کراچی : کورکمانڈر کراچی لیفٹیننٹ جنرل نوید مختار نے رینجرز ہیڈ کوارٹر کا دورہ کیا.
جنرل نوید مختار نے کراچی آپریشن میں حصہ لینے والے افسران سے خطاب کرتے ہوئے کہنا تھا کہ دہشت گردی کے خلاف رینجرز کا کردارریڑھ کی ہڈی کی حیثیت رکھتا ہے، غیر یقینی حالات جرائم پیشہ عناصر کو تقویت دیتے ہیں.
ان کا کہنا تھا کہ کراچی شہر میں رینجرز کو دیئے گئےخصوصی اختیارات کے بعد ہی امن بحال ہوا، رینجرز عوام کو دہشت گردی کے خلاف تحفظ پہنچانے میں اپنا موثر کردار ادا کرتی رہے گی.
کورکمانڈر کراچی نے کراچی آپریشن میں حصہ لینے والے جوانوں کی حوصلہ افزائی بھی کی.