Category: یو اے ای

ابوظبی: وفاقی اتھارٹی برائے سرکاری انسانی وسائل نے رمضان المبارک 1445 ہجری کے دوران وفاقی سرکاری ملازمین کے لیے اوقات کار کا اعلان کردیا ہے۔

سرکلر کے مطابق رمضان المبارک کے دوران وزارتوں، وفاقی اداروں  کے اوقات کار پیر سے جمعرات صبح 9 بجے سے دوپہر 2.30 بجے تک مقرر کیے گئے ہیں۔

جمعہ کے روز کام کے اوقات کم کردیئے جاتے ہیں، ملازمین صبح 9 بجے سے دوپہر 12 بجے تک کام کرتے ہیں۔

علاوہ ازیں رمضان المبارک کے دوران متحدہ عرب امارات میں نجی شعبے کے تمام ملازمین کے لئے کام کے اوقات میں کمی کا اعلان کیا ہے۔

امارات میں نجی شعبے کے ملازمین عام طور پر روزانہ آٹھ سے نو گھنٹے کام کرتے ہیں اور رمضان المبارک کے دوران اس میں دو گھنٹے کی کمی کر دی جائے گی۔ اس شیڈول سے آگے کام کرنے والے کسی بھی اضافی گھنٹے کو اوور ٹائم سمجھا جائے گا اور ملازمین کو اضافی معاوضہ ملے گا۔

متحدہ عرب امارات کی قیادت، حکومت، شہریوں، باشندوں اور عرب اور اسلامی اقوام کو دلی مبارکباد اور نیک تمناؤں کا اظہار کیا ہے، اور ان کی صحت اور خوشحالی کے لیے دعا کی ہے۔

شارجہ: متحدہ عرب امارات کی ریاست شارجہ میں پولیس نے اسمارٹ انسپیکشن گیٹ وے پلیٹ فارم لانچ کردیا۔

عرب میڈیا کی رپورٹ کے مطابق شارجہ پولیس میں گاڑیاں اور ڈرائیوروں کے لائسنس ڈپارٹمنٹ کے ڈائریکٹر لیفٹیننٹ کرنل خالدالکی نے اسمارٹ انسپیکشن گیٹ کے نام سے ایک نیا پلیٹ فارم لانچ کرنے کا اعلان کردیا۔

گیٹ وے پلیٹ فارم کا مقصد گاڑیوں کے تکنیکی ماہرین کو فروغ دینا ہے، اس پلیٹ فارم کا مقصد ٹیکنیکل ڈپارٹمنٹ میں گاڑیوں کو ٹیسٹ کرنے والے اہلکاروں کو تربیت دینا اور انہیں مہارت سے لیس کرنا ہے۔

علاوہ ازیں شارجہ پولیس میں گاڑیوں کے لائسنس ڈپارٹمنٹ کے سربراہ لیفٹیننٹ کرنل محمد المہریزی اور صحاب اسمارٹ سلوشنز کے نمائندے الرزونی نے اجلاس میں شرکت کی۔

لیفٹیننٹ کرنل الکی نے تربیتی پروگرام کی نوعیت کے بارے میں بریفنگ دیتے ہوئے بتایا کہ گاڑیوں کے معائنے، محفوظ کام کے طریقوں اور سب سے اہم گاڑیوں کے معائنے کے شعبے میں حفاظت کے نظام کے معیارات کا جائزہ لینا شامل ہے۔

پروگرام کے اختتام پر تربیت حاصل کرنے والے افراد کو شارجہ پولیس جنرل کمانڈ کی جانب سے شارجہ اکنامک ڈیولپمنٹ اور دیگر حکام کے تعاون کے ساتھ لائسنس جاری کیا جائے گا۔

ابوظبی: یو اے ای میں وزارت صحت و تدارک نے ملک کے تمام طبی اداروں میں پی سی آر ٹیسٹ کی قیمت کم کردی۔

عرب میڈیا کے مطابق وزارت صحت و تدارک نے پورے ملک میں قومی طبی اداروں میں پی سی آر ٹیسٹ کی قیمت کم کرکے 50 درہم مقرر کرنے کا اعلان کردیا۔

یو اے ای میں تمام مراکز اور لیبارٹریز کو کورونا ٹیسٹ کی رپورٹس 24 گھنٹے میں دینے کا پابند بھی بنایا گیا ہے۔

وزارت صحت حکام کے مطابق اس اقدام کا مقصد معاشرے کے ارکان پر ٹیسٹ کے اخراجات کو کم کرنا اور انہیں سہولیت مہیا کرنا ہے اور کورونا کے ٹیسٹ کو معمول کے مطابق انجام دینے کو بھی یقینی بنانا ہے۔

