Category: حیرت انگیز

برطانیہ کے لوگ اپنی تہذیب اور رکھ رکھاؤ کے باعث مشہور ہیں۔ خصوصاً اگر بات شاہی خاندان کی ہو تو ان کی تہذیب کا کسی سے کوئی مقابلہ نہیں۔

لیکن اگر آپ سمجھتے ہیں کہ شاہی خاندان روایات اور تہذیب کے دائرے میں اس قدر جکڑا ہوا ہے کہ وہ زندگی سے لطف اندوز نہیں ہوتا، تو آپ غلط ہیں۔ شاہی خاندان کے افراد دنیا کے جس خطے میں بھی جاتے ہیں وہ وہاں کی تہذیب و روایات کا عکس ضرور اپناتے ہیں۔

وہ کہیں جا کر وہاں کے روایتی لباس بھی زیب تن کرتے ہیں، وہاں کا ثقافتی رقص بھی کرتے ہیں، اور وہاں کے مقامی کھانے بھی کھاتے ہیں۔

ہم نے برطانوی شاہی خاندان کی کچھ ایسی ہی تصاویر اکٹھی کی ہیں جن میں وہ ناچتے گاتے اور زندگی سے لطف اٹھاتے نظر آرہے ہیں۔ ان تصاویر میں ہر شخص شاہی آداب کے مطابق اپنے مخصوص لباس میں ہے لیکن یہ لباس بھی انہیں ناچنے سے نہیں روک سکے۔

ملکہ الزبتھ اور شہزادہ فلپ ۔ نومبر 1967، مالٹا

شہزادہ چارلس ۔ نمبر 2012، نیوزی لینڈ

شہزادہ ہیری ۔ جون 2014، چلی

شہزادہ ولیم اور کیٹ مڈلٹن ۔ 2012، براعظم اوشنیا کے ملک توالو میں

ملکہ الزبتھ اور ایئر مارشل سر جان بالدوین ۔ نومبر 1954، لندن

شہزادی ڈیانا اور امریکی اداکار جان ٹروولٹا ۔ نومبر 1985، وائٹ ہاؤس امریکا

شہزادہ چارلس ۔ مارچ 2009، برزایل

ولیم اور ہیری، لیسوتھو کے ولی عہد کے ساتھ ۔ جون 2010

شہزادہ چارلس کی اہلیہ کمیلا پارکر ۔ نومبر 2012، نیوزی لینڈ

شہزادہ چارلس ۔ فروری 2000، گھانا

شہزادہ ولیم ایک تقریب  کے دوران، پس منظر میں ان کی اہلیہ خوشگوار موڈ میں ۔ دسمبر 2011، لندن

ملکہ الزبتھ اور گھانا کے صدر ۔ 1961

شہزادہ چارلس اور شہزادی ڈیانا ۔ مارچ 1983، آسٹریلیا

شہزادہ چارلس ۔ نومبر 2014، میکسیکو

---

چین کے ایک شاپنگ مال میں ایک برفانی ریچھ کو رکھا گیا ہے جسے دنیا کے ’تنہا اور اداس ترین‘ جانور کا نام دیا گیا ہے۔

یہ ریچھ جس کا نام ’پزا‘ ہے چین کے مشرقی صوبے گونگ ژو کے ایک شاپنگ مال میں رکھا گیا ہے۔ جس جگہ اسے رکھا گیا ہے اسے گرینڈ ویو ایکوریم کا نام دیا گیا ہے اور اس جگہ کا رقبہ 40 اسکوائر میٹر ہے۔ پزا اس شیشے کے بنے ایکوریم میں اکیلا رہتا ہے اور اس کا زیادہ تر وقت اداسی سے چہل قدمی کرتے ہوئے گزرتا ہے۔

ایکوریم کی انتظامیہ کے مطابق اس بھالو کی پیدائش مصنوعی طریقہ سے عمل میں لائی گئی ہے۔ اسے جس جگہ رکھا جاتا ہے وہاں کا درجہ حرارت 18 ڈگری سیلسیئس رکھا جاتا ہے۔

