راولپنڈی: آرمی چیف جنرل عاصم منیر نے سال نو کے موقع پر قوم کے نام جاری پیغام میں کہا ہے کہ پاکستان کے جذبے کو کوئی شکست نہیں دے سکتا۔
مسلح افواج نے با وقار اور قابل فخر عوام کو نئے سال کی مبارکباد دیتے ہوئے کہا کہ 2023 کا ایک اہم سال ختم ہوا جبکہ نیا سال پاکستان کیلیے اندرونی اور بیرونی اعتبار سے انتہائی اہم ہے، مسلح افواج مادر وطن کی خدمت کے جذبے سے سرشار ہیں۔
فوج کے شعبہ تعلقات عامہ (آئی ایس پی آر) کے مطابق پاکستان کی سرزمین بے پناہ قدرتی نعمتوں اور مواقع کی حامل ہے، بلاشبہ قوم ہمارے آباؤ اجداد کے خوابوں کے مطابق سرخرو ہوگی، آنے والی نسلوں کا روشن مستقبل منتظر ہے۔
متعلقہ: پاکستان وسائل سے مالا مال ہے، آرمی چیف
مسلح افواج کی باوقار اور قابل فخر عوام کو نئے سال کی مبارکباد #ARYNews pic.twitter.com/tA5aOax0Jr
— ARY NEWS (@ARYNEWSOFFICIAL) December 31, 2023
آئی ایس پی آر کے مطابق وزیر اعظم کی ہدایت کے مطابق ہم فلسطین اور مقبوضہ کشمیر کے عوام کے ساتھ ہیں، توقع ہے نیا سال فلسطینیوں اور کشمیریوں کے مسائل میں کمی کا سبب بنے گا۔
آرمی چیف جنرل عاصم منیر نے اپنے پیغام میں کہا کہ پاک فوج ملکی سلامتی اور ترقی کیلیے تمام دستیاب وسائل بروئے کار لائے گی، ہمیں پاکستانی عوام کے ساتھ اپنی غیر متزلزل وابستگی پر فخر ہے۔
جنرل عاصم منیر نے کہا کہ افواج پاکستان اور عوام ایک ہیں، پاکستان کے جذبے کو کوئی شکست نہیں دے سکتا۔