Category: حیرت انگیز

(26 جولائی 2025): بھارتی ریاست بہار میں حیران کر دینے والا واقعہ پیش آیا جہاں 1 سالہ بچے نے زہریلے کوبرا کو دانتوں سے کاٹ کر ہلاک کر دیا۔

انڈین میڈیا کے مطابق 1 سالہ بچے نے گھر کے قریب میں کوبرا کو دانتوں سے کاٹا اور بعد میں اسے اہل خانہ بے ہوشی کی حالت میں اسپتال لے گئے جہاں وہ زیرِ علاج ہے۔

گووندا نامی بچہ گھر کے قریب کھیل رہا تھا جہاں اس نے کوبرا کو اپنے قریب آتے دیکھا اور اسے پکڑ لیا۔ اس سے پہلے کہ زہریلا جانور معصوم کو نقصان پہنچانے کی کوشش کرتا بچے نے اسے کھلونا سمجھ کر دانتوں سے چبا ڈالا جس سے وہ موقع پر ہی ہلاک ہوگیا۔

یہ بھی پڑھیں: کنگ کوبرا اور گائے کی دلچسپ ویڈیو

چند گھنٹے بعد گووندا کی حالت بگڑنے لگی اور وہ بے ہوش ہوگیا۔ والدین گووندا کو پہلے قریبی پرائمری ہیلتھ سینٹر (PHC) لے گئے جہاں سے انہیں گورنمنٹ میڈیکل کالج اینڈ اسپتال (GMCH) بھیجا گیا۔

جی ایم سی ایچ کے ڈاکٹروں نے کہا کہ بچے کی حالت اب مستحکم ہے تاہم وہ زیر نگرانی ہے۔ بچے کی دادی ماتیشوری دیوی نے بتایا کہ گووندا کی ماں قریب ہی لکڑیاں جمع کر رہی تھی جب کوبرا نظر آیا۔

اگست 2024 میں بھارتی ریاست بہار میں ایسا ہی ایک حیرت انگیز واقعہ پیش آیا تھا جہاں 1 سالہ بچے نے سانپ کو کھلونا سمجھتے ہوئے دانتوں سے کاٹ کر ہلاک کر دیا تھا۔

سانپ کو مقامی کمیونٹی سینٹر لے جایا گیا تھا جہاں اس کے مرنے کی تصدیق ہوگئی تھی۔ سوشل میڈیا پر ویڈیو گردش کر رہی تھی جس میں ننھے بچے کو اس کی ماں کی گود میں دیکھا جا سکتا ہے جبکہ ایک شخص موبائل فون میں مردہ سانپ کی تصویر دکھا رہا ہے۔

بھارت میں چور گھر میں گھس کر خاتون کے گلے سے سونے کی چین چھین کر فرار ہوگیا جس کی ویڈیو سوشل میڈیا پر وائرل ہوگئی۔

بھارتی میڈیا رپورٹ کے مطابق ریاست راجستھان کے شہر جے پور میں بزرگ خاتون کو خوفناک تجربے کا سامنا ہوا جو کیمرے میں قید ہوگیا۔

وائرل ویڈیو میں دیکھا جاسکتا ہے کہ خاتون گھر میں کپڑے خشک کررہی تھی اس بات سے بے خبر کے کوئی چور گھر میں گھس کر دن دیہاڑے انہیں لوٹنے والا ہے۔

ویڈیو میں خاتون کو اپنے گھر کے دروازے کے قریب کپڑے کو اسٹیند پر لٹکاتے ہوئے دیکھا جا سکتا ہے۔ مین گیٹ کے اچانک کھلنے تک سب کچھ پرسکون نظر آتا ہے۔

چند سیکنڈ بعد ہیلمٹ اور جیکٹ پہنے ایک آدمی اندر آیا اور پیچھے سے خاتون کے قریب پہنچ کر اس نے تیزی سے اس کے گلے سے سونے کی چین پکڑ لی اور زبردستی چھین لی۔ خاتون صدمے سے چیختی ہے اور زمین پر گر پڑتی ہے جب چور ہاتھ میں زنجیر لیے گھر سے فرار ہوجاتا ہے۔

سوشل میڈیا صارفین اب یہ سوال کر رہے ہیں کہ ایسے مجرم کتنے دلیر اور نڈر ہو گئے ہیں، جو دن دیہاڑے گھروں کے اندر بھی ڈکیتیاں کرتے ہیں۔

