ARYNews.tv | Urdu – Har Lamha Bakhabar

میاں صاحب نے ریلی نکال کروزیراعلیٰ پنجاب کومشکل میں ڈال دیا، اہلیہ شہبازشریف

Written by

ویب ڈیسک

in

اسلام آباد : وزیراعلیٰ پنجاب کی اہلیہ تہمینہ درانی کا کہنا ہے کہ میاں صاحب نے ریلی نکال کرشہبازشریف کومشکل میں ڈال دیا ہے میں میں نوازشریف کوریلی کےبجائےقوم سےخطاب کامشورہ دیتی۔

یہ بات وزیراعلیٰ پنجاب شہبازشریف کی اہلیہ تہمینہ درانی نے سماجی رابطے کی ویب سائٹ ٹوئٹر پر اپنے پیغام میں تحریر کی انہوں نے مذید کہا کہ وزیراعلیٰ پر دہری ذمہ داری آ گئی ہے انہیں اپنی ہی جماعت کی ریلی کی حفاظت بھی ہے اور اسے کامیابی سے ہمکنار کرنے کے لیے معاونت بھی کرنا ہے۔

انہوں نے کہا کہ ریلی نکال کر وزیراعلیٰ شہباز شریف کو مشکل میں ڈال دیا گیا ہے اگر میں نواز شریف کو مشورہ دے سکتی تو میرا مشورہ قوم سے خطاب کرنا ہوتا نا کہ ریلی نکال کر وفادار بھائی کو بہ طور وزیراعلیٰ پنجاب کو مشکل میں ڈال کر دوراہے پہ لا کھڑا کرنا۔

تہمینہ درانی کا کہنا تھا کہ میری ان باتوں کو شریف خاندان میں پھوٹ پڑنے سے تعبیر نہ کیا جائے کیوں کہ شریف خاندان کے افراد میں کوئی تناؤ یا دوری نہیں ہے اور لوگ اچھی طرح جانتے ہیں کہ میں اپنے خیالات کا اطہار برملہ اور مکمل آزادی سے کرتی ہوں۔

تہمینہ درانی کا مذید کہنا تھا کہ کشیدہ صورتِ حال میں اور سیکیورٹی دھمکیوں کے باوجود پُر ہجوم ریلی کے انتظامات کو محفوظ اور پُرامن بنانے کا مطالبہ بے نامناسب سا لگتا ہے۔

 سابق وزیراعظم نوازشریف کی ریلی ، لمحہ بہ لمحہ صورت حال جانیں* 

اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

More posts