Category: Uncategorized

اسلام آباد : ذوالحج کا چاند دیکھنے کیلئے مرکزی رویت ہلال کمیٹی کا اجلاس آج ہوگا، آج چاند نظر آنے کے امکانات نہ ہونے کے برابر ہے۔

تفصیلات کے مطابق ذوالحج کے چاند دیکھنے کے لئے رویت ہلال کمیٹی کا اجلاس آج طلب کیا گیا ہے۔

مرکزی رویت ہلال کمیٹی کا اجلاس اسلام آباد میں ہوگا، جس کی صدارت چئیرمین عبدالخبیر آزاد کریں کریں گے، زونل کمیٹیوں کے اجلاس اپنے اپنے مقامات پر بیک وقت منعقد ہوں گے۔

سپارکو کی جانب سے کہا گیا ہے کہ آج چاند نظر آنے کے امکانات نہ ہونے کے برابر ہیں کیونکہ 27 مئی کو غروب آفتاب کے وقت چاند کی عمر 11 گھنٹے ہوگی۔

سپارکو کا کہنا ہے کہ یکم ذوالحج 29 مئی کو متوقع ہے، اس حساب سے ملک بھر میں عیدالاضحیٰ 7 جون کو ہونے کا امکان ہے۔

مزید پڑھیں : سعودی عرب میں ذوالحج کے چاند سے متعلق ماہر فلکیات کی اہم پیش گوئی

خیال رہے سعودی عرب میں بھی ذوالحج کا چاند دیکھنے کے لیے اجلاس آج منعقد کیا جائے گا، تاہم سعودی ماہر فلکیات کا کہنا ہے کہ آج چاند نظر آنے کا امکان ہے۔

متحدہ عرب امارات کے فلکیاتی مرکز نے بھی اپنے بیان میں کہا ہے کہ آج ذوالحج کا چاند آج نظر آنے کا امکان ہے۔ متحدہ عرب امارات میں عیدالاضحیٰ 6 جون کو ہو سکتی ہے۔

رپورٹس کے مطابق ابوظبی میں چاند دوربین کے ذریعے دیکھا جاسکے گا، عمان، فلسطین کے شہر القدس اور قاہرہ میں چاند آنکھ سے دیکھنا ممکن ہوگا۔

اسلام آباد :حکومت کی سالانہ 10 سے 12 لاکھ تنخواہ کو ٹیکس فری کرنے کی کوششیں جاری ہے تاہم آئی ایم ایف سے بجٹ مذاکرات میں تنخواہ دار طبقے پر انکم ٹیکس کا بوجھ کم کرنے پر بات چیت ہوگی۔

تفصیلات کے مطابق پاکستان اور آئی ایم ایف کے درمیان بجٹ مذاکرات کے دوسرے مرحلے کا آغاز آج سے ہوگا، جس میں تنخواہ دار طبقے پر انکم ٹیکس کا بوجھ کم کرنے کے لیے بات چیت ہوگی۔

ذرائع وزارت خزانہ نے بتایا کہ آئندہ مالی سال بجٹ پر مذاکرات کیلئے آئی ایم ایف وفد پہنچ گیا، آئی ایم ایف وفد 22 مئی تک بجٹ مذاکرات کیلئے قیام کرے گا۔

وفد کیساتھ آمدن ،اخراجات پر حتمی مذاکرات ہوں گے، بجٹ پر مذاکرات میں وزارت خزانہ، ایف بی آر، پلاننگ کمیشن حکام شامل ہیں۔

ذرائع کا کہنا تھا کہ آئی ایم ایف وفد کیساتھ اسٹیٹ بینک حکام کے بھی مذاکرات شیڈول ہیں، اکنامک افیئرزڈویژن، وزارت پیٹرولیم حکام بھی وفد سے مذاکرات کر رہے ہیں تاہم 22مئی تک تمام بجٹ تجاویزکوحتمی شکل دی جائے گی۔

ذرائع کے مطابق تنخواہ دار طبقے کے لئے انکم ٹیکس کی شرح کم کرنے پر بھی بات چیت ہوگی، سالانہ 10 سے 12 لاکھ تنخواہ کو ٹیکس فری کرنے کی حکومتی کوششیں جاری ہے۔

وزیر اعظم نے سالانہ 12 لاکھ روپے تنخواہ کو ٹیکس فری کرنے کا مطالبہ کیا تھا اور وزیراعظم کی ہدایت پر ایف بی آر انکم ٹیکس میں ریلیف کی کوششیں کرے گا۔

اسلام آباد : پاکستان تحریک انصاف کے چیئرمین بیرسٹر گوہر علی کا کہنا ہے کہ ڈونلڈ ٹرمپ جب کسی مسئلے میں دلچسپی لیتا ہے تو مسئلہ حل ہو جاتا ہے۔

تفصیلات کے مطابق پاکستان تحریک انصاف کے چیئرمین بیرسٹر گوہر علی نے پارلیمنٹ ہاؤس کے باہر میڈیا سے گفتگو کرتے ہوئے کہا کہ پہلی بارعالمی برادری نے مسئلہ کشمیر پر سنجیدگی سے بات کی، امید ہے مسئلہ کشمیر صحیح طریقےسے اجاگر ہوگا۔

بیرسٹر گوہر کا کہنا تھا کہ اس جنگ کے بعد عالمی برادری کا نقطہ نظر مختلف ہوگا، ڈونلڈ ٹرمپ جب دلچسپی لیتے ہیں تو اس کا مطلب کافی ہوتاہے، کوشش کرنی چاہئے اس مسئلے کا ضرور کوئی حل نکل آئے۔

