لاہور : چین کے سرمایہ کار گروپ نے پاکستان میں الیکٹرک بائیکس کا پلانٹ لگانے میں دلچسپی ظاہرکردی۔
تفصیلات کے مطابق صوبائی وزیرصنعت وتجارت چوہدری شافع سے چین کےسرمایہ کار گروپ کی ملاقات ہوئی۔
ملاقات میں ٹیکنیکل ایجوکیشن، آئی ٹی سیکٹراور الیکٹرک بزنس میں تعاون پراتفاق کیا گیا، چینی گروپ نے پنجاب میں الیکٹرک بائیکس کا پلانٹ لگانے میں اظہار دلچسپی کیا۔
سی ای او کمپنی نے کہا کہ ہمارا گروپ الیکٹرک بزنس میں مقامی کمپنیوں کیساتھ اشتراک کا خواہاں ہے، پنجاب میں پلانٹ لگانے کیساتھ چارجنگ اسٹیشنز بھی بنائیں گے۔
چینی گروپ نے ریسرچ سینٹر کے قیام کیلئے 6 کنال اراضی کی فراہمی کا بھی مطالبہ کیا۔
اس موقع پر چوہدری شافع نے کہا کہ ماحولیاتی آلودگی پر قابو پانے کیلئے حکومت الیکٹرک وہیکلز کو فروغ دینے میں سنجیدہ ہے، حکومت یونیورسٹیوں اور کالجوں کے طلبا کو 10 ہزار الیکٹرک بائیکس دے رہی ہے۔
ان کا مزید کہنا تھا کہ چینی گروپ پلانٹ لگائے ہم ہرممکن سہولت دینگے۔