راولپنڈی: آرمی چیف جنرل قمر جاوید باجوہ نے کینسر کے مرض میں مبتلا بچے کی خواہش پوری کر دی۔
تفصیلات کے مطابق آرمی چیف جنرل قمر جاوید باجوہ نے کینسرمیں مبتلا 15 سال کے علی رضا سے ویڈیو لنک کے ذریعے ملاقات کی۔آرمی چیف نے علی رضا کی خیریت دریافت کی اور نیک خواہشات کا اظہار کیا۔
ڈی جی آئی ایس پی آر کے مطابق ویڈیو لنک کا انتظام کور ہیڈکوارٹر کراچی سے کیاگیا۔علی رضا کو آرمی چیف کی جانب سے الضرار ٹینک کا ماڈل پیش کیاگیا۔
علی رضا کا کہنا تھا کہ وہ پاک فوج کی وردی پہن کر بہت خوش ہے اور فوج میں شامل ہو کر پاکستان کی خدمت کرنا چاہتا ہے۔علی رضا نے چیف آف آرمی اسٹاف کا شکریہ بھی ادا کیا۔
#COAS interacted with 15 yrs old child, Ali Raza, fighting cancer 4 last one yr. Ali expressed desire to meet COAS & join Pak Army. Interaction was arranged @ Corps HQ Karachi via video link. COAS appreciated his passion, inquired about his wellbeing & prayed for his recovery. pic.twitter.com/dtUnjlwoYT
— DG ISPR (@OfficialDGISPR) July 14, 2020
ڈی جی آئی ایس پی آر کے مطابق 15 سالہ علی رضا گزشتہ ایک سال سے کینسر جیسے موذی مرض کا مقابلہ کر رہا ہے اور اس نے آرمی چیف سے ملاقات اور فوج میں شمولیت کی خواہش ظاہر کی تھی۔
علی رضا اپنے والدین کی اکلوتی اولاد ہے، اس کے والد کراچی کی ایک مقامی فیکٹری میں مزدور ہیں۔