتی ہے جو بجلی کی مدد سے چلتی ہیں۔

متحدہ عرب امارات کی قومی آئل کمپنی اور گاڑیاں بنانے والی معروف کمپنی میگا پروجیکٹ کے تحت ماحول دوست ٹریفک کے لیے کوشاں ہے جس کے تحت نئی گاڑیاں فروخت کے لیے لائی جائیں گی اور اسے عام آدمی تک رسائی دی جائے گی۔

ماہرین کا خیال ہے کہ پٹرول سے چلنے والی گاڑیاں کاربن کی بڑی مقدار فضاء میں منتقل کرتی ہیں جس کی وجہ سے جہاں اوزون تہہ کو خطرہ ہے وہیں رہائشیوں کو سانس لینے میں دقت اور پھپھڑوں کی مختلف بیماریوں کا سامنا کرنا پڑتا ہے۔

متحدہ عرب امارات کی حکومت اپنے شہریوں کو پر سکون اور صحت مند ماحول فراہم کرنے کا عزم کیے ہوئے ہے جس کے لیے ہائیڈروجن سے چلنے والی گاڑیاں دستیاب ہوں گی جس کے بعد پٹرول پر انحصار کم سے کم ہوتا جائے گا۔

---

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

ریاض : سعودیہ عرب میں مزید 11 شہزادوں کو حراست میں لے کر ہائی سیکیورٹی زون منتقل کردیا گیا ہے۔

اس بات کا انکشاف سعودیہ عرب کی نیوز ویب سائٹ ’سبق‘ نے کیا، نیوز ویب سائٹ کے مطابق گرفتار کیے گئے شہزادے حکومتی اقدامات کے خلاف مظاہرہ کر رہے تھے۔

ذرائع کے مطابق حراست میں لیے گئے شہزادے ریاض کے تاریخی اور مخصوص سرکاری علاقے میں جمع ہوئے تھے جہاں وہ اُس شاہی فرمان کے خلاف مظاہرہ کر رہے تھے جس کے تحت شاہی خاندان کو یوٹیلیٹی بلز کی مد میں ملنے والے الاؤنسز بند کر دیئے گئے تھے۔

مظاہرین کا مطالبہ تھا کہ شاہی خاندان کے تمام افراد کے یو ٹیلیٹی بلز حکومت ادا کیا کرتی تھی لیکن اب ایک فرمان کے ذریعے اس پر پابندی عائد کردی گئی ہے جس پر اپنا احتجاج ریکارڈ کرانا چاہتے تھے۔

تاہم مظاہرے کی اطلاع ملتے ہی سعودی فورسز نے 11 شہزادوں کو گرفتار کر کے جنوبی ریاض میں واقع ہائی سیکیورٹی زون کے ہائیر قید خانے میں منتقل کردیا ہے جہاں مزید قانونی چارہ جوئی عمل میں لائی جائے گی۔

یاد رہے اس قبل کرپشن کے خلاف مہم کے دوران شہزادے طلال بن ولید سمیت کئی شہزادوں اور سرکاری حکام کو پہلے ہی حراست میں لیا جاچکا ہے جہاں اُن سے اثاثہ جات سے متعلق پوچھ گچھ کا عمل جاری ہے۔

خیال رہے کہ ولی عہد محمد بن سلیمان سعودی عرب میں وژن 2023 کے تحت سخت معاشی اقدامات کے ذریعے انقلابی تبدیلیاں لائے ہیں جس میں خود انحصاری کو اولین ترجیح دی گئی ہے جب کہ شاہی خاندان کو حاصل مراعات میں کٹوتی بھی اسی سلسلے کی کڑی ہے اور حال ہی میں ویلیو ایڈڈ ٹیکس کا نفاذ بھی کیا گیا ہے۔

دبئی : متحدہ عرب امارات کے حکمراں راشد المکتوم کی صاحبزادی مریم کی شادی خانہ آبادی کی پُروقار تقریب دبئی میں منعقد ہوئی۔

تفصیلات کے مطابق مریم بنت راشد المکتوم کی شادی کے ہمراہ دبئی کے ورلڈ ٹریڈ سینٹر میں انجام پائی جہاں ولی عہد شیخ حمدان سمیت شاہی خاندان کے دیگر افراد اور ملک کی چیدہ چیدہ ممتاز شخصیات نے شرکت کی اور دلہا دلہن کو نیک تمناؤں اور دعاؤں کے ساتھ رخصت کیا۔

شادی کی رسومات روایتی اماراتی انداز میں ادا ہوئی جہاں مخصوص عربی رقص بھی پیش کیا گیا جب کہ تقریب کی جگہ کو خوبصورتی سے سجایا گیا تھا اور پُر لطف عشائیے میں لذیذ کھانوں سے مہمانوں کی تواضع بھی کی گئی۔

 

