Category: یو اے ای

موجودہ دور میں ہر طرف مصنوعی ذہانت کا چرچا ہے اور اب ایک عرب ملک نے اپنے اسکولز میں اے آئی کی تعلیم لازمی قرار دے دی ہے۔

ٹیکنالوجی کی ترقی دنیا کو اب مصنوعی ذہانت (آرٹیفیشل انٹیلیجنس) اے آئی کی جانب لے آئی ہے اور دنیا کے کئی ممالک اب مختلف شعبوں میں اے آئی کا استعمال کر رہے ہیں۔ ایسے میں ایک عرب ملک نے اپنے سرکاری اسکولوں میں اے آئی کی تعلیم کو لازمی قرار دے دیا ہے۔

یہ اعلان یو اے ای کے وزیراعظم اور نائب صدر شیخ محمد بن راشد آل مکتوم نے اپنے ایکس اکاؤنٹ پر کیا اور بتایا کہ اگلے تعلیمی سال سے ہر سرکاری اسکول میں مصنوعی ذہانت کو ایک مضمون کے طور پر پڑھایا جائے گا۔

انہوں نے بتایا کہ نرسری سے بارھویں کلاس تک مصنوعی ذہانت کو بطور مضمون شامل کرنے کے لیے حتمی نصاب کی منظوری دے دی ہے۔

شیخ محمدبن راشد آل مكتوم کے مطابق طلبہ کو نا صرف مصنوعی ذہانت کے تکنیکی پہلو سکھائے جائیں گے بلکہ اس کے اخلاقی پہلو، خطرات، ڈیٹا، الگورتھمز اور روزمرہ زندگی میں اس کے کردار سے بھی روشناس کرایا جائے گا۔

انہوں نے کہا کہ اے آئی سے جڑے خطرات اور معاشرے پر اثرات سے آگہی ضروری ہے، یہ اقدام ہماری آئندہ نسلوں کو مستقبل کے تقاضوں کے مطابق تیار کرنے کے وژن کا حصہ ہے۔

اپنی پوسٹ میں یو اے ای کے وزیراعظم نے وزارت تعلیم کی کوششوں کو سراہتے ہوئے کہا کہ دنیا بھر میں مصنوعی ذہانت زندگی کے تمام پہلوؤں کو بدل رہی ہے، ہمیں اپنی نئی نسلوں کو ایسی مہارتیں دینی ہوں گی جو اس تبدیلی کی رفتار سے ہم آہنگ ہوں۔

متحدہ عرب امارات میں عید الفطر کے موقع پر ملازمین پر انعامات کی برسات کردی گئی، کارکنوں کی محنت اور خدمات کو خراج تحسین پیش کرنے کے لیے منعقدہ ایک تقریب میں روبیل احمد نے نئی گاڑی جیت لی۔

غیر ملکی ذرائع ابلاغ کے مطابق ملک میں منعقدہ تقریبات میں ایک لاکھ سے زائد کارکنوں کی خدمات کا جشن منایا گیا جنہوں نے ملک کی ترقی اور خوشحالی میں اہم کردار ادا کیا، روبیل احمد کی جیت متحدہ عرب امارات کی جانب سے ملک کی ترقی کی تشکیل میں اپنے کارکنوں کی لگن کی تعریف کی عکاسی کرتی ہے۔

وزارت انسانی وسائل اور امارات (مہرے) نے وفاقی اور مقامی حکومتوں میں اپنے شراکت داروں کے تعاون سے پورے یو اے ای میں 10 مختلف مقامات پر عید الفطر منانے کے لیے کارکنوں کے لیے سماجی اور تفریحی سرگرمیوں سمیت جشن کی تقریبات منعقد کیں۔

اس موقع پر مہرے کے حکام نے اپنے شراکت داروں کے ساتھ ملک بھر میں نماز عید کے اجتماعات منعقد کیے اور کارکنوں کے ساتھ نماز عید ادا کرکے انہیں مبارکباد پیش کی تھی۔

عید کے دوسرے روز روبیل نے منعقدہ خصوصی قرعہ اندازی میں نسان سنی کار جیت لی، اعلیٰ حکام نے شاندار اسٹیج پر پرجوش روبیل کو گاڑی پیش کی، اس موقع پر روبیل خوشی سے سرشار تھے، انہو ں نے اپنی نئی گاڑی کے ساتھ کھڑے ہوکر تصاویر بھی بنوائیں۔

رپورٹس کے مطابق عید الفطر کے پہلے اور دوسرے روز دوپہر 12 بجے سے شام 6 بجے تک ہونے والی تقریبات میں مختلف اقسام کے کھیلوں، تفریح، مقابلوں اور تحائف کی تقسیم کا سلسلہ جاری رہا، اس دوران ای اسکوٹر، موبائل فون اور ایئر لائن ٹکٹ بھی تقسیم کئے گئے۔

اس کے علاوہ ابوظہبی میں مصفحہ اور المفراق، دبئی میں جبل علی، شارجہ میں السجا، عجمان میں الجرف، ام القوین، راس الخیمہ میں راکیز، فجیرہ میں ال ہیل انڈسٹریل اور ڈلسکو لیبر ولیج میں بھی کارکنوں میں مختلف انعامات کئے گئے۔

متحدہ عرب امارات کا پاکستان کے لئے بڑا اعلان

ان سرگرمیوں کا مقصد ملک کی پائیدار ترقی میں ان کے اہم کردار کو تسلیم کرتے ہوئے افرادی قوت میں خوشی، معیار زندگی اور فلاح و بہبود کو فروغ دینا تھا۔