ایک صارف نے لکھا کہ چور کی ہمت دیکھو گھر میں گھس کر دادی کے گلے سے سونے کی چین چھین کر بھاگ رہا ہے۔’

دوسرے صارف نے لکھا کہ کوئی شرم ہی نہیں وہ گھر کے اندر ایسے آیا جیسے وہ اپنا ہو۔ مجھے اس سے نفرت ہے۔ یہ لوگ پیسے کے لیے بوڑھے لوگوں کو کیوں تکلیف دے رہے ہیں؟

تیسرے صارف نے کہا کہ ’ہم سعودی عرب کے ہاتھ کاٹنے والے قانون کو کیوں نہیں اپناسکتے۔‘

بھارت میں بچی کو چھوٹے بھائی کو والد کی ڈانٹ سے بچانے کی ویڈیو سوشل میڈیا پر وائرل ہوگئی۔

بچے شرارت کرتے ہیں والدین کی جانب سے انہیں ڈانٹا جاتا ہے لیکن ایک بچی اپنے چھوٹے بھائی کو والد سے بچانے کے لیے سامنے آگئی۔

وائرل ویڈیو میں دیکھا جاسکتا ہے کہ والد ننھے بیٹے کو مٹی کھانے پر ڈانٹ رہے ہیں لیکن جس چیز نے سب کی توجہ اپنی طرف مبذول کروائی وہ بہن کا ردعمل تھا۔

جیسے والد نے بیٹے کو کہا کہ ’کیوں کھائی تھی مٹی؟‘ بہن فوراً دفاع کے لیے کود پڑی اور کہنے لگی کہ ’زیادہ نہیں ہورہا آپ جو میرے بھائی کو ڈانٹ رہے ہو۔‘

والد دوبارہ ڈانٹے ہیں تو بچی کہتی ہے کہ میں سمجھاؤں گی یہ اب مٹی نہیں کھائے گا۔

وائرل ویڈیو کو سوشل میڈیا پر صارفین کی جانب سے کمنٹس بھی کیے جارہے ہیں، صارفین اسے بہن بھائی کا سب سے پیارا رشتہ قرار دے رہے ہیں۔

ایک صارف نے لکھا کہ بچی بڑی ہوکر گھر کی باس لیڈی ہوگی‘ دوسرے صارف نے لکھا کہ ’میری بھانجی بھی ایسی ہی حرکت کرتی ہے۔‘

تیسرے صارف نے لکھا کہ ’ایک بہت ہی پیارا جھگڑا دیکھنے کو مل گیا۔‘

بھارت میں مالک پٹ بل کتے کو بچے پر چھوڑ کر ہنستا رہا جس کی ویڈیو سوشل میڈیا پر وائرل ہوگئی۔

بھارتی میڈیا رپورٹ کے مطابق ممبئی میں ایک شخص نے امریکی نسل کے پٹ بُل کتے کو 11 سالہ بچے پر چھوڑ دیا جس پر کتا بچے پر جھپٹ پڑا اور اسے بری طرح زخمی کردیا۔

اس دوران کتے کا مالک مزے سے بیٹھا مسکراتا رہا اور سارا منظر دیکھتے ہوئے بھی بچے کی مدد کو کوئی نہ آیا۔

ویڈیو میں دیکھا جاسکتا ہے کہ بچہ خوفزدہ ہوکر رکشے میں موجود ہے جبکہ کتے اس کے قریب بیٹھا اور مالک قریب بیٹھ کر سارا تماشہ دیکھ کر انجوائے کررہا ہے۔

چند لمحے بعد کتا اچانک بچے پر جھپٹ پڑتا اور کئی بار اسے کاٹا جس کے بعد بچہ رکشے سے باہر نکل کر جان بچانے میں کامیاب ہوا۔

متاثرہ بچے حمزہ کا کہنا ہے کہ اس نے مدد کی فریاد کی لیکن کوئی آگے نہیں آیا، سب صرف ویڈیو بناتے رہے۔

پولیس نے حمزہ کے والد کی شکایت پر کتے کے مالک سہیل کے خلاف مقدمہ درج کر کے قانونی کارروائی شروع کر دی ہے۔