Category: حیرت انگیز

بھارت (21 اگست 2025) چتا کو آگ لگانے سے چند لمحے قبل تینوں نوجوانوں کو زندہ آتے دیکھ کر سب حیران اور سوگوار ماحول خوشی میں بدل گیا۔

بھارتی میڈیا کے مطابق یہ واقعہ ریاست بہار کے ایک دور افتادہ گاؤں میں پیش آیا جہاں سے تعلق رکھنے والے تین نوجوان راہل مکھیا، منا مکھیا اور روی کمار گزشتہ ہفتہ شدید بارشوں اور سیلاب کے دوران لاپتہ ہو گئے تھے۔

لاپتہ نوجوانوں کی عمر 19، 20 سال کے لگ بھگ تھی اور وہ سیلاب والے روز کام پر جانے کے لیے گھر سے نکلے تھے۔ ان کے نکلتے ہی طوفانی بارش شروع ہو گئی اور سیلاب سے ہر چیز کو تہس نہس کردیا۔

مذکورہ نوجوان گھر واپس نہ آئے اور نہ ہی اہل خانہ کا ان سے کوئی رابطہ ہو سکا۔ انتظامیہ کی جانب سے بھی ان کی تلاش کی گئی، لیکن ناکام رہے۔ اس کے بعد لاپتہ افراد کے اہلخانہ نے انہیں مردہ تصور کر لیا اور سمجھا کہ وہ سیلاب کی بے رحم موجوں کی نذر ہو گئے۔

تینوں نوجوانوں کی موت کا یقین ہو جانے کے بعد اہلخانہ نے ان کی آخری رسومات علامتی طور پر ادا کرنے کا فیصلہ کیا۔ تاہم ابھی ہم نے آگ جلائی ہی تھی کہ کسی نے آ کر بتایا کہ وہ زندہ ہیں اور واپس آ گئے۔ اس کے بعد ہماری خوشی کی انتہا نہ رہی۔

دوسری جانب گھر واپس پہنچنے والے نوجوانوں نے میڈیا کو بتایا کہ جب سیلاب آیا تو وہ اس علاقے میں تھے ہی نہیں۔ ہمیں نہ سیلاب کا علم تھا اور نہ ہی یہ کہ گھر والے ہمیں لاپتہ سمجھ کر ڈھونڈ رہے ہیں۔

ان کا کہنا ہے کہ ریسکیو اداروں کی ٹیم اس علاقے میں بھی پہنچی جو لاپتہ لوگوں کو تلاش کر رہی تھی۔ اس ٹیم نے ہم کو بھی اپنے ساتھ لے لیا۔ اہلکاروں نے ہم کو کھانے کا سامان وغیرہ دیا اور خیال بھی رکھا مگر یہ نہیں بتایا کہ ہمیں واپس گاؤں کیوں لے جایا جا رہا ہے۔

(21 اگست 2025): کئی بار ایسے کیسز سامنے آتے ہیں کہ سب گنگ ہو جاتے ہیں ایک شخص کے سینے میں چاقو دیکھ کر ڈاکٹرز بھی حیران رہے گئے۔

کسی کے پیٹ سے بالوں کا گچھا نکلنا، کسی کے موبائل فون اور کسی کے پیٹ میں تیرتی مچھلی جیسے واقعات میڈیا میں سامنے آ چکے ہیں۔ مگر اب سامنے آنے والے ایک کیس نے ڈاکٹروں کو بھی شدید حیران کر دیا۔ ڈاکٹرز ایکسرے میں یہ دیکھ کر حیران رہ گئے کہ ایک شخص سینے کے اندر چاقو لیے زندہ سلامت چل پھر رہا ہے۔

غیر ملکی میڈیا کے مطابق یہ حیرت انگیز واقعہ تنزانیہ میں پیش آیا جہاں ایک 44 سالہ شہری کا آپریشن کر کے اس کے سینے کے اندر پھنسا ہوا بڑا چاقو نکالا۔ ماہرین نے اس کو طبی تاریخ کا نایاب کیس قرار دیا ہے۔

رپورٹ کے مطابق یہ چاقو مذکورہ شہری کے سینے میں 8 سال سے پھنسا ہوا تھا اور وہ اس کے سینے میں چبھن کر کے تکلیف و اذیت کا سبب بنتا تھا۔

