چمن : دھماکہ میں شہید ہونے والے جے یو آئی ایف کے رہنما مولانا محمد حنیف کو آبائی قبرستان میں سپردخاک کردیا گیا، دھماکے کا مقدمہ قتل اور دہشت گردی کی دفعات کے تحت درج کرلیا گیا۔
تفصیلات کے مطابق گزشتہ روز بلوچستان کے شہر چمن میں دھماکہ میں شہید ہونے والے جے یو آئی ف کے مرکزی جوائنٹ سیکرٹری مولانا محمد حنیف کی جنازہ ملت آباد میں شہید کے مدرسے میں ادا کردی گئی۔
نماز جنازہ میں مختلف مذہبی و سیاسی جماعتوں کے اراکین قومی صوبائی اسمبلی سینیٹرز رہنماؤں قبائلی عمائدین سمیت ہزاروں افراد نے شرکت کی۔
تدفین کے موقع پر رقت آمیز مناظر دیکھنے میں آئے۔ واقعے کے خلاف جے یو آئی ف کے اپیل پر چمن سمیت بلوچستان بھر میں شٹرڈاؤن رہا۔
مزید پڑھیں: چمن دھماکا، جے یو آئی کے رہنما مولانا محمد حنیف سمیت 3 افراد جاں بحق
جن کی قوم پرست جماعتوں نے بھی حمایت کی تھی، مولانا کی نماز جنازہ ان کے بیٹے قاری محمد قاسم نے پڑھائی۔ گزشتہ روز تاج روڈ بم دھماکے میں مولانا محمد حنیف سمیت تین افراد جاں بحق جبکہ سترہ زخمی ہوئے تھے۔