Category: یو اے ای

متحدہ عرب امارات کی حکومت نے اتوار 15 ستمبر کو ولادت رسول ﷺ کی مناسبت سے عام تعطیل کا اعلان کر دیا ہے۔

عرب میڈیا کے مطابق متحدہ عرب امارات کی فیڈرل اتھارٹی آف ہیومن ریسورسز نے اعلان کیا ہے کہ وفاقی حکومت نے 12 ربیع الاول کی تعطیل کے لیے سرکلر جاری کر دیا گیا ہے۔

انسانی وسائل اور امارات کی وزارت کے اعلامیے کے مطابق 15 ستمبر 2024 کو نبی کریم صلی اللہ علیہ وسلم کے یوم ولادت کی مناسبت سے سرکاری اداروں سمیت نجی شعبے کے ملازمین کے لیے بھی عام تعطیل ہوگی۔

یہ فیصلہ 2024 کے لیے سرکاری اور نجی شعبوں کے لیے سرکاری تعطیلات کے حوالے سے متحدہ عرب امارات کی کابینہ کی قرارداد کے مطابق ہے۔

یاد رہے کہ امارات نے 2024 میں سرکاری اور نجی شعبے کے لیے تعطیلات کے شیڈول کی منظوری دی ہے۔

اس میں عیدالفطر اور عید الاضحیٰ کے علاوہ یوم عرفہ، نئے ہجری سال،12 ربیع الاول، امارات کے قومی دن اور سال نو کی تعطیل شامل ہے۔

اس شیڈول کے مطابق متحدہ عرب امارات میں اگلی عام تعطیل 2 اور 3 دسمبر کو قومی دن کے سلسلے میں ہوگی۔

متحدہ عرب امارات نے گھریلو ملازمین سے متعلق قانون میں کئی ترامیم کی ہیں جس سے ان کو مزید تحفظ حاصل ہوا ہے۔

وام کے مطابق یو اے ای میں گھریلو ملازمین کے قانون میں جو نئی ترامیم کی گئی ہیں اس کا مقصد آجروں، گھریلو ملازمین اور بھرتی کمپنیوں کے درمیان تنازعات تیزی سے حل کرنا ہے۔

رپورٹ میں بتایا گیا ہے کہ اب گھریلو ملازمین سے متعلق تمام مقدمات براہ راست کورٹ آف اپیل سے کورٹ آف فرسٹ انسٹنس میں منتقل کیے جائیں گے۔

کورٹ آف اپیل کو ہدایت کی گئی ہے کہ وہ زیر التوا مقدمات کو بغیر کسی فیس کے کورٹ آف فرسٹ انسٹنس میں منتقل کریں تاہم وہ مقدمات جو پہلے ہی فیصلے کے مراحل میں ہیں ان پر یہ قانون لاگو نہیں ہوگا۔

بیان کے مطابق اگر آجر، گھریلو ملازم یا بھرتی کمپنی کے درمیان کوئی تنازع پیدا ہوتا ہے اور ان کے درمیان حل نہیں ہو سکتا تو معاملے کو وزارت انسانی وسائل و امارتائزیشن کے پاس بھیجا جانا چاہیے۔

وزارت مصالحت کے ذریعے تنازعہ کے حل کی کوشش کرے گی تاہم اگر طے شدہ مدت میں کوئی تصفیہ نہیں ہوتا تو وزارت، کیس کو کورٹ آف فرسٹ انسٹنس میں بھیج دے گی۔

متحدہ عرب امارات نے ایمپلائمنٹ ریلیشن شپ ریگولیشن (لیبر قانون) میں ترامیم کی ہیں اور اس حوالے سے وفاقی حکم نامہ بھی جاری کر دیا گیا ہے۔

امارات کے خبر رساں ادارے وام کے مطابق یو اے ای میں لیبر قانون میں کئی تبدیلیاں کی گئی ہیں، جس کا مقصد ملازمت کے قوانین کو مزید بہتر بنانا بتایا جاتا ہے۔ اس حوالے سے وفاقی حکم نامہ بھی جاری کر دیا گیا ہے جس میں اس قانون کی خلاف ورزی پر بڑا جرمانہ بھی عائد کیا گیا ہے۔

نئی ترمیم کے تحت اگر کوئی آجر اجازت نامے کے بغیر کسی کو ملازمت دیتا ہے، کارکنوں کی خدمات حاصل کرتا ہے یا انہیں ملک میں لاتا ہے لیکن انہیں ملازمت فراہم کرنے میں ناکام رہتا ہے یا ورک پرمٹ کا غلط استعمال کرتا، اپنے کاروبار کو کارکنوں کے لیبر حقوق طے کیے بغیر بند کر تا ہے تو اس پر جرمانہ ہوگا۔

رپورٹ کے مطابق یہ جرمانہ کم از کم ایک لاکھ درہم اور زیادہ سے زیادہ 10 لاکھ درہم تک ہو سکتا ہے۔

لیبر قانون میں کئی گئی ترامیم کے مطابق یہی سزا کسی نابالغ کو غیر قانونی ملازمت یا کسی نا بالغ کے سرپرست کے ذریعے قانون کی خلاف ورزی کرتے ہوئے کام کرنے کی اجازت دینے پر عائد ہوگی۔

اس کے علاوہ نئے حکمنامے میں فرضی بھرتی کے حوالے سے بھی سزائیں متعارف کرائی گئی ہیں جن میں فرضی اماراتائزیشن شامل ہے اور ایسے آجروں پر ایک سے 10 لاکھ درہم تک جرمانہ ہوگا۔

نئی ترمیم میں جعلی روزگار کے لیے کارروائی کا تعین بھی کیا گیا ہے، جس میں دھوکا دہی سے متعلق اماراتائزیشن شامل ہے اور اس پر صرف وزیر انسانی وسائل یا ان کے مجاز نمائندے کی درخواست پر کارروائی ہو سکتی ہے۔

وزارت کو عدالتی سزا جاری ہونے سے پہلے آجر کی درخواست پر ایسے معاملات کو طے کرنے کا اختیار دیا گیا ہے تاہم اس کے لیے آجر کو مقررہ جرمانے کا 50 فیصد ادا کرنے اور اپنے فرضی ملازمین کو ملنے والی تمام مالی مراعات حکومت کو واپس کرنا ہوں گی۔

اپیل کورٹ اب تمام لیبر تنازعات کو براہ راست فرسٹ انسٹنس کورٹ میں بھیجیں گی۔ یہ نئے قانون کے نفاذ کی تاریخ سے شروع ہوگا۔ تاہم جن مقدمات کا فیصلہ ہو چکا ہے یا فیصلے کے لیے محفوظ ہیں وہ اس سے مستثنیٰ ہوں گے۔