Category: حیرت انگیز

پرتگال: نوجوان لڑکے کی 126 سالہ قدیم مجسمے کے ساتھ تصویر لینے کی کوشش کے دوران مجسمہ گر کر تباہ ہو گیا۔

تفصیلات کے مطابق منگل کے روزمرکزی النکرت ریلوے اسٹیشن کے باہر پیدل چلنے والے پل پرنصب مجسمے کے ساتھ  ایک نوجوان نے تصویر لینے کی کوشش کی اور قریبی تختے پر چڑھ گیا، وزن کے باعث تختہ اپنی جگہ سے ہٹا اور مجسمہ زمین پرگر کرتباہ ہوگیا۔

پولیس کے مطابق واقعے کے بعد لڑکے نے جائے وقوعہ سے بھاگنے کی کوشش کی، مگر ملزم کی اس کوشش کو ناکام بناتے ہوئے حراست میں لے لیا گیا ہے، جلد اُسے عدالت میں پیش کیا جائے گا ۔

واضح رہے چھوٹے سائز کا یہ مجسمہ ریلوے اسٹیشن کے داخلی دروازے نصب کیا ہوا تھا۔ اداس آنکھوں، دو گھوڑوں کے درمیان تلوار والا یہ مجسمہ سفید رنگ کے خصوصی پتھر مہراب سےتیار کیا گیا تھا،جس کی تکمیل 1890 میں مکمل ہوئی۔

پرتگالی خبررساں ذرائع کے مطابق یہ مجسممہ  ڈوم سیباسچین نامی بادشاہ کا تھا جس نے 24 سال کی عمر میں مراکش میں ہونے والی صلیبی جنگوں میں حصہ لیا تھا۔ اس کے علاوہ 1557 سے 1578  کے درمیان پرتگال میں حکومت کی اور ملک کو کئی فتوحات دلائیں، انہیں پرتگال کی تاریخ میں اہم اور مقدس شخصیت کے نام سے جانا جاتا ہے۔

ڈوم سیباسچین ایک صلیبی جنگ میں مارے گئے تھے تاہم ان کی لاش کی کبھی  بھی شناخت نہیں ہوسکی تھی، جس کے سبب پرتگالیوں میں اس یقین نے جنم لیا ہے کہ ایک دن بادشاہ واپس لوٹ کر ضرور آئے گا اوراپنا تخت سنبھالے گا اور پرتگالیوں کو مشکلات سے آزادی دلوائے گا۔

ویتنام میں واقع سون ڈونگ نامی غار کو دنیا کا سب سے بڑا غار تسلیم کر لیا گیا ہے جس کی لمبائی تقریباً ساڑھے پانچ میل ہے، شیڈونگ غار کوانگ بنہہ، ویتنام کے صوبے میں واقع ہے۔

یہ غار اتنا وسیع و عریض ہے کہ اس میں ایک گھنا جنگل موجود ہے جس میں 50میٹر تک بلند درخت پائے جاتے ہیں جبکہ اس میں کئی آبشاروں کے علاوہ ایک حیران کن طور پر ایک تیز رفتار دریا بھی موجود ہے جو غار کے درمیان میں بہہ رہا ہے۔

ماہرین کے مطابق یہ حیرت انگیز غار اتنا بڑا ہے کہ اس کے اندر 40منزلہ بلند و بالا عمارت بھی باآسانی تعمیر کی جاسکتی ہے ۔

ایک مقامی کسان شخص نے 1991 میں اس غار کو دریافت کیا، لیکن ایک برطانوی ٹیم نے اس کا پتہ لگایا اور 2009 میں اس غار کا اعلان کیا، جس کی دیواروں کی تراش خراش سے لے کر ہر چیز اتنی شاندار ہے کہ دیکھنے والے حیرت سے دنگ رہ جاتے ہیں۔

اس غار کے اندر ہوائیں بھرپور رفتار سے چلتی ہیں اور ایسا لگتا ہے کہ جیسے ہر وقت آندھی سی آئی ہوئی ہے۔ تاہم اس کی خوبصورتی دیکھنے والوں کو ضرور دنگ کرکے رکھ دیتی ہے۔

غار میں چھوٹے چھوٹے راستوں پر گھاس کا خوبصورت منظر سماں باندھ دیتا ہے ،2013 میں پہلی مرتبہ سیاحوں نے اس غار کا دورہ کیا۔

سیاحوں کو اس مقام تک پہنچے کے لئے گائیڈ کی مدد لینی پرھتی ہے اس غار کی سیر میں سات دن لگ جاتے ہیں جس کی لاگت تقریبا 2،300 ڈالر (1،500پاونڈ) درکار ہوتے ہیں جس میں غار کے اندر 5 راتوں کا قیام بھی شامل ہوتا ہے ۔

لندن: ساحل کے کنارے تواکثربے لباس لوگ دیکھنے کو مل جاتےہیں، لیکن برطانیہ میں حال ہی میں کھلنے والے ایک ریستوران میں لوگ لباس سے ماوراء ہوکراپنی مرغوب غذا تناول فرماتےنظرآتے ہیں۔

اپنی نوعیت کے اس پہلے ریسٹورینٹ کا نام دی بنیادی ہے جہاں دوسیکشن بنائے گئے ہیں جن میں سےایک سیکشن میں لباس زیبِ تن کئے افراد اور دوسرے سیکشن میں خود کو لباس کے بوجھ سے آزاد کئے لوگوں کے لئے مختص ہوگا۔

ذرائع کےمطابق 29 ہزار لوگ اپنا نام بے لباس افراد کی فہرست میں درج کرانے کے بعد اپنی باری کے منتظر ہیں، جبکہ آنے والے دنوں میں اس تعداد میں مزید اضافہ ہو سکتا ہے۔

باوجود اس کے کہ یہ منفرد تجربہ معاشرتی اور معاشی لحاظ سے اچھوتا اور قابلِ اعتراض بھی ہے۔

ریستوران میں آنے والوں کے لئے چینج روم کی سہولت موجود ہوگی۔ ریسٹورینٹ کے اندر تصاویربنانے کی اجازت نہیں ہوگی۔

باورچی خانے میں کام کرنے والے افراد پورے لباس میں ہوں گے جبکہ برہنہ سیکشن میں متعین ویٹرزمختصر کپڑے زیبِ تن کیےہوں گے تاکہ حفظانِ صحت کے تقاضوں کو پورا کیا جاسکے۔

دیکھنا یہ ہے کہ انسانی تاریخ کے اولین دور کی یاد تازہ کرنے والے اس تجربے کو کتنی پذیرائی ملتی ہےاورمعاشرے پراس کے کیا اثرات مرتب ہوتےہیں؟