یاد رہے امریکی صدر ٹرمپ نے مسئلہ کشمیر حل کرنے کی خواہش کا اظہار کیا تھا، پاکستان اور بھارت کے درمیان جنگ بندی کے بعد امریکی صدر نے سوشل میڈیا پر جاری پیغام میں کہا تھا کہ پاکستان اوربھارت کے ساتھ مل کرکام کروں گا اور دیکھوں گا کیا ‘ہزاروں سال بعد’ مسئلہ کشمیر کا کوئی حل نکل سکتا ہے۔

کراچی : چیئرمین پیپلزپارٹی بلاول بھٹو کا آئندہ ہفتے لاہور کے دورے کا امکان ہے، جہاں وہ لاہور تنظیم کو فعال کرنےاور لاہور کی صدارت کا بھی فیصلہ کریں گے۔

تفصیلات کے مطابق چیئرمین پیپلزپارٹی بلاول بھٹو کا آئندہ ہفتے لاہور کے دورے کا امکان ہے ، ذرائع نے بتایا کہ چیئرمین پی پی پنجاب میں تنظیمی امور کا جائزہ لیں گے۔

،ذرائع کا کہنا تھا کہ بلاول نے پنجاب کی قیادت سے تنظیموں کی فہرستیں طلب کرلیں، دورے کے دوران وہ پنجاب کی سیاسی صورتحال پررہنماؤں سےملاقاتیں کریں گے۔

ذرائع نے کہا کہ چیئرمین پیپلزپارٹی لاہور تنظیم کوفعال کرنے اورلاہورکی صدارت کابھی فیصلہ کریں گے اور پی پی 52 سیالکوٹ کا دورہ اورپارٹی کی صورتحال کا جائزہ لیں گے۔

پاکستان پیپلز پارٹی کے چیئرمین بلاول بھٹو زرداری نے سانحہ 12 مئی 2007 کی برسی پر پیغام جاری کرتے ہوئے کہا تھا کہ بارہ مئی کے شہدا کا جرم یہ تھا کہ وہ تاریخ کے صحیح رخ پر کھڑے تھے۔

ان کا کہنا تھا کہ کراچی کی سڑکوں پر 12 مئی 2007 کو بہایا گیا خون رائیگاں نہیں گیا، سانحے کے شہدا کا خون آج ظلم کے خلاف مزاحمت کی ایک توانا علامت ہے۔

بلاول نے کہا تھا کہ سانحہ 12 مئی ہماری قومی تاریخ میں ہمیشہ ایک سیاہ دن کے طور پر یاد رہے گا، کراچی کے عوام نے بارہ مئی کو آئین کی خاطر بڑی قربانی دی، جب کراچی میں درجنوں افراد کو شہید کیا گیا اور سیکڑوں کو زخمی کیا گیا، شہدا کا جرم یہ تھا کہ وہ تاریخ کے صحیح رخ یعنی آئین، عدلیہ اور جمہوریت کے ساتھ کھڑے تھے۔

نوشہروفیروز : موٹروے اسکینڈل کے بعد کرپشن کا ایک اور اسکینڈل سامنے آگیا،ترقیاتی کاموں کیلئے وفاق سے ملنے والے 50 کروڑ بوگس ٹینڈرز کے ذریعے ہڑپ کر لیئے گئے۔

تفصیلات کے مطابق موٹروے اسکینڈل کے بعد نوشہروفیروز میں کرپشن کا ایک اور بڑا اسکینڈل سامنے آگیا، وفاق کیجانب سے 2 قومی حلقوں کو ترقیاتی کاموں کیلئے ملنے والے 50 کروڑ بجٹ میں خرد برد کی گئی۔

ہائی ویز ڈویزن کیجانب سے این آئی ٹی کسی بھی اخبار میں شائع کروائے بغیر بوگس ٹینڈر کردیئے، بوگس ٹینڈرز اپنے خودساختہ ٹھیکیداروں کے نام سے کرکے مکمل رقوم کی ادائیگیاں بھی کردی گئیں۔

ضلع کے مختلف علاقوں میں ترقیاتی کام کے نام پر 50 کروڑ مل بانٹ کر ہڑپ کرلئے گئے، تحصیل مورو، تحصیل نوشہرو، تحصیل بھریا، تحصیل کنڈیارو اور تحصیل محراب پور میں ترقیاتی کام کئے جانے تھے۔

پیپرورک میں دیکھا کر مکمل پیمنٹ لینے والی جگہوں پر ایک اینٹ بھی نہیں لگائی گئی، بوگس ٹینڈرز کے ذریعے ٹھیکے لینے والوں میں حسین بخش سہتو، بخشل بالادی، پپار تگڑ، ظفر کیریو، شفاء مدینہ کنسٹریکشن، فرقان حیدر کنسٹریکشن، موسی پاک، اے کی بی اینڈکو، حذیفہ کنسٹریکشن، آلحرمین انٹرپرائیز سمیت 2 درجن کمپیناں شامل ہیں۔

ذرائع کے مطابق ہائی ویز ڈویزن کے انجینئر پرویز کھیڑو اور سپرینڈنٹ مسرور سولنگی کرپشن کے مرکزی مہرے ہیں۔

دوسری جانب جب انجینئر پرویز کھیڑو اور مسرور سولنگی نے رابطے پر موقف دینے سے انکار کردیا، اسی طرح رابطے کے باوجود ڈپٹی کمشنر ارسلان سلیم کا۔موقف سامنے نہ آسکا۔