اڈیالہ جیل کی سیکیورٹی پر تعینات اہلکاروں کی کڑی نگرانی کی جا رہی ہے اب سیل کے اطراف جیل عملے کو ہفتہ وار تبدیل کیا جائے گا۔
اے آر وائی نیوز کو جیل ذرائع سے ملنے والی اطلاعات کے مطابق اڈیالہ جیل کی سیکیورٹی پر تعینات اہلکاروں کی کڑی نگرانی کی جا رہی ہے اور سیکیورٹی اداروں کے اہلکار بھی سیل کے اطراف تعینات رہیں گے۔
ذرائع کا کہنا ہے کہ سیل کے اطراف جیل عملے کو ہفتہ وار تبدیل کیا جائے گا جب کہ جیل کے اندر رہائش پذیر اہلکاروں کی مکمل تلاشی لی جائے گی۔
واضح رہے کہ سیکیورٹی اداروں نے گزشتہ روز ڈپٹی سپرنٹنڈنٹ جیل محمد اکرم کو تحویل میں لیا تھا اور ذرائع کا کہنا ہے کہ محمد اکرم پر بانی پی ٹی آئی کیلیے پیغام رسانی اور سہولت کاری کا الزام ہے۔
ذرائع نے یہ بھی بتایا کہ اڈیالہ جیل کے اسسٹنٹ سپرنٹنڈنٹ بلال سے بھی گزشتہ رات پوچھ گچھ کی گئی تھی۔