لاہور :اینٹی کرپشن نے لیہ اراضی اسکینڈل میں چیئرمین پی ٹی آئی کو کل طلب کرلیا اور کہا عدم پیروی یاغیرحاضری پرچیئرمین پی ٹی آئی کیخلاف یکطرفہ کارروائی ہوگی۔
تفصیلات کے مطابق لیہ اراضی اسکینڈل پر محکمہ اینٹی کرپشن نے چیئرمین پی ٹی آئی کو کل طلب کرلیا، ترجمان اینٹی کرپشن نے کہا کہ چیئرمین پی ٹی آئی نے عدالت میں وعدہ کیا تھا کہ وہ انکوائری کمیٹی میں پیش ہوں گے۔
ترجمان کا کہنا تھا کہ چیئرمین پی ٹی آئی کی بہن اور بہنوئی کوبھی کل طلب کیا گیاہے، اینٹی کرپشن نے طلبی کا نوٹس زمان پارک کی رہائش گاہ پرچسپاں کردیا ہے۔
محکمہ اینٹی کرپشن نے کہا کہ چیئرمین پی ٹی آئی کے اراضی اسکینڈل میں ملوث ہونے کے واضح شواہد ہیں، اینٹی کرپشن انکوائری ٹیم میرٹ پرلیہ اراضی اسکینڈل کی تحقیقات کررہی ہے۔
ترجمان کا کہنا تھا کہ عدم پیروی یاغیرحاضری پرچیئرمین پی ٹی آئی کیخلاف یکطرفہ کارروائی ہوگی۔