کویت سٹی: کروناوائرس کے خطرے کے پیش نظر کویت کابینہ نے 12 مارچ تک اسکولز بند رکھنے کا اعلان کیا ہے۔
غیرملکی خبررساں ادارے کی رپورٹ کے مطابق دیگر خلیجی ممالک نے بھی کروناوائرس سے بچنے کے لیے تعلیمی ادارے بند کیے ہوئے ہیں جبکہ کویت نے 12 مارچ تک اسکولز بند رکھنے کا اعلان کیا ہے۔
کویت کابینہ نے اعلان کیا ہے کہ ہنگامی منصوبے پر عمل کرتے ہوئے یونیورسٹیاں، کالجز، اسلامی مراکز اور اوقاف کے مراکز تا ہدایت ثانی بند رہیں گے جس کا مقصد ملک میں مہلک وائرس پرقابو پانا ہے۔
کرونا وائرس کی روک تھام کے لیے دیگر خلیجی ریاستوں میں مزید احتیاطی تدابیر اختیار کی گئی ہیں۔ بعض ممالک نے تعلیمی ادارے بند کردیے ہیں جبکہ بعض نے کورونا سے متاثرہ ممالک کے سفر پر پابندی لگا دی ہے۔
اقوام متحدہ کے دفتر میں کرونا وائرس کا کیس سامنے آگیا
کویت میں کرونا وائرس کے مریضوں کی تعداد 26 ہوگئی ہے۔
خیال رہے کہ کویت میں کرونا وائرس کے شکار تمام مریضوں کو قرنطینہ کے مخصوص مرکز میں رکھا گیا ہے جہاں ان کا عالمی ادارہ صحت کی ہدایات کی روشنی میں علاج کیا جا رہا ہے۔
واضح رہے دو ماہ کے دوران چین میں وائرس 2700 سے زائد افراد ہلاک جبکہ اٹہتر ہزار افراد متاثر ہوئے جبکہ 38ممالک میں کروناوائرس سےمتاثرہ افرادکی تعداد81ہزارہے۔