اسلام آباد: چیئرمین پی ٹی آئی کی اڈیالہ جیل منتقلی کی درخواست اعتراضات کیساتھ ہی کل سماعت کیلئےمقرر کردی گئی۔
تفصیلات کے مطابق اسلام آباد ہائی کورٹ میں چیئرمین پی ٹی آئی کی اڈیالہ جیل منتقلی کی درخواست کل سماعت کیلئے مقرر کردی گئی۔
چیف جسٹس اسلام آباد ہائیکورٹ عامر فاروق کل اعتراضات کیساتھ سماعت کریں گے، رجسٹرار آفس ہائیکورٹ کی جانب سے کازلسٹ جاری کردی گئی ہے۔
درخواست میں استدعا کی گئی کہ چیئرمین پی ٹی آئی کی اٹک جیل میں حراست غیر قانونی قرار دی جائے اور چیئرمین پی ٹی آئی کوجیل میں اےکلاس سہولتوں کی فراہمی کا حکم دیا جائے۔
درخواست میں کہا ہے کہ ڈاکٹر فیصل سلطان کو چیئرمین پی ٹی آئی کا میڈیکل چیک اپ کرنےکی اجازت دی جائے،چیئرمین پی ٹی آئی کو فیملی اور وکلاسے ملاقات کی اجازت دی جائے۔
اسلام آباد ہائیکورٹ کےرجسٹرارآفس نےدائرہ اختیار نہ ہونےکا اعتراض کر رکھا ہے اور وکالت نامےپر چیئرمین پی ٹی آئی کے دستخط نہ ہونے کا بھی اعتراض عائد ہیں۔
اسلام آباد:اسسٹنٹ رجسٹرار دائری برانچ نے اعتراضات عائد کئے