سابق پرنسپل سیکرٹری اعظم خان نے سائفر معاملے پر کیا بیان ریکارڈ کرایا چیئرمین پی ٹی آئی نے کاپی کے حصول کیلیے اسلام آباد ہائیکورٹ سے رجوع کر لیا۔
اے آر وائی نیوز کے مطابق سابق پرنسپل سیکرٹری اعظم خان نے سائفر معاملے پر کیا بیان ریکارڈ کرایا چیئرمین پی ٹی آئی نےکاپی کے حصول کیلیے اسلام آباد ہائیکورٹ سے رجوع کر لیا اور اپنے وکیل سلمان اکرم راجا کے ذریعے درخواست دائر کر دی ہے۔
درخواست میں موقف اختیار کیا گیا ہے اعظم خان نے جو بیان ریکارڈ کرایا ہے اس کی کاپی فراہم کی جائے تاکہ چیئرمین پی ٹی اائی اس بیان کے تناظر میں انکوائری افسر کے جوابات دے سکیں۔
درخواست میں عدالت سے یہ بھی استدعا کی گئی ہے کہ عدالت فریقین کو گرفتاری سے روکے یا ضمانت قبل از گرفتاری کی اجازت دے۔
رجسٹرار ہائی کورٹ آفس نے چیئرمین پی ٹی آئی کی درخواست آج سماعت کے لیے مقرر کر دی ہے۔ درخواست کی سماعت چیف جسٹس ہائیکورٹ عامر فاروق کریں گے۔