Category: یو اے ای

متحدہ عرب امارات کے صدر شیخ شیخ محمد بن زاید آل نہیان نے رمضان المبارک کی آمد کے موقع پر 1295 قیدیوں کی رہائی کا حکم جاری کیا ہے۔

اماراتی سرکاری نیوز ایجنسی’وام‘ کے مطابق یو اے ای کے صدر شیخ محمد بن زاید نے رمضان المبارک کی آمد کے موقع پر ملک بھر کے اصلاحی اداروں سے 1295 قیدیوں کی رہائی کا حکم جاری کیا ہے۔

شیخ محمد بن زاید نے قیدیوں کی سزاؤں کے تحت واجب الادا مالی ذمہ داریوں کو بھی ادا کرنے کا اعلان کیا ہے جو رمضان المبارک کے موقع پر خصوصی انسان دوست اقدام ہے۔

رپورٹ میں کہا گیا ہے کہ اس فیصلے کا مقصد قیدیوں کے اہل خانہ کو خوشی دینا اور انہیں اس بابرکت مہینے میں ایک نئی امید فراہم کرنا ہے۔

پرائیوٹ اسکول بچوں کو تعلیم دینے کے لیے خطیر رقم وصول کرتے ہیں لیکن دنیا کے سب سے مہنگے اسکول کی فیس جان کر آپ حیران رہ جائیں گے۔

دنیا کے اکثر ممالک میں تعلیم کے دو نظام رائج ہیں۔ ایک سرکاری تعلیمی ادارے اور دوسرے نجی تعلیمی ادارے۔ نجی تعلیمی ادارے بچوں کو زیور تعلیم سے آراستہ کرنے کے لیے فیسوں کی مد میں کثیر رقم وصول کرتے ہیں، لیکن دبئی میں رواں سال ایک ایسا اسکول کھلنے والا ہے، جس کی فیس جان کر آپ حیران رہ جائیں گے۔

الامارات الیوم کے مطابق جیمز ایجوکیشنل گروپ دبئی میں جیمز ریسرچ اینڈ انوویشن اسکول شروع کر رہا ہے جس کو دبئی اسپورٹس سٹی میں تعمیر کیا جا رہا ہے اور یہ اسکول رواں سال اگست میں کھل جائے گا۔

رپورٹ کے مطابق اس اسکول کی سالانہ فیس 56 ہزار ڈالر (پاکستانی ڈیڑھ کروڑ روپے) یعنی ماہانہ 13 لاکھ روپے ہے۔ اس اسکول کو دنیا کا مہنگا ترین اسکول بھی قرار دیا جا رہا ہے۔

اس اسکول کا کیمپس 47 ہزار 600 مربع میٹر کے رقبے پر تعمیر کیا گیا ہے اور اس پر 100 ملین ڈالر (27 ارب روپے سے زائد) کی لاگت آئی ہے اور اس میں طلبہ کے لیے جدید دور کی تمام سہولتیں اور ٹیکنالوجیز فراہم کی گئی ہیں۔

اسکول میں نیا برطانوی نصاب پڑھایا جائے گا۔ اس کے علاوہ مستقبل کے موضوعات جیسے مصنوعی ذہانت، روبوٹکس، ای اسپورٹس اور گیم ڈیزائن کو ابتدائی عمر سے ہی طلبہ کے نصاب میں شامل کیا گیا ہے۔

جب کہ یہاں روایتی نصاب کے علاوہ جمناسٹک، تیراکی، تھیٹر، موسیقی، کلاسیکی اور جدید پرفارمنگ آرٹس میں طلبہ کی صلاحیتوں کو فروغ دیا جائے گا۔

جیمز ویلنگٹن انٹرنیشنل سکول کی پرنسپل اور جیمز گروپ کی سینیئر نائب صدر برائے تعلیم ماریسا اکونور نے کہا کہ گروپ لگژری تعلیم میں ایک نیا معیار قائم کرنے، شاندار تعلیمی مواقع کے مرکز کے طور پر دبئی کی پوزیشن کو مضبوط بنانے اور دنیا بھر کے لگژری سکولوں سے ہٹ کر سیکھنے کا تجربہ فراہم کرنے پر اپنی توجہ مرکوز کر رہا ہے۔

پرنسپل کے مطابق اسکول اپنے پہلے سال میں کنڈر گارٹن سے چھٹی جماعت تک طلبہ کو داخلہ فراہم کرے گا اس کے بعد سالانہ بنیاد پر دیگر کلاسوں کا اضافہ کیا جائے گا۔ ابتدائی کلاسوں میں طلبہ کی تعداد صرف 16 تک رہے گی جبکہ چھٹے سال تک 20 طلبہ سے زیادہ نہیں ہوگی۔

دبئی کے حکمرانوں نے نوجوانوں کو شادی کی ترغیب دینے کے لیے نئے شادی شدہ جوڑوں کو بیش قیمت انعامات دینے کا اعلان کیا ہے۔

دبئی کے حکمراں نے نئے شادی شدہ جوڑوں کو بیش قیمت انعامات دینے کا اعلان کیا ہے اور نوجوانوں کو شادی کی ترغیب دینے کے لیے تین ہزار مکانات پر مشتمل ایک ہاؤسنگ پراجیکٹ کی منظوری دے دی ہے۔

غیر ملکی میڈیا کے مطابق دبئی میں ویڈنگز پراجیکٹ کا اعلان کیا گیا ہے جس میں شادی کرنے والے جوڑوں کو دبئی بھر میں 3004 نئے گھر دیے جائیں گے۔ اس منصوبے کی لاگت کا تخمینہ 5.4 ارب درہم لگایا گیا ہے۔

صرف یہی نہیں بلکہ سرکاری ملازمت کرنے والے میاں بیوی کے لیے 10 دن کی تنخواہ، شادی کی چھٹی اور زچگی کے بعد پہلے سال کے دوران ماؤں کو جمعہ کے روز گھر سے کام کرنے کا آپشن بھی دیا جائے گا۔

اس منصوبے کی منظوری کا اعلان کرتے ہوئے، متحدہ عرب امارات کے نائب صدر اور وزیر اعظم اور دبئی کے حکمران شیخ محمد بن راشد المکتوم نے کہا کہ ہمارا مقصد نوجوانوں کو شادی کرنے کی ترغیب دینا، خاندانوں کے لیے مناسب رہائش فراہم کرنا اور ان کا معیار بہتر بنانا ہے۔

یہ پروگرام دبئی ویڈنگ پروگرام سے مستفید ہونے والوں کے لیے ہاؤسنگ لون کے ماہانہ پریمیم کو بھی کم از کم 3,333 درہم تک کم کرتا ہے جب کہ ان کی ماہانہ آمدنی ڈی ایچ 30,000 سے زیادہ نہ ہو۔