کراچی : چہلم امام حسینؓ کے موقع پر پیر کو تعلیمی ادارے بند رکھنے کا اعلان کردیا گیا تاہم عام تعطیل نہیں ہوگی۔
تفصیلات کے مطابق محکمہ تعلیم سندھ نے چہلم امام حسینؓ پر چھٹی کا اعلان کردیا اور اس حوالے سے نوٹیفکیشن بھی جاری کردیا ہے۔
نوٹیفکیشن میں کہا گیا کہ چہلم امام حسینؓ پر سندھ میں سرکاری ونجی تعلیمی ادارے اور کالجز بندرہیں گے۔
ذرائع چیف سیکریٹری آفس نے کہا کہ سندھ میں عام تعطیل نہیں ہوگی تاہم سندھ میں متعلقہ ڈویژن کے کمشنر عام تعطیل کااعلان کرسکتےہیں۔
خیال رہے 26 اگست کو حضرت امام حسین کا چہلم آج عقیدت واحترام سے منایا جائے گا اور ملک بھر میں ذوالجناح، تعزیہ اور علم کے ماتمی جلوس نکالے جائیں گے۔
کراچی میں حضرت امام حسین رضی اللہ عنہ کے چہلم کے سلسلے میں نشتر پارک میں مجلس عزا منعقد ہوگی اور جلوس حسینیہ ایرانیان کھارا در پہنچ کر اختتام پذیر ہوگا۔