Category: یو اے ای

متحدہ عرب امارات کی جانب سے لبنانی عوام کی مدد کیلیے امدادی سامان سے لدے چھ طیارے بیروت روانہ کئے گئے ہیں، جن میں تقریبا 250 ٹن امدادی اشیا، طبی سامان، خوراک اور خیمے موجود ہیں۔

غیر ملکی خبر رساں ادارے وام کے مطابق ان طیاروں میں عالمی ادارہ صحت، یونیسیف، اقوام متحدہ کے کمشنر برائے پناہ گزین، انٹرنیشنل ریڈ کریسینٹ کے تعاون سے فراہم کیے جانے والا سامان موجود ہے۔

واضح رہے کہ متحدہ عرب امارات کے صدر شیخ محمد بن زاید آل نہیان کی جانب سے لبنان کی عوام کو فوری طور پر 100 ملین امریکی ڈالر کا امدادی پیکج فراہم کرنے کی ہدایت کی تھی۔

امارات کے صدر شیخ محمد بن زاید آل نہیان کی جانب سے اُٹھایا جانے والا یہ اقدام امارات کی لبنان کو اس کے موجودہ چیلنجوں میں کی سپورٹ کرنے کی مسلسل کوششوں کا حصہ ہے اور لبنانی عوام کی مدد کے لیے قوم کے غیر متزلزل عزم کو اجاگر کرتا ہے۔

دوسری جانب اسرائیل نے راتوں رات بیروت پر 30 سے زائد حملے کیے ہیں، جو کہ اسرائیلی جارحیت کے آغاز کے بعد سے بھیانک ترین رات تھی۔

الجزیرہ کے مطابق اسرائیلی فوج نے دعویٰ کیا ہے کہ اس نے بیروت کے جنوبی مضافات میں 30 سے زائد حملوں میں حزب اللہ کے ہتھیاروں کے ڈپو کو نشانہ بنایا۔

لبنان کی قومی خبر رساں ایجنسی (این این اے) نے رپورٹ کیا کہ بیروت پر اسرائیل کی جارحیت کے آغاز کے بعد سے اب تک یہ سب سے زیادہ بھاری اور تباہ کن رات تھی، بھیانک دھماکوں کی آوازیں رات بھر پورے شہر میں سنی جاتی رہیں، اور مضافاتی علاقہ داحیہ سیاہ دھوئیں سے ڈھکا ہوا ہے۔

اسرائیل نے جن جنوبی مضافاتی علاقوں پر بمباری تیز کی ہے، انھیں حزب اللہ کا گڑھ سمجھا جاتا ہے، پچھلے ہفتے یہاں اسرائیل نے ایک حملے میں حزب اللہ کے رہنما حسن نصر اللہ کو شہید کر دیا تھا اور جمعہ کو ان کے ممکنہ جانشین ہاشم صفی الدین کو نشانہ بنایا گیا۔

ایران کا القدس فورس کے سربراہ اسماعیل قاآنی سے رابطہ منقطع، خبر ایجنسی

الجزیرہ کے مطابق اسرائیل کی فوج کی جانب سے بیروت کے جنوبی مضافاتی علاقوں پر یہ حملوں کی ایک نئی لہرہے، جس میں لبنان کے دارالحکومت کے ارد گرد شعلے آسمان تک پہنچ گئے اور بھیانک آوازیں گونجتی رہیں۔

دبئی: روڈ اینڈ ٹرانسپورٹ اتھارٹی نے اعلان کیا ہے کہ اب دبئی کا ڈرائیونگ لائسنس بنوانے والے افراد 5 منٹ میں آن لائن لائسنس بنواسکیں گے۔

آر ٹی اے کے مطابق دبئی کے شہری، جی سی سی شہریت رکھنے والے اور دیگر غیر ملکیوں کو ڈرائیونگ لائسنس کی تجدید کے لیے زیادہ انتظار نہیں کرنا پڑے گا، ان کی درخواستوں پر صرف پانچ منٹ میں کارروائی کرنے کے لیے آن لائن خدمات پیش کی جارہی ہیں۔

یو اے ای اور جی سی سی سی کے شہریوں کے لیے ڈرائیونگ لائسنس 10 سال جبکہ رہائشی افراد کے لیے 5 سال کے لیے قابل تجدید ہیں، امارات کے زیادہ تر حصے میں ڈرائیونگ لائسنس کی آن لائن تجدید کی سہولت دستیاب ہے۔

ڈرائیونگ لائسنس کی تجدید کے لیے، شہریوں کو اپنے تمام ٹریفک جرمانے ادا کرنے ہوں گے، ڈرائیونگ لائسنس کی تجدید میں ایک ماہ سے زیادہ تاخیر کرنے والے صارفین پر ماہانہ 10 درہم کا جرمانہ بھی عائد کیا جائے گا۔

تمام قومیتوں کے لیے درکار دستاویزات

ڈرائیونگ لائسنس بنوانے والے افراد کو ایمریٹس کی درست آئی ڈی، آنکھوں کا ٹیسٹ جس کی میعاد 2 سال کے لیے ہو، میڈیکل فٹنس ٹیسٹ اگر شہری کا پیشہ ’’ڈرائیونگ‘‘ ہے (ایسے شخص کو آر ٹی اے سے منظور شدہ اسپتالوں میں سے کسی ایک میں جامع طبی ٹیسٹ پاس کرنا ہوگا)، درکار ہوگا۔

مزید یہ کہ اماراتی پاسپورٹ رکھنے والوں کے لیے فیملی بُک کے بغیر (مرثوم ہولڈرز)، اصل درست پاسپورٹ، درست مرثوم کی کاپی، اماراتی پاسپورٹ رکھنے والوں کے لیے اگر اماراتی خواتین کی اولاد ہیں تو درست پاسپورٹ کی کاپی درکار ہوگی۔

اس کے علاوہ جنرل ڈائریکٹوریٹ آف ریذیڈنسی اینڈ فارنرز افیئرز کے خط کی کاپی بھی چاہیے ہوگی جس میں یہ نشاندہی کی گئی ہوگی کہ شہری کی والدہ اماراتی ہیں۔

ستمبر 2024 میں دبئی ڈرائیونگ لائسنس کی تجدید کی فیس

آر ٹی اے کی سرکاری ویب سائٹ کے مطابق، 21 سال سے کم عمر افراد کے لیے ڈرائیونگ لائسنس کی تجدید فیس 20 درہم نالج اینڈ انوویشن فیس کے علاوہ 100 درہم ہے۔

21 سال اور اس سے زیادہ عمر کے افراد کے لیے ڈرائیونگ لائسنس کی تجدید فیس 20 درہم نالج اینڈ انوویشن فیس کے علاوہ 300 درہم ہے۔