وزارت خزانہ نے 11ویں این ایف سی ایوارڈ کیلئے کمیشن تشکیل دینے کا نوٹیفکیشن جاری کر دیا۔
صدر مملکت نے وزیرخزانہ محمداورنگزیب کو 11ویں این ایف سی ایوارڈ کیلئے چیئرمین کمیشن مقرر کیا کیا ہے جس کا باقاعدہ نوٹیفکیشن جاری کر دیا گیا ہے۔
ساتویں این ایف سی ایوارڈ کے بعد اب 11ویں ایوارڈ متعارف کرایا جائے گا۔
چاروں صوبوں کے وزرائےخزانہ اور چاروں صوبوں سے ٹیکنوکریٹ کمیشن کے ممبر مقرر کیے گئے ہیں۔ ٹیکنوکریٹ میں پنجاب سے ناصرمحمود کھوسہ، سندھ سے اسد سعید، بلوچستان سےفرمان اللہ اور کے پی سے مشرف رسول ٹیکنوکریٹ ممبر مقرر کیے گئے ہیں۔
وزارت خزانہ کا کہنا ہے کہ جولائی 2020 میں تشکیل دیے گئے کمیشن کو تحلیل کر دیا گیا ہے۔