لاہور: لاہور کو محفوظ بنانے کیلئے سیف سٹی پراجیکٹ پر اہم پیشرفت سامنے آئی ہے، چینی کمپنی نے سیف سٹی کیمرے ٹھیک کرنے کے لیے سامان امپورٹ کر لیا۔
تفصیلات کے مطابق آئی جی پنجاب نے چینی کمپنی کو عید تک تمام ضروری آلات منگوانے کا الٹی میٹم دیا تھا، چینی کمپنی نے کیمرے، پاور بیٹریاں، ایل سی ڈیز سمیت دیگر تکنیکی اشیا امپورٹ کرلیں۔
ترجمان کے مطابق چینی کمپنی کو 14 اگست تک مزید دو ہزار کیمرے فعال کرنے کا ٹارگٹ دیا گیا ہے، فیشل ریکگنائزیشن سسٹم سمیت تمام سافٹ ویئرز کو بھی مکمل فعال کیا جائے گا۔
ترجمان کا کہنا ہے کہ معاہدے کے مطابق چینی کمپنی پراجیکٹ کو 100 فیصد مکمل فعال بنانے کی ذمہ دار ہے۔