Category: حیرت انگیز

ٹوکیو: جاپان میں ایک دفتر کے ملازمین اس وقت حیران رہ گئے جب انہوں نے اپنے سروں کے اوپر چھت میں ایک سوراخ سے بلی کو جھانکتے ہوئے دیکھا۔ دفتر کے ملازمین یہ سوچنے پر مجبور ہوگئے کہ کیا یہ بلی ان کے باس نے ان کی نگرانی کے لیے یہاں چھوڑی ہے؟

ٹوئٹر پر ایک جاپانی شخص کی جانب سے پوسٹ کی گئی تصاویر میں دیکھا جاسکتا ہے کہ ایک دفتر میں چھت پر بنے سوراخ سے ایک بلی جھانک رہی ہے۔

ملازمین نے پہلے تو اسے اتفاق سمجھا اور ہنس کر اپنے کام میں مشغول ہوگئے۔

لیکن انہوں نے دیکھا کہ وہ بلی وقفے وقفے سے آ کر اس سوراخ میں جھانکتی ہے اور پھر واپس چلی جاتی ہے۔

ملازمین نے بلی کی اس حرکت کا خوب مذاق اڑایا اور اسے باس کی نگران بلی سے تشبیہہ دے ڈالی جو تھوڑی تھوڑی دیر بعد آ کر ان کی نگرانی کرتی ہے اور اس بات کا جائزہ لیتی ہے کہ آیا تمام ملازمین ٹھیک سے کام کر رہے ہیں یا نہیں۔

ٹوئٹر پر پوسٹ کرنے والے شخص نے مزاحیہ انداز میں لکھا، ’ہوشیار! آپ کا باس بلی کے ذریعہ آپ کی نگرانی کرسکتا ہے‘۔

同僚から送られてきた写真。新型の監視カメ……ラ！？ pic.twitter.com/BvpSwAejRD

— 玩具馬 (@omocha_no_uma) October 16, 2016

تو پھر آپ بھی ہوشیار ہوجائیں، چھت پر دیکھیئے، کہیں آپ بھی اسی قسم کی جاسوسی کی زد میں تو نہیں ہیں؟

جو افراد پالتو جانور رکھنے کے شوقین ہیں، وہ جانتے ہوں گے کہ جانور سوتے ہوئے عجیب و غریب انداز میں حرکت کرتے ہیں جس سے یوں لگتا ہے جیسے وہ خواب میں اپنی کوئی پسندیدہ چیز دیکھ رہے ہوں۔

یہی حال کتوں کا بھی ہے۔ کتے سوتے ہوئے اکثر اپنے پنجوں کو اس زاویے سے موڑتے ہیں جیسے خواب میں وہ کسی بلی کا پیچھا کررہے ہوں۔

مزید پڑھیں: کتے انسانوں کی طرح الفاظ اور موسیقی سمجھنے کے اہل

شاید ہمیں لگتا ہو کہ کتے سوتے ہوئے خواب میں اپنا پسندیدہ کھانا یا کوئی پسندیدہ چیز دیکھتے ہوں گے، لیکن سائنسدانوں نے اس کا جواب تلاش کرلیا ہے۔

ماہرین کا کہنا ہے کتے خواب میں ان افراد کو دیکھتے ہیں جس سے وہ بہت زیادہ قریب ہوتے ہیں، اور ایسا شخص ان کے مالک کے علاوہ بھلا اور کون ہوسکتا ہے۔

کتے خواب میں اپنے مالک کی خوشبو، اس کی مسکراہٹ کو دیکھتے ہیں، یا وہ خود کو ایسی حرکتیں کرتے ہوئے دیکھتے ہیں جس سے ان کا مالک بہت خوش یا بہت تنگ ہوتا ہو۔

مزید پڑھیں: کتے کے لیے 8 آئی فون

یعنی ثابت ہوا، کہ کتے کی ضرب المثل وفاداری غلط نہیں، یہ ہر وقت آپ کے بارے میں سوچتے ہیں حتیٰ کہ سوتے ہوئے بھی۔

تو پھر کیا خیال ہے آپ کا؟ آپ بھی کتا پالنے کا سوچ رہے ہیں؟

دنیا بھر میں اسلام اور قرآن کے ماننے والے اپنی عقیدت کا اظہار مختلف انداز سے کرتے ہیں۔ بعض افراد سونے چاندی کے وسیع و عریض قرآن پاک تیار کر کے اپنی محبت و عقیدت کا اظہار کرتے ہیں۔

حال ہی میں منظر عام پر آنے والے ایک قرآن کریم کا نسخہ بھی ایسے ہی کسی عقیدت مند اور عشق حقیقی سے سرشار شخص کی نشانی نظر آتا ہے۔

ذرائع کے مطابق یہ نسخہ 18ویں صدی میں تیار کیا گیا۔ نسخہ کے صفحات سونے سے بنائے گئے ہیں۔

ان صفحات کو جب بند کیا جائے تو یہ خانہ کعبہ کی تصویر پیش کرتے ہیں۔ یہ تصویر کئی برس قبل کے خانہ کعبہ کی نشاندہی کرتی ہے جس میں آج کے دور کی جدت اور وسعت موجود نہیں تھی۔

کافی تحقیق کے باوجود یہ تو نہ پتہ چل سکا کہ اسے بنانے والا کون ہے تاہم اس نسخہ قرآن کو دیکھ کر اس شخص کی اسلام سے محبت اور عقیدت میں کوئی شبہ باقی نہیں رہ جاتا۔

پاکستانی خطاطی کے متعلق دیگر مضامین پڑھیں

خطاط الحرم المسجد النبوی ۔ استاد شفیق الزمان

پاکستانی خطاط کے لیے بین الاقوامی اعزاز

وارسا: پولینڈ میں رات میں سائیکل چلانے والے افراد کی سہولت کے لیے ایک چمکدار راستہ بنایا گیا ہے جو رات میں دور سے چمکتا دکھائی دیتا ہے۔

ایک یونیورسٹی کی جانب سے بنایا جانے والا یہ راستہ ابھی تجرباتی مراحل میں ہے۔ ان راستوں کو ’لومینوفور‘ نامی مادے سے بنایا گیا ہے جو دن بھر سورج کی روشنی کو اپنے اندر جذب کرتا ہے اور اندھیرا ہوتے ہی جگمگا اٹھتے ہیں۔

یہ مادہ دن بھر سورج کی روشنی حاصل کرنے کے بعد تقریباً 10 گھنٹے تک روشنی خارج کرسکتا ہے یعنی یہ پوری رات چمکے گا اور اس کے بعد اگلے دن خودبخود سورج کی روشنی کو جذب کر کے چارج ہوجائے گا۔

پولینڈ میں یہ تجربہ نیدرلینڈز سے متاثر ہو کر کیا گیا ہے جہاں مشہور مصور وان گوگ کی مشہور پینٹنگ ’تاروں بھری رات‘ کی طرز پر راستے بنائے گئے ہیں۔ یہ راستے رات میں چمکتے ہیں اور یہ خصوصی طور پر موٹر سائیکل اور سائیکل سواروں کے لیے بنائے گئے ہیں۔

واضح رہے کہ پولینڈ ایک ماحول دوست ملک ہے جہاں گاڑیوں سے کاربن کے اخراج کی شرح بے حد کم ہے جس کی وجہ یہ ہے کہ وہاں کے لوگ سفر کے لیے سائیکل چلانے کو ترجیح دیتے ہیں۔