Category: حیرت انگیز

سوئیڈش ماڈل پکسی فاکس پتلی کمر حاصل کرنے کی خاطر اپنی 6 پسلیاں جسم سے نکلوا دی ہیں۔

سوئیڈن سے تعلق رکھنے والی ایک ماڈل پکسی فاکس نے اپنی کمر پتلی کرنے کیلئے ہزاروں ڈالرز خرچ کر دیئے ہیں، انہوں نے پتلی کمر حاصل کرنے کی خاطر اپنی 6 پسلیاں نکلوا دی ہیں اور اب ان کی کمر محض 16 انچ کی رہ گئی ہے۔

پانچ گھنٹے کے اس آپریشن کے بعد فاکس کو چھ ہفتے کا صحت یابی کا وقت دیا گیا تھا لیکن فاکس دو ہفتے بعد ہی اپنی انتہائی نازک کمر کے ساتھ اپنی معمول کی مصروفیات انجام دینے لگی ہیں۔

سویڈش ماڈل پکسی فاکس نے بتایا کہ انہیں بھی بچپن سے کارٹونز اور فلمیں دیکھنے کا شوق تھا اور بعد میں یہ ان کا جنون بن گیا۔ میں بچپن سے خود کو باربی ڈول کی طرح دیکھنا چاہتی تھی۔

پتلی کمر کے حصول کے بعد لوگ انھیں حیرانی سے دیکھتے ہیں تعریفی کلمات ادا کرتے ہیں۔

اپنے چہرے کو باربی ڈول کی طرح تبدیل کرنے کے لیے پکسی فاکس اب تک ناک، آنکھ اور بھنوؤں اور پپوٹوں کی سرجری کرا چکی ہیں۔

اس کے علاوہ دیرپا میک اپ، ہونٹ اور رخسار کے لیے فلرز اور بوٹیکس اور دیگر کاسمیٹکس کی ادائیگی پر ایک لاکھ بیس ہزار ڈالر خرچ کر چکی ہیں۔

کیپ ٹاون: پالتو کتوں کے لیے کیپ ٹاون میں کھلنے والے فائیو اسٹار ہوٹل کا بزنس ان دنوں دن دگنی رات چوگنی ترقی کر رہا ہے۔

بہترین ائرکنڈیشنڈ ماحول، کھانے پینے کے لیے ایک سے بڑھ کر ایک مینیو ، شیمپو کےبعد برش کرنے کے لیے خادمائیں اور مزاج پر گراں نہ گزرنے والی مارننگ واک ۔

جنوبی افریقہ کے شہر کیپ ٹاون میں ان دنوں پالتو کتے زندگی کا بھرپور لطف اٹھا رہے ہیں اور وجہ ایٹ فریٹز فائیو اسٹار ڈاگ ہوٹل ہے۔ ڈبل بیڈ کمرے کا کرایہ پچپن ڈالر ہے جبکہ ملاقات کے لیے آنے والے مہمان کتے کے لیے صوفہ اور اضافی بیڈ کی سہولت بھی موجود ہے۔

اس کے علاوہ سٹیلائیٹ مووی چینلز بھی ان کتوں کا دل بہلانے کے لیے مہیا کیے گئے ہیں۔ کتوں کے لیے ہوٹل لابی میں بار کا بھی انتظام ہے جہاں وہ مل بیٹھ کر وقت گزار سکتے ہیں ۔

اتنی سہولتوں کے باوجود ہوٹل مالکان کا شکوہ ہے کہ ٹہرنے والے مہمان کتوں کی دم ٹیڑی کی ٹیڑی ہی رہتی ہے۔