(26 اگست 2025): نئے اساتذہ کی بھرتی کے سلسلے میں امیدواروں کی اسناد کی جانچ پڑتال کے لیے اسکروٹنی کمیٹی قائم کر دی گئی ہے۔

اے آر وائی نیوز کے مطابق صوبہ سندھ میں نئے اساتذہ کی بھرتی کے سلسلے میں پیش رفت ہوئی ہے اور وزیر اعلیٰ سندھ کی ہدایت پر امیدواروں کی جانچ پڑتال کے لیے اسکروٹنی کمیٹی قائم کر دی گئی ہے۔ اس سلسلے میں اسکول ایجوکیشن ڈیپارٹمنٹ نے نوٹیفکیشن بھی جاری کر دیا ہے۔

یہ کمیٹی امیدواروں کی ڈگری، ڈومیسائل اور پی آر سی کی تصدیق کرے گی اور اس کی رپورٹ ڈسٹرکٹ ایجوکیشن آفیسرز کو پیش کرے گی۔

اسکروٹنی کمیٹی میں ڈائریکٹر اسکول ایجوکیشن، چیف مانیٹرنگ آفیسر اور ایل ایس یو کوآرڈینیٹر شامل ہیں۔ جانچ پڑتال ایس ٹی ایس سکھر آئی بی اے کے ٹیسٹ پاس امیدواروں کی ہوگی۔

جانچ پڑتال کا عمل مکمل ہونے کے بعد نئے اساتذہ کی بھرتی 2021 کی پالیسی کے مطابق عمل میں لائی جائے گی۔

واضح رہے کہ سندھ حکومت کے 90 ہزار اساتذہ بھرتی کرنے پر عملدرآمد کرتے ہوئے اب تک 83 ہزار اساتذہ بھرتی کیے جا چکے ہیں اور چند ماہ قبل آئی بی اے ٹیسٹ پاس اساتذہ کو صوبائی وزیر تعلیم سردار شاہ نے آفر لیٹر بھی جاری کیے تھے۔

بعد ازاں سندھ کے سینئر وزیر شرجیل انعام میمن نے اعلان کیا تھا کہ صوبائی حکومت اگلی سہ ماہی میں مزید 4400 نئے اساتذہ بھرتی کرے گی۔

ہندوستان کے چند مایہ ناز اور مقبول ترین گیتوں کے موسیقاروں میں ظہور خیام بھی شامل ہیں۔ امراؤ جان اور رضیہ سلطانہ جیسی تاریخی فلموں کے مسحور کن گیتوں کی موسیقی بھی ظہور خیام نے ترتیب دی تھی اور ان کا شمار صفِ اوّل کے میوزک ڈائریکٹروں میں کیا گیا۔

موسیقار خیام 19 اگست 2019ء کو انتقال کر گئے تھے۔ ان کے فلمی نغمات آجا رے او میرے دلبر آجا، دل کی پیاس بجھا جا رے، کبھی کبھی میرے دل میں خیال آتا ہے کہ جیسے تجھ کو بنایا گیا ہے میرے لیے، دل چیز کیا ہے آپ میری جان لیجے…نہایت مقبول ہوئے اور ان گیتوں کی یہ مقبولیت صرف بھارت ہی نہیں پاکستان اور برصغیر کے دوسرے ممالک میں بھی آج تک برقرار ہے۔

خیام کا اصل نام محمد ظہور ہاشمی تھا۔ وہ 18 فروری 1927ء کو متحدہ ہندوستان کی ریاست پنجاب کے ضلع جالندھر کے ایک گھرانے میں پیدا ہوئے۔ بھارتی فلم انڈسٹری میں‌ خیام کے نام سے انھوں نے بے مثال شہرت پائی اور فلموں کے لیے بہت زبردست دھنیں ترتیب دیں۔ سنہ 1953 میں فلم فٹ پاتھ سے اپنے فلمی کیریئر کا آغاز کرنے والے خیام کی بطور میوزک ڈائریکٹر فلموں میں پھر صبح ہوگی، لالہ رخ، کبھی کبھی، نوری، تھوڑی سی بے وفائی، دل نادان، بازار، رضیہ سلطان کو شہرت ملی۔ ان کی اہلیہ جگجیت کور بھی بھارت کی نام ور گلوکارہ تھیں۔ موسیقار خیام کو تین مرتبہ فلم فیئر ایوارڈ سے نوازا گیا تھا۔

خیام نے موسیقی کی تعلیم معروف موسیقار بابا جی اے چشتی سے لاہور میں حاصل کی تھی۔ بولی وڈ میں فلم ‘امراؤ جان’ نے خیام کو راتوں رات کام یابی اور شہرت کی بلندیوں‌ پر پہنچایا۔ فلم ‘پھر صبح ہوگی’ کی موسیقی نے بھی خیام کو بڑا عروج دیا۔ کہتے ہیں اس فلم کے ہر گیت نے بھارت میں دھوم مچا دی۔ یہ گیت ساحر لدھیانوی نے لکھے تھے اور اس کی تمام دھنیں خوب ثابت ہوئی تھیں، خیام کی خوش قسمتی تھی کہ انھیں ساحر لدھیانوی، جاں نثار اختر، کیفی اعظمیٰ، مجروح سلطان پوری اور ندا فاضلی جیسے شاعروں کی تخلیقات کو اپنی دھنوں سے سجانے کا موقع ملا جو خیام کو انڈسٹری میں‌ نام و مقام اور اپنے فن میں‌ یگانہ بناتی چلی گئیں۔

موسیقار خیام کو بھارت میں‌ نیشنل ایوارڈ کے علاوہ 2010ء میں لائف اچیومنٹ ایوارڈ سے بھی دیا گیا تھا۔

لاہور: ٹریکٹر ٹرالی نے موٹرسائیکل پر سوار تین بھائیوں کو کچل ڈالا اور ڈرائیور حادثے کے بعد موقع سے فرار ہوگیا۔

تفصیلات کے مطابق لاہور کے علاقے کاہنہ فیروزپور روڈ پر افسوسناک حادثہ پیش آیا، جہاں ٹریکٹر ٹرالی نے موٹرسائیکل کو ٹکر مار دی۔

پولیس کے حادثے کے نتیجے میں موٹرسائیکل پر سوار تینوں بھائی موقع پر جاں بحق ہوگئے۔

پولیس کا کہنا ہے کہ ٹریکٹر ٹرالی کا ڈرائیور حادثے کے بعد موقع سے فرار ہوگیا، جس کی تلاش جاری ہے تاہم جاں بحق ہونے والوں کی لاشیں پوسٹ مارٹم کے لیے اسپتال منتقل کردی گئی ہیں۔

مزید پڑھیں : لاہور شاہدرہ میں کم عمر ڈرائیور نے 3 موٹر سائیکلوں کو کچل دیا 

یاد رہے لاہور کے علاقے شاہدرہ میں سنگیت سینما کے قریب کم عمر ڈرائیور نے تین موٹر سائیکلوں کو کچل دیا تھا ، پولیس کے مطابق حادثے میں ایک شخص جاں بحق اور 2 افراد زخمی ہوئے تھے۔

کم عمر بچے کی ڈرائیونگ کرتے ہوئے دو سی سی ٹی وی فوٹیج منظرعام پر آئی تھیں، فوٹیج میں گاڑی چلاتے ہوئے بچے کو واضح طور پر دیکھا گیا، حادثے کے بعد مشتعل افراد نے بچے کو پکڑ کر تھپڑ مارے تھے۔