مذکورہ شہری انتہائی تشویشناک حالت میں اسپتال پہنچا۔ اس وقت اس کے سینے کے دائیں جانب سے مواد خارج ہو رہا تھا جب کہ اس کو سینے درد، سانس لینے میں دشواری، بخار یا کھانسی کا کوئی احساس نہیں تھا۔

ڈاکٹروں نے اس کی حالت دیکھتے ہوئے اس کا ایکسرے کیا تو یہ اس کے سینے کے اندر ایک بڑا چاقو دیکھ کر حیران رہے گئے۔ یہ چاقو مذکورہ مریض کے دائیں کاندھے کی ہڈی میں داخل تھا لیکن حیرت انگیز طور پر اس کا کوئی اہم اعضا متاثر نہیں ہوئے تھے۔

ڈاکٹروں نے مریض کا فوری آپریشن کرنے کا فیصلہ کیا اور سرجری کر کے چاقو کو احتیاط سے باہر نکال لیا۔ جس حالت اب تسلی بخش بتائی جاتی ہے۔

مریض نے آپریشن کے بعد بتایا کہ 8 سال قبل ایک جھگڑے کے دوران اس کو چوٹیں آئی تھیں۔ اس وقت زخموں کا صرف ابتدائی علاج ہوا، مگر چونکہ کوئی شدید تکلیف نہ ہوئی، اس لیے ایکسرے نہیں کروایا گیا۔

طبی جرنل میں یہ غیر معمولی کیس شائع ہوا، جس میں ڈاکٹروں نے اس واقعے کو انتہائی نایاب واقعہ قرار دیا۔

مچھیروں نے کوسٹاریکا کے ساحل کے قریب ایک عجیب و غریب شارک کو پکڑا ہے جس کی رنگت غیرمعمولی طور پر نارنجی ہے۔

شارک کی رنگت نہ صرف چمکدار نارنجی بلکہ آنکھیں بھی حیرت انگیز طور پر سفید ہیں، آبی ماہرین کے مطابق شارک کی نارنجی رنگت ایک نایاب جینیاتی بیماری زینتھزم کی وجہ سے ہوئی ہے، اس بیماری میں جلد پر زرد یا سنہری رنگ غالب ہوتی ہے جبکہ سرخ رنگت ختم ہو جاتی ہے۔

ماہی گیروں کو ملنے والی نارنجی شارک 6 فٹ سے زیادہ لمبی ہے، ٹورٹوگیرو نیشنل پارک کے قریب 37 میٹر کی گہرائی میں اسپورٹس فشنگ کے دوران اس شارک کو قابو کیا گیا۔

اس سے قبل اس نسل کی جو شارک ملی تھیں ان کی جلد بھورے رنگ کی ہوتی تھی، تاہم نارنجی جلد اور سفید آنکھوں کی وجہ سے یہ سمندری جاندار زیادہ نمایاں ہوگئی ہے جبکہ شکاریوں کے لیے بھی اسے ہدف بنانا آسان ہوگا۔

تحقیق سے پتا چلا ہے کہ یہ زینتھزم کا پہلا ریکارڈ شدہ کیس ہے جو کارٹیلیج والی مچھلیوں (شارک، ریز اور اسکیٹس) میں پایا گیا ہے۔

تحقیق کاروں کا کہنا ہے کہ اس شارک میں البینزم (Albinism) کی علامات بھی موجود ہیں، جو اس کی بقا کو مزید مشکل بنا سکتی ہیں، نارنجی شارک کی دریافت نے میرین بایولوجی کے ماہرین کو ورطہ حیرت میں مبتلا کردیا ہے۔

شارک چونکہ زائد العمر ہے اس لیے سائنس دانوں کا یہ خیال ایک طرح سے درست ثابت نہیں ہوا کہ زینتھزم سے جاندار زیادہ دیر زندہ نہیں رہ پاتے۔

یہ بات قابل ذکر ہے کہ زینتھزم نامی بیماری جانوروں میں انتہائی کم موجود ہوتی ہے، مچھلیوں، پرندوں اور رینگنے والے جانوروں میں سنہری یا پیلے رنگ کے کیسز سامنے آچکے ہیں جن میں طوطے، کینری پرندے اور کچھ سانپ و چھپکلیوں کو ایسے رنگوں میں پایا گیا تھا۔

View this post on Instagram

A post shared by The Headlines (@headlines.ban)