Category: حیرت انگیز

کوپن ہیگن: ڈنمارک میں ٹی وی کے سامنے بیٹھے افراد اس وقت اچھل کر رہ گئے جب لائیو ٹی وی نشریات کے دوران ٹی وی میں دکھائی جانے والی خاتون اچانک غائب ہوگئی۔

ڈنمارک کے ایک ٹی وی چینل کا نمائندہ مختلف لوگوں سے بات چیت کرنے کے لیے ایئر پورٹ پہنچا۔ اس کا پروگرام ٹی وی پر براہ راست نشر کیا جارہا تھا۔

دوران انٹرویو کیمرے کے فریم میں بائیں جانب کھڑی خاتون اچانک غائب ہوتی دکھائی دیتی ہیں۔

یہ خاتون اپنے سامان کا انتظار کرتی ہوئی کسی سے محو گفتگو تھیں۔ جب دوسری خاتون اپنا سامان لے کر وہاں سے ہٹیں تو پہلی خاتون بھی اچانک منظر سے غائب ہوجاتی ہیں۔

یہ منظر دیکھ کر لوگوں نے مختلف تاثرات کا اظہار کیا۔ کسی نے اس خاتون کو بھوت کہا، کسی نے کوئی جادوئی شخصیت اور کسی نے اسے صرف کیمرے کا جادو قرار دیا۔

سردیاں شروع ہوتے ہی دنیا بھر میں بڑے بڑے برف کے پتلے یعنی اسنو مین بنانے کا رجحان شروع ہوجاتا ہے لیکن لندن کے ایک سائنس دان نے ایسا اسنو مین بنا ڈالا جو صرف خورد بین سے دیکھا جاسکتا ہے۔

انسانی بال سے بھی باریک اس اسنو مین کو لندن کی ویسٹرن یونیورسٹی میں بنایا گیا ہے۔

اسے بنانے والے سائنس دان ٹوڈ سمپسن کے مطابق یہ دنیا کا سب سے چھوٹا اسنو مین ہے۔ 3 مائیکرو میٹر کے اس اسنو مین کو صرف مائیکرو اسکوپ سے ہی دیکھا جاسکتا ہے۔

ہنستا مسکراتا ننھا اسنو مین اتنا چھوٹا ہے کہ نہ تو اسے مفلر پہنایا جاسکتا ہے نہ ہی کوئی ہیٹ۔

ٹوکیو: بلیوں کو پالنے والے افراد اپنی بلیوں کو الگ الگ انداز سے سجانے کے بے حد شوقین ہوتے ہیں۔ وہ ہر مواقعوں پر ان کی سجاوٹ اور تیاری کر کے انہیں بھی اپنے ساتھ اپنی خوشیوں میں شریک کرتے ہیں۔

جاپان میں بھی ایسا ہی ایک بلیوں کا شوقین شخص ہے جو اپنی بلیوں کو منفرد ہیٹس پہناتا ہے۔

یہ منفرد ہیٹ کسی اور شے سے نہیں بلکہ بلیوں کے اپنے بالوں سے بنائے جاتے ہیں۔

ریو یاما زاکی نامی اس شخص کے پاس 3 بلیاں ہیں۔ وہ ان کے بالوں کی باقاعدگی سے تراش خراش کرتا ہے اور کٹنے والے بالوں کو پھینکنے کے بجائے ان سے بلیوں کے لیے ٹوپیاں تیار کرتا ہے۔

وہ ان بالوں کو بھی جمع کرتا ہے جو بلیوں کے جسم سے جھڑتے ہیں۔

اس کی تیار کی گئی ٹوپیاں پہن کر یہ بلیاں اور بھی خوبصورت لگتی ہیں۔

جرمنی میں دور دراز فاصلے پر واقع ایک قصبہ اپنے منفرد اور کسی حد تک پراسرار محل وقوع کی وجہ سے سیاحوں کے لیے بے حد دلچسپی کا باعث ہے۔

یہ پراسرار اور متروک قصبہ بیسویں صدی میں کان کنوں نے آباد کیا تھا۔ یہاں ہیرے کی کانیں تھیں جنہوں نے کان کنوں کو نہایت خوشحال کردیا تھا۔

اس دور کے حساب یہ قصبہ تمام جدید سہولتوں سے آراستہ تھا اور یہاں ایک ٹرام بھی موجود تھی۔

اس قصبے کے گھر نہایت خوبصورت اور رنگین بنائے گئے تھے۔

دوسری جنگ عظیم شروع ہونے کے بعد آہستہ آہستہ لوگوں نے یہاں سے ہجرت شروع کردی اور ایک وقت ایسا آیا کہ یہ قصبہ بالکل خالی ہوگیا۔

قصبہ خالی ہونے کے بعد قریب واقع صحرا کی مٹی یہاں داخل ہوگئی اور آہستہ آہستہ صحرائی مٹی نے پورے قصبہ کو ڈھانپ لیا۔

ریت سے ڈھکے اس قصبے کے مناظر پراسرار مگر بے حد خوبصورت لگتے ہیں۔

دنیا بھر سے نہ صرف سیاح بلکہ فوٹو گرافرز بھی یہاں کھنچے چلے آتے ہیں اور ریت اور خالی قصبہ کی نہایت خوبصورت تصاویر کھینچتے ہیں۔