قبض کو اگر امّ الامراض کہا جائے تو غلط نہ ہوگا، کیونکہ یہ بیماری اپنے ساتھ کئی بیماریوں کو لاتی ہے، بہتر یہی ہے کہ اس کا علاج جتنی جلدی ممکن ہو کرلیا جائے۔
قبض کا اگر وقت پر علاج نہ کیا جائے تو یہ دائمی شکل اختیار کرکے روز مرہ کی روٹین کو متاثر اور آپ کو بے آرام کرسکتا ہے۔
قبض سے نجات کے لیے ضروری ہے کہ اپنی خوراک میں فائبر کی مقدار بڑھائیں، وافر مقدار میں پانی پیئں، باقاعدگی سے ورزش کریں اور جنک فوڈز سے مکمل پرہیز کریں۔
اس کے علاوہ قدرتی علاج جیسے گرم پانی یا گرم لیموں کا پانی مفید ثابت ہو سکتا ہے اور گھریلو ٹوٹکے یا نسخے بھی کارآمد ہوسکتے ہیں۔
اس حوالے سے ماہرصحت نے قبض سے نجات کے لیے ایک نسخہ تجویز کیا ہے جس کو بنانے کا طریقہ مندرجہ ذیل سطور میں بیان کیا جارہا ہے۔
اس نسخے کی تیاری کیلیے 3 اجزاء کی ضرورت ہے جس میں سب سے پہلے آدھا گلاس گرم دودھ میں دو چمچ اسپغول کی بھوسی اور ایک چمچ زیتون کا تیل ملائیں اور اسے اتنی دیر تک ملاتے رہے کہ یہ اتنا ٹھنڈا ہوجائے کہ باآسانی پیا جاسکے۔
اس کو پینے کا طریقہ یہ ہے کہ رات کو سونے سے قبل پی لیا جائے تو نہ صرف یہ قبض کشا ہے بلکہ آنتوں میں ہونے والی خشکی کے خاتمے کیلیے بھی انتہائی کارآمد ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