حکام کا کہنا ہے کہ کورونا ٹیسٹ کی قیمت میں کمی پر عملدرآمدد آج سے ہی ہوگا۔

وزارت صحت کا کہنا ہے کہ وہ تمام صحت اداروں کی طرف سے اس فیصلے پر عملدرآمد اور پیروی کی نگرانی بھی کرے گی۔

ابوظبی: متحدہ عرب امارات میں گولڈن ویزا رکھنے والوں کے لیے ورک پرمٹ کے اجرا کا اعلان کردیا گیا۔

عرب میڈیا کے مطابق وزارت انسانی وسائل و اماراتائزیشن کا کہنا ہے کہ ورک پرمٹ کا اجرا کابینہ کی قرارداد پر عملدرآمد کے لیے کیا گیا جس کے تحت گولڈن ریزیڈنسی رکھنے والوں کو ورک پرمٹ دینے کے لیے کہا گیا تھا۔

وزارت کا کہنا ہے کہ ’ایسے پرمٹس کی تین امورمیں ضرورت ہوگی پہلے وہ لوگ جو گولڈن ریزیڈنسی لیتے وقت بے روزگار تھے اور کسی خاص آجر کے ساتھ کام کرنے کے خواہش مند تھے۔‘

’دوسرے وہ لوگ جو گولڈن ریزیڈنسی رکھتے ہوئے نئے آجر کے پاس کام کرنے کے خواہشمند ہیں اور تیسرے وہ لوگ جن کا آجر ان کے کنٹریکٹ کی تجدید کرکے گولڈن ریزیڈنسی رکھنے والے کے ساتھ کنٹریکٹ کرنا چاہتا ہے۔‘

وزارت کا کہنا ہے کہ ورک پرمٹس اور کنٹریکٹس کے اجرا کا طریقہ کار اور قواعد ان پر لاگو ہوں گے جو کہ اپنی آبائی ریزیڈنسی میں زیر کفالت رجسٹرڈ ہوں گے بشرطیکہ گولڈن ویزا رکھتے ہوئے کام کرنے کے لیے درخواست دے رہے ہوں گے۔

حکام کا کہنا ہے کہ آجر اور محنت کشوں کے درمیان ورک پرمٹ اور کنٹریکٹ تکمیل اس صورت میں بھی قابل قبول رہے گی جب وہ گولڈن ریزیڈنسی لے پائیں گے اور اس کے لیے ملک کے تمام قوانین ان کے لیے نافذ العمل ہوں گے۔

وزارت کے مطابق ملک سے باہر لوگوں کے لیے ورک پرمٹ پر نافذ فیس اور مجوزہ فیس، ورک پرمٹ اور کنٹریکٹس میں ترمیم و تجدید کی فیس کا گولڈن ریزیڈنسی رکھنے والوں پر بھی اطلاق ہوگا۔

ابوظبی: متحدہ عرب امارات فری ٹریڈ زونز میں کام کرنے والی کمپنیوں کی تعداد 60 ہزار 600 تک پہنچ گئی۔

عرب میڈیا کے مطابق یو اے ای قومی اقتصادی رجسٹرڈ این ای آر کے اعدادو شمار میں بتایا گیا ہے کہ فری ٹریڈ زون میں کام کرنے والی کمپنیوں کی تعداد گزشتہ سال کی نسبت فروری 2021 میں چار، چار فیصد بڑھ کر 60 ہزار 600 کے لگ بھگ پہنچ چکی ہے۔

رپورٹ کے مطابق یہ شرح اضافہ کامیاب کاروباری تسلسل اور عرب امارات کی طرح سے ڈیزاسٹر ریکوری پلانز کا عکاس ہے جو کہ 2020 کی دوسری سہ ماہی سے کووڈ 19 کی عالمی وبا کی وجہ سے دنیا بھر میں اقتصادی سست روی کے باوجود غیرملکی کاروبار کو فروغ دینے کی خاطر اپنائے گئے۔

این ای آر کے مطابق فروری 2021 کے پہلے نصف میں یو اے ای فری زونز میں جاری کاروبار کی تعداد ملک بھر میں رجسٹرڈ کل کمپنیوں کا 8 فیصد تھی ان میں زیادہ تر ابوظبی اور دبئی میں قائم کمپنیاں شامل ہیں۔

رپورٹ کے مطابق ملک بھر میں 44 فری زونز ہیں جنہیں بالخصوص غیرملکی سرمایہ کاری کے لیے ترتیب دیا گیا تھا تاکہ یہاں کاروبار شروع کرنے کی آسانی ہو، لیبر اور امیگریشن کا عمل باسہولت ہو، تمام قومیت کے افراد کو 100 فیصد بنیادی ملکیت کا حق حاصل ہو جبکہ دیگر ترغیبات بھی ان میں شامل ہیں۔