اس موقع پر دلہا دلہن اور عزیز و اقرباء بھی روایتی لباس زیب تن کیے ہوئے تھے ، سوشل میڈیا پر شادی کی تقریب کی تصاویر شیئر ہونے کے بعد مبارکبادوں کا تانتا بندھ گیا اور دنیا بھر سے شاہی خاندان کے لیے نیک تمناؤں کے پیغامات آنا شروع ہو گئے۔

خیال رہے گزشتہ ماہ مریم بنت راشد المکتوم کی سہیل بن احمد کے ساتھ منگنی کی رسم ادا کی گئی تھی تاہم اس وقت شادی کی تاریخ کا اعلان نہیں کیا گیا تھا لیکن قیاس یہی کیا جا رہا ہے تھا کہ شاہی جوڑا ایک ماہ کے اندر رشتہ اوزدواج سے منسلک ہوجائیں گے۔

 

  باوقار تقریب کی تصویری جھلکیاں 

 

 

 

 

 

 

 

 

 

شارجہ : متحدہ عرب امارات میں سرکاری ملازمین کی تنخواہوں میں اضافے کا اعلان کردیا گیا کم سے کم تنخواہ 18500 درہم مقرر کردی گئی ہے.

اس بات کا اعلان شارجہ کے حکمراں ڈاکٹر شیخ سلطان بن محمد القاسم نے میڈیا سے گفتگو کرتے ہوئے کیا۔ انہوں نے کہا کہ تنخواہوں میں اضافے کی مد میں 600 ملین درہم مختص کیے ہیں جس کا اطلاق یکم جنوری 2018 سے ہوگا.

سلطان بن محمد جو کے متحدہ عرب امارات کی سپریم کونسل کے ممبر بھی ہیں نے مزید بتایا کہ تنخواہوں میں اضافہ صرف اماراتی شہریوں اور 8 گریڈ سے کم ملازمین کے لیے ہوگا.

گریجویٹ کرنے والے ملازمین کو خصوصی مراعات بھی دی جائیں گی اور گریڈ 8 سے نیچے تقرری نہیں ہوگی جب کہ آٹھ گریڈ سے کم کیڈرز ختم کردیئے جائیں گے.

انہوں نے مزید کہا کہ ایک ملازم زیادہ سے زیادہ چھ سال تک ایک گریڈ پر فرائض انجام دے سکتے ہیں جس کے بعد اگلے گریڈ پر عہدے پر ترقی دے دی جائے گی.

تنخواہوں میں اضافے کے بعد تمام گریڈز کی تنخواہوں میں دو ہزار سے تین ہزار درہم تک اضافہ کیا گیا ہے اس کے علاوہ سرکاری ملازمین کے لیے پینشن اور دیگر مراعات میں اضافہ کیا گیا ہے.

دبئی: متحدہ عرب امارات میں ویزہ کی خلاف وزریاں کرنے والوں کو دوسرا موقع فراہم کیا جا رہا ہے تاکہ وہ اپنے جرمانے ادا کرسکیں۔

تفصیلات کے مطابق متحدہ عرب امارات کے رہائشی اور بین الاقوامی معاملات کے جنرل ڈائریکٹر محمد المری کا کہنا ہے کہ ویزہ کی خلاف ورزیاں کرنے والوں کو دوسرا موقع فراہم کررہے ہیں تاکہ وہ جرمانےادا کرسکیں۔

یو اے ای حکام کے مطابق صرف اس سال اب تک انسانی بنیادوں پر ویزہ کی خلاف وزری کرنے والوں کی 25 ہزار درخواستوں کو وصول کیا گیا جن میں سے بعض افراد کے جرمانوں کو ختم اوربعض میں کمی کی گئی۔

متحدہ عرب امارات کے رہائشی اور بین الاقوامی معاملات کے جنرل ڈائریکٹر کا کہنا ہے کہ اسی طرح ایک پاکستانی نے اپیل کی ہے کہ اس کا جرمانہ معاف کردیا جائےکیونکہ جرمانہ اتنا ذیادہ ہے کہ وہ اسے ادا نہیں کرسکتا۔

---

بےگناہ شخص کی گرفتاری، دبئی پولیس اہلکارکوقید کی سزا

---

یو اے ای میں اس پاکستانی شخص پر ویزہ خلاف ورزیوں کے باعث 3 لاکھ 50 ہزار درہم جرمانہ ہے اس کے ہربچے کے پاسپورٹ پر 50 ہزار درہم جرمانے ہیں۔

پاکستانی شہری نے حکام سے اپیل کی ہے کہ وہ ان جرمانوں کو ادا نہیں کرسکتا کیونکہ اس کو دورے پڑتے ہیں اور اس کے علاج پر ماہانہ 700 درہم خرچ ہوتے ہیں جس کی وجہ سے وہ جرمانہ ادا کرنے سے قاصر ہے۔

---

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