Category: یو اے ای

ابوظبی: متحدہ عرب امارات کی ریاست ابوظبی میں سرکاری اور نیم سرکاری اداروں میں ملازمین کی حاضری مزید کم کرکے 30 فیصد کردی گئی۔

عرب میڈیا کی رپورٹ کے مطابق ابوظبی میڈیا آفس کا کہنا ہے کہ ڈیپارٹمنٹ آف گورنمنٹ سپورٹ نے کورونا وائرس سے بچاؤ کے لیے احتیاطی تدابیر کے طور پر دفاتر میں حاضری مزید کم کرنے کی منظوری دی۔

ڈیپارٹمنٹ آف گورنمنٹ سپورٹ نے ایسے تمام کاموں کی جن کو گھروں سے انجام دیا جاسکتا ہے کی بھی منظوری دی ہے۔

رپورٹ کے مطابق 60 سال سے زائد عمر کے تمام ملازمین، موذی امراض میں مبتلا افراد، کمزور قوت مدافعت والے افراد اور معذور افراد بھی گھروں سے کام کریں گے۔

اعلامیے کے مطابق ملازمین کے لیے ہفتہ وار پی سی آر ٹیسٹ کرانا بھی لازمی ہوگا۔

واضح رہے کہ متحدہ عرب امارات میں کورونا وائرس سے بچاؤ کی ویکسین شہریوں کو لگائی جارہی ہے۔

گزشتہ چوبیس گھنٹوں کے دوران یو اے ای میں ایک لاکھ 93 ہزار 187 افراد کورونا وائرس سے بچاؤ کی ویکسین لگائی گئی۔

دبئی: متحدہ عرب امارات میں شوہر کا سوشل میڈیا اکاؤنٹ بلاک کرنا اہلیہ کو مہنگا پڑ گیا۔

خلیج ٹائمز کی رپورٹ کے مطابق ریاست راس الخیمہ کی عدالت نے شوہر کا سوشل میڈیا اکاؤنٹ بلاک کرنے والی اہلیہ کو 8 ہزار درہم جرمانے کی سزا سنادی۔

الزامات کی پراسیکیوشن شیٹ کے مطابق عرب خاتون نے شوہر کے زیر ملکیت ایک مساج سینٹر کے انسٹاگرام اور اسنیپ چیٹ اکاؤنٹ کا پاس ورڈ تبدیل کیا اور دھمکی دی تھی کہ وہ اسے ختم کردیں گی۔

اہلیہ نے الزامات کی تردید کرتے ہوئے کہا کہ وہ مرکز کے سوشل میڈیا اکاؤنٹس کی مالک ہیں انہیں سینٹر کھولنے سے پہلے ہی میں نے بنایا تھا۔

خاتون کا مزید کہنا تھا کہ جو مرکز کے مالک تھے میں نے انہیں منیجر مقرر کیا اور اسی وجہ سے انہوں نے سینٹر کے صارفین کے ساتھ دو سوشل میڈیا اکاؤنٹ شیئر کیے۔

دوسری جانب شوہر نے عدالت میں موقف اختیار کیا کہ اس کی بیوی نے دھمکی دی تھی کہ وہ مرکز کے منیجر کی حیثیت سے اپنا نام خواتین گاہکوں کو بھیجے گی جب اس نے اسے مساج سینٹر میں پائے جانے والے کچھ انتظامی مالی بے ضابطگیوں کے بارے میں متنبہ کیا۔

عدالت نے فریقین کے موقف کو سننے کے بعد خاتون کو شوہر کے موبائل کا بغیر اجازت استعمال کرنے پر 5 ہزار درہم جرمانے کی سزا سنائی اور عدالت کی فیس 3 ہزار درہم بھی خاتون کو ادا کرنا ہوگی۔