مزید پڑھیں: انسانوں کی صحبت میں خوش رہنے والا بھالو

یہاں آنے والے افراد شوق سے پزا کو دیکھتے اور اس کے ساتھ تصویریں بناتے ہیں۔

تاہم جنگلی حیات کے ماہرین پزا کے رہائشی مقام پر تحفظات کا اظہار کر رہے ہیں۔ انہوں نے اس بات پر تشویش کا اظہار کیا ہے کہ ایک ایسی جگہ پر جو نسبتاً گرم ہے ایک برفانی ریچھ کو رکھنا درست ہے یا نہیں۔

ایکوریم کا دورہ کرنے والے افراد بھی انہی خیالات کا اظہار کرتے نظر آتے ہیں۔ ایک شخص کے مطابق پزا کے لیے یہ جگہ نہایت چھوٹی ہے۔ وہ پریشان اور اداس نظر آتا ہے اور یہاں سے آزادی چاہتا ہے۔

اس بارے میں ایکوریم انتظامیہ کا کہنا ہے کہ چونکہ پزا مصنوعی طریقہ سے پیدا ہوا ہے، اور اس نے کبھی کسی حقیقی برفانی جگہ کا دورہ نہیں کیا، لہٰذا اسے کوئی فرق نہیں پڑتا کہ وہ حقیقی برفانی مقام پر ہے یا مصنوعی۔

ان کے مطابق پزا کا ہر ماہ باقاعدگی سے طبی معائنہ کیا جاتا ہے اور اس کی خوراک پر سالانہ 1 لاکھ 20 ہزار یان (چینی کرنسی) خرچ کیے جاتے ہیں۔

تاہم ماہرین نے اس توجیہہ کو قبول کرنے سے انکار کردیا ہے۔ ورلڈ اینیمل پروٹیکشن کے ایک اعلیٰ عہدیدار کے مطابق بے شک اسے مصنوعی طریقہ سے اس دنیا میں لایا گیا لیکن اسے اس کے فطری ماحول اور ہم نسل جانداروں کے ساتھ ہی رکھا جانا چاہیئے۔

ان کے مطابق ایک پرسکون جگہ پر رہنے والے جانور کو اس طرح لوگوں کے ہجوم میں رکھنا اس کی صحت و نفسیات پر منفی اثر ڈالے گا اور اس کی طبعی عمر کو کم کردے گا۔

ہانگ کانگ کے ایک فلاحی ادارے، اینیملز ایشیا نے اس سلسلے میں ایک دستخطی مہم کا آغاز کیا ہے تاکہ انتظامیہ پر اس ایکوریم کو بند کرنے کے لیے دباؤ ڈالا جاسکے۔ اب تک 5 لاکھ لوگ اس پر دستخط کر چکے ہیں۔

مہم کے سربراہ ڈیو نیل نے اس سلسلے میں لوگوں سے بھی اپیل کی ہے کہ وہ اس بھالو کو دیکھنے نہ جائیں تاکہ انتظامیہ اسے آزاد کرنے پر مجبور ہوجائے۔ ان کے مطابق برفانی بھالو کو قیدی بنا کر رکھنا سب سے مشکل کام ہے۔

ایکوریم کی انتظامیہ اس تمام مخالفت سے بے نیاز پزا کے لیے ایک آؤٹ ڈور جگہ بنانے کا ارادہ کر رہی ہے جبکہ وہ مستقبل قریب میں پزا کو ایک ساتھی مہیا کرنے کے بارے میں بھی سوچ رہے ہیں۔

انتظامیہ کا کہنا ہے کہ اس بھالو کو یہاں رکھنے کے لیے انہوں نے تمام قانونی تقاضے پورے کیے ہیں اور تمام مطلوبہ پرمٹس حاصل کرلیے ہیں۔

دوسری جانب اس تمام جھگڑے سے بے پرواہ پزا اپنا زیادہ تر وقت لیٹ کر یا لوگوں کو اداس نگاہوں سے دیکھ کر گزارتا ہے۔

کیا آپ جانتے ہیں امیر اور کامیاب لوگ ایک جیسے کپڑے کیوں پہنتے ہیں؟

چلیئے کچھ عرصہ پیچھے چلتے ہیں۔ فیس بک کے بانی مارک زکر برگ اپنے گھر بیٹی کی پیدائش کے باعث ’پیٹرنٹی لیو‘ پر تھے۔ اس سے قبل یہ چھٹیاں صرف ماؤں کو ہی دی جاتی تھیں لیکن پھر لوگوں کو احساس ہوا کہ ایک باپ کو بھی اپنے نومولود بچے کے پاس وقت گزارنے کا اتنا ہی حق ہے جتنا ماں کو، چنانچہ اس مقصد کے لیے آفسز میں ’پیٹرنل لیو‘ کا قانون متعارف کروایا گیا اور مارک زکر برگ نے اس سے بھرپور فائدہ اٹھایا۔

دو ماہ کی چھٹیوں کے بعد جب مارک کو آفس جانا تھا تو اس سے ایک دن قبل انہوں نے اپنی ایک تصویر فیس بک پر شیئر کی جس میں وہ اگلے دن پہنے جانے والے لباس کے لیے پریشان تھے۔

مگر دیکھنے والے حیران رہ گئے کہ الماری میں ان کے پاس صرف دو ہی رنگوں کی کئی ٹی شرٹس تھیں۔ اور وہ دو رنگ بھی ایک دوسرے سے ملتے جلتے تھے۔

ایسا ہی کچھ معامہ ایپل کے بانی آنجہانی اسٹیو جابز کے ساتھ تھا۔ انہیں کئی عوامی اجتماعات میں کم و بیش ایک ہی سیاہ شرٹ میں دیکھا گیا۔

سوال یہ پیدا ہوتا ہے دنیا کے یہ 2 کامیاب اور دولت مند ترین انسان اس معاملے میں اتنی ’غربت‘ کا مظاہرہ کیوں کرتے ہیں؟

اس کے پیچھے وہ وجہ ہے جس کے باعث یہ لوگ آج اتنے کامیاب اور دولت مند ہیں۔

کامیاب اور دولت مند افراد عموماً اپنے اوپر سوچ و بچار کرنے میں کم وقت خرچ کرتے ہیں۔ یہی وجہ ہے کہ وہ سادگی پسند ہوتے ہیں۔

ان کی نظر بڑے مقاصد پر ہوتی ہے لہٰذا وہ اس سوچ میں اپنا وقت ضائع نہیں کرتے کہ ’آج کیا پہنا جائے‘۔

اس سے انہیں کئی فائدے ہوتے ہیں جو آپ بھی جانیئے۔

اس عادت سے ان کا وقت بچتا ہے۔ وہ بے مقصد شاپنگ مالز میں گھومنے، شاپنگ کرنے، اور نت نئے لباسوں پر ضائع کیے جانے والے وقت کو نئی تخلیقات  ایجاد کرنے میں صرف کرتے ہیں۔

اس سے انہیں ذہنی دباؤ سے نجات ملتی ہے۔ وہ اس بات سے بالکل آزاد ہوجاتے ہیں کہ لوگ ان کے بارے میں کیا سوچیں گے۔

ان کی توانائی دیگر بامقصد کاموں میں خرچ ہوتی ہے۔

وہ کبھی بھی برا لباس نہیں پہنتے کیونکہ ایک بار جو لباس ان پر سوٹ کرے وہ اسی کو اپنا ’ٹریڈ مارک‘ بنا لیتے ہیں۔

اور یہی نہیں، ایک جیسے کپڑے پہننے سے وہ نئے فیشن کو اپنانے کے لیے بے جا پیسہ خرچ کرنے سے بھی بچ جاتے ہیں۔

آپ کا اس آئیڈیے کو اپنانے کے بارے میں کیا خیال ہے؟