سیاسی جماعتوں کی مشاورت کے بعد الیکشن کمیشن نے ضابطہ اخلاق جاری کر دیا.
ضابطہ اخلاق کے مطابق سیاسی جماعتیں عدلیہ اور افواج پاکستان کیخلاف کوئی بات نہیں کریں گی اور الیکشن کمیشن کی کسی بھی شکل میں تضحیک سےاجتناب کیاجائے گا۔
پولنگ ڈے پر قانون نافذ کرنے والے اداروں سے تعاون کیا جائے کسی بھی امیدوار کو رشوت سے دستبردار کرانے سے گریز کیا جائے، عام نشستوں کےلئےخواتین کو 5 فیصد نمائندگی دی جائے امیدوار انتخابی اخراجات کیلئے مخصوص اکاؤنٹ کھلوانے کا مجاز ہو گا۔
ضابطہ اخلاق کے مطابق جلسے جلوسوں میں اسلحےکی نمائش پر پابندی ہو گی، صدر اور وزیراعظم سمیت وزرا حلقے میں سیاسی سرگرمی میں حصہ نہیں لیں گے۔ الیکشن کمیشن کے منظور کردہ سائز کے بینرز، پوسٹرز اور پینافلکس استعمال کئےجائیں کوئی بھی مخالف سیاسی جماعت کے بینرز نہ اتارے، جلسے سے پہلے انتظامیہ سے اجازت لازم ہو گی۔
انتخابی شیڈول جاری ہونے کے بعد ترقیاتی منصوبوں کے اعلان پر پابندی ہو گی۔ پولنگ ڈے پر پولنگ اسٹیشن کے 400 میٹر کے اندر انتخابی مہم نہیں چلائی جاسکتی، پولنگ اسٹیشن کے اندر سیاسی جھنڈے یا بینرز کے داخلے پر پابندی ہو